ناوەڼو ئەرەیاۋنای و چاپەمەنی هەپەگەی سەبارەت پا گەریلایۍ کە گەشمەرڎۍ بیێنە ئەرەیاۋنێوەش وەڵاکەردۆ کە پی جۆرەنە:

"دەوڵەتو تورکی ئەرەگیرکەری کە جە ۋەرا ۋەرو مڎرامانی ئەفسانەیی گەریلاکاو ئاپۆیینە پەی ۋێش بە ڕەواش موینۆ گرڎ جۆرە تاوانێوە دژە مرۆڤایەتی ئەنجامە بڎۆ، ۋەردەمو ئیراڎەو پۆڵایینی جەنگاوەرا گیانبازیی ئاپۆیینە نمەتاوۆ مەرامەکاش بارۆنە دی. گەریلاکۍ ئازادیی کورڎەسانی جە سەیەو تاکتیکی سەردەمیانەیشانە کە بە گیانبازی بەرز و بە شێوۍ ئاوردەینەی جابەجێشا مکەرا، گورزەی قورسە جە ئەرەگیرا مشانا و پاسشا کەردەن کە ئەرەگیرەکۍ کوشتارۍ فرەشا بۆ. بێگومان ئا گورزە قورسۍ کە جە ئەرەگیراش مڎا و ئا مڎرامانە تاریخیە جە سەیەو ئازایەتی بەرزی و هەوڵدای و رەنجی بێهامتاو گەشمەرڎە قارەمانەکاماوە ئامان دی.

هەمڕێما چیچەکە کە بە بەشداریش دلۍ  ریزەکاو ئازاڎیینە پەی ژیۋای ئازاڎوو گەلەکەیما ئەرەکۊشا، بە بەشداربیەی فیداکارانە و بێ دووەدڵی، جە خوڵقنای سەرکۊتەیۍ پی جۆرەی تاریخینە، یاگە دەسش دیارا. هەمڕێما چیچەکە بە هەڵوێسوو ژەنۍ ئازاڎۍ دلۍ ژیۋاینە و بە ئازایەتی ۋێش جە جەنگەنە پېسە جەنگاوەرێوە یەژاستاری نمونەیی نامێش لوا دلۍ تاریخو ئەرەکۊشایماوە. هەمڕێما چیچەکە کە بە بەشداریۍ بێ دووەدڵی و بێ ڕاڕایی و ئەرەکۊشایش جە بەرزتەرین ئاستەنە پەی هەمڕایاش بیە بە نمونە، جە هەرێموو مەتیناینە بەشداریش جە فرەو هەرمانانە کەردە. بە هەڵوێسی پاگیرانەش سەرو هێڵۆو پەکەکەی و پاژکی، جە ۋەرا ۋەرو هرووژمەکا دوژمنینە سازشش نەکەرد، بە بڕوێوە هێقم و ورێوە بەرزۆ ئەرک و ۋەرپرسیاری ۋێش یاونا مەنزڵ. جە گرڎ وەختێنە بە دڵسۆزیش پەی گەشمەرڎا ئەرەکۊشای گۊرەش کەرد.

سەرەوەشی جە گەلی وڵاتپارێزنوو کورڎەسانی بە گرڎی و بنەیانەی بەقیمەتو هەمڕا چیچەکۍ مکەرمۍ کە رۆڵێوە پېسە هەمڕا چیچەکێشا کیاستە دلۍ ئەرەکۊشای ئازاڎیی گەلەکەیما. قەول واوەی مکەرمېوە کە ئاڵاو ئەرەکۊشای گەشمەرڎاما بە ئەرەکۊشای زیاتەری تاجدار بکەرمۍ.

زانیاری جە بارەو ئشناسنامەو هەمڕا چیچەکۍ پی جۊرەنە:

ناسنامۍ / چیچەک شیا ئامەد

نامۍ و دمانامۍ / ژیان ئۆپچین

شۊنەماو جە ئەڎابیەی / ئامەد

نامۍ ئەڎۍ و نامۍ تاتەی / خەیریە – موراد

شۆنەماو وەختوو گەشمەرڎەبیەی / ٢٨و حوزەیرانو ٢٠٢٤/ مەتینا