جە هەولێر وێنیشاندای ئەنجام دریا

جە دلێڕاسی هەولێر-یەنە وێنیشاندای ئەنجام دریاو داوا کریا کرێ دوکان کەم بکریۆنەوە.

ئارۆ دووە شەممە، جە شارو هەولێر خاوەنێ دوکانەکێ بازارو نیشتمانی کە مەگنۆنە دلێڕاسی شاری کۆبیێوە و ناڕەزایەتیشان ئەنجام دا. 
جە وێنیشاندایەکە زیاتەر جە  ٣٠٠ دووکاندارێ بە نمایندەیی ٨٠٠ دوكاندارێ بازارەکەی وازیارێ بێنێ؛ کرێ دوکانەکانشان پەی کەم بکریۆنەوە.
دوکاندارەکێ واتشان: "وەڵێ قەیرانو دارایی ٥٠٪و کرێشان سەر زیاڎە کریێنە و پەی هەر یەک مەتر دوکانی ١٦ دۆلارێ کرێ دیاریە کریێنە. بەڵام جە ئیسەنە بە نونگەو قەیرانی دارایی و نەبییەی کەسبو کاری داواکارێنمێ کرێکێ پەی ١٠ دۆلاران کەم بکریۆنەوە و چونکە توانامانە نییەن ١٦ بڎێمێ".

لنەبەز عەبدولحمید، قائیمقامو هەولێری کە وێنیشاندایەکەنە ئامادەبی جە کۆنگرێوی ڕۆچنامەوانییەنە بە کرێنیشینەکێ بازارو نیشتمانی وات: "چەنی خاوەن موڵەکەکان هەوڵ بڎێمێ تا داواکاری خاوەن دوکانەکان وەرچەم بگێرانێ و کرێکێشان پەی کەم بکەرانێوە".