فراکسیۆنوو یەنەکەی جە پەڕلەمانوو عێراقی ئاماژەش پانەی کەرد بېیەو دۆڵەتو ئەرەگیرکەرو تورکی جە پانیشتو کورڎەسانی و عێراقینە پاشێلکەرڎەی یاسا مېیاننەتەوەییەکان و مافو سەروەری عێراقین، داواش جە هەولێری و بەغڎای کەرڎە ۋەرا ۋەر پی پاشێلکارییا بېدەنگۍ نەبا.
فراکسیۆنو یۊبیەی نیشتیمانی کورڎەسانی، جە پەرلەمانو عێراقی بە ئەرەیاۋنێوە ئۆپراسیۆنە ئەرەگیریەکۍ دەوڵەتو تورکیش سەرو پانیشتو کورڎەسانی شەرمەزارکەردۍ و ئاماژەش پانەی کەرد کە بیەو دەوڵەتو ئەرەگیرو تورکی جە خاکو هەرێموو کورڎەسانی و عێراقینە پاشێلکەرڎەی سەرەوەری خاکو عێراقین و داواش جە هەولێری و بەغڎای کەرد ۋەرا ۋەر پی پاشێلکارییا بێدەنگۍ نەبا.
تەماموو ئەرەیاۋناکەو فراکسیۆنوو یەنەکەی پی جۊرەنە:
" چن ڕوێوەن ئۆپەراسیۆنوو سوپاو توركیای جە خاكو هەرێموو کورڎەسانینە بەردەواما ، داخەم مەشۆ جە ئاکاموو بەردەوامی ئۆپەراسیۆنەكانە زەرەر فرە یاوان بە باغ و ڕەزو هاموڵاتییا مەنتیقەکەی. حەرپاسە بیەن بە مایۍ بێزاركەردەی هاموڵاتییا.
ئی پاشێلكارییا سەرو خاكو هەرێموو کورڎەسانی و سەروەری عیراقی شەرمەزار مکەرمۍ، چونكی پارێزنا و ئەمنیەتوو وڵاتی و سڵامەتی هاموڵاتییا وزۆنە چێرو تەرسێوە، حەرپاسە پاشێلكەردەی یاسا مېیان دەوڵەتییەكان.
بێ دەنگی حكومەتو عیراقی و هەرێمی جە ۋەرا ۋەروو ئۆپەراسیۆنێوە چامنە گەورەو توركیاینە سەرو خاكو هەرێموو کورڎەسانی، كە پاشێلكەردەی سەروەری خاکو عیراقی و یاسا و ڕێسا مېیان دەڵەتییەكان، ڕەنگ وەدایۆش بۆ سەرو متمانەو عێراقی و بەهەمان شێوە هەرێموو کورڎەسانی دلۍ گلېرگەی مېیان دەوڵەتی و هاموڵاتییا ۋێشەنە بەتایبەتی.
بەردەوامی ئی پاشێلكارییا پەی ئانەی گێڵۆوە كە تا ئیساتۍ عیراق نەتاوانش ۋێش قەوەت بکەرۆ و جوابوو ئی جۆرە پاشێلكارییا بڎۆوە، داواكەرمۍ حكومەتو عێراقی بەهەماهەنگی چنی حكومەتو هەرێمی ڕا بگێرا چی جۆرە پاشێلكارییا كە مەرام چنەش تەنیا تێكدای ئارامی وڵاتی و پاشێلكەردەی سەروەری خاکو عیراقیا."
