حزبوو کۆمەنیستی کرێکاریی کوردستانی ئەرەیاوناش، قەراروو وستەیرەی یەرە حیزبە کوردییەکەی دژوو ئازادیی ورسووڕیای سیاسی و وەرتەسککەردەیوەی ئازادییە سیاسییەکان، ئامانجیچش شارتەیوە ئا ڕێککەوتەیانە کە حکومەتوو عێراقی و هەرێمی چەنی تورکیای کەردەنشا.
حزبوو کۆمۆنیستی کرێکاریی کوردستانی، بارەو قەراروو وستەیرەی (تەڤگەروو ئازادیی گلێرگەو کورستانی، پارتوو ئازادیی دیموکراتوو ئێزدی، بەرەو کۆشیای و دیموکراسی) لاو دەسەو دادوەریی هورچنیەیەکاو سەر بە ئەنجوومەنی دادوەریی عێراقیوە، ئەرەیاوناێوەش وەڵا کەردۆ.
ئەرەیاونایەکەو حزبوو کۆمۆنیستی کرێکاریی کوردستانینە ئامان: ئی قەرارە جگە چانەیە سەراپا دژوو هورسووڕیای سیاسیی حزبەکا و وەرتەسککەردەیوە ئازادییە سیاسییەکان، هاموەخت هەنگامێوە سیاسییە و سەکەتکەرییەی ئاشکرێنە چێروو پەردەو یاسێنە، کە ئامانج چەنەش شارتەیوەی ئا بەند و بەست و ڕێککەوتەیانە کە حکومەتوو عێراقی و هەرێمێ چەنی دەوڵەتوو تورکی بەستەنشا.
ئاماژە پانەیچ دریان کە بێدەنگیی دەسەڵاتدارا، وەراوەروو قەراروو وستەیرەی حزبەکانە تەنیا پەی ئانەینە ڕووەو سیاسەتە دزێوەکا و ئا ڕێککەوتەیا کە وەعدشا بە ئەردۆغانی دان بشاراوە، وەختێوەنە کە حکومەتوو تورکیای کەوتەن لەشکرکێشی و چێرپایوستەو خاکوو عێراقیوە.
جە ئەرەیاونایەکەینە باسوو ئانەیە کریان، ئی قەرارەو ئەنجوومەنی دادوەری نەک حەر پەیامێوەین پەی وەرتەسککەردەیوەی ئازادییەکا و ئازادیی ورسووڕیای سیاسی، بەڵکوم هەڕەشێوەنە پەی سەروو هەر حیزبێوە سیاسی، کە نەلۆ خانەو بەرژەوەندییەکاو چینوو دەسەڵاتداریوە.، پەوکای مشۆم ڕووبەڕوو ناڕەزایەتیی حیزبەکا و خەڵکی ئازادیوازی چە عێراقەنە و چە کوردسانەنە بۆوە و دەسەڵاتداراو عێراقی ناچارێ بکریا دەسش چەنە هوربگێرا.
هەرپاسە حزبوو کۆمۆنیستی کرێکاریی کوردسانی ئیدانەو ئا قەرارەیشە کەردەن و واتەنش، هەنگامیوەنە پەی وەرتەسککەردەیوەی ئازادیی هورسووڕیای سیاسی و چالاکیی حیزبەکا، هاموەخت پاڵوو گردوو ئا دەنگانە و ئا ناڕەزایەتییانە کە پەی هورشانایوە ئی قەرارە سەرکوتکەرانەیە مەیا مەیدان مدرمێرە.
