ئەرەیاۋناو ناوەڼو ئەرەیاۋنای و چاپەمەنی هەپەگەی پی جۆرەنە:

"هەمڕێما فرات دلۆپا و دیرۆک جودیە جە هەرێمەکاو پارېزنای مەدیاینە جە کاتی جیاجیانە و چا کاتەنە سەرحاڵۍ ۋییەرنای ئەرکەکاشا بێنۍ گەشمەرڎۍ بیۍ.

هەمڕێما دیرۆکە پېسە تاکێوە گەلوو مهەلمی قەڎیمو مێزۆپۆتامیای بەشداریش جە ئەرەکۆشای ئازاڎیی کورڎەسانینە کەرد و جە ناخۆ بڕواش بە پاڕادایمو نەتەوەی دیموکراتیکی رابەر ئاپۆی بۍ و پەی ئانەیچ سڵش جە گیانبازی نەکەردۆ. بە ئەرەکۊشای ۋێش بی بە ئامیانو ژیۋای هامبەشوو گەلا. هەمڕێما ۋێش سەرو بنەماکاو رابەر ئاپۆی جەبارەو ژەنۍ ئازاڎێوە هەنگام بە هەنگام پەروەردەکەرد و بوڵەو ئەقڵیەتو دەسەڵاتداری پیایش سەرو ۋێشۆ لابەرد. بە هەڵوێس، ژیۋای و بەشداربیەی بێ دووەدڵی ۋێش ئەرکی گرنگش رادەسوو هەمڕایاش کەرد و مشۆم ئێمە بە دڵنیاییوە ئەرکەکاش بیاونمۍ بە سەرکۊتەی. ئێمە خیاڵ و ئاواتو ئاڎی پەی کورڎةسانی ئازاڎی و ۋەرکۊتوو دلېڕاسەی دیموکراتیکی بە دڵنیاییوە مارمێنە دی.

گەڤەر نامۍ ۋێش بە مڎرامانۆ جە تاریخوو کورڎەسانینە نویستەنۆ و فەرماندۍ فرە بە قیمەتۍ چاوە هۊرکۊتێنۍ. رۆڵەو قارەمانو گەڤەری، هەمڕا فراتیچ جە تەمامو ژیۋای ئەرەکۊشایشەنە، پەی ئانەی لایەق بە ئشناسنامەی وڵاتپاڕێزنیش بۆ کە گەلەکەما جە گەڤەرەنە بە قوربانیدایۍ گۆرە خوڵقنانش، ئەرەکۊشایش کەرد. سەرو ئا بنەمایۍ هەمڕاما جە هەر مېڎانێنە کە چنەشەنە بۍ، بە گیانبازی لوا وەڵێوە و بە رەنجو ۋێش پەی وەڵێوستەی ئازاڎیی، کۊت وەڵۍ. بە رەنجو ۋێش پەی گرڎوو هەمڕایاش بی بە نمونەییتەرین جەنگاوەری ئاپۆیی.

هەمڕێما فرات و دیلۆکە پەی ئازاڎیی گەلەکەیما گرڎ ساتێوە ئەرەکۊشۍ و سڵشا جە قوربانیدای نەکەردۆ. سەرەوەشی جە بنەیانەو وڵاتپاڕێزنوو هەمڕایاما و گرڎوو گەلا وڵاتپارێزنوو کورڎەسانی مکەرمۍ. قەول واوەی مکەرمېوە کە یاڎوو گەشمەرڎا گرڎ کاتۍ بە زیڼەیی ڕاگێرمۍ.

زانیاری جەبارەو ئشناسنامەو هەمڕا گەشمەرڎەکاماوە پی جۆرەنە:

ناسنامۍ / فرات دلۆپا بارانێ

نامۍ و دما نامۍ / فەرهاد بۆزکورت

شۊنەماو جە ئەڎابیەی / جۆلەمێرگ

نامۍ ئەڎۍ و نامۍ تاتەی / مەجبورە- ئیکرام

شۊنەماو وەختوو گەشمەرڎەبیەی / نیسانو ٢٠٢٤/ هەرێمەکاو پارێزنای مەدیای

*****

ناسنامۍ / دیرۆک جودی

نامۍ و دما نامۍ / سۆلین باشتورک

شۊنەماو جە ئەڎابیەی / تل حەمیس

نامۍ ئەڎۍ و نامۍ تاتەی / فاتمە- شێخموس

شۊنەماو وەختوو گەشمەرڎەبیەی / تەمووزو ٢٠٢٤/ هەرێمەکاو پارێزنای مەدیای