جەکۆبېیەیۆ گەلانە باس جە ئەرەکۊشای کورڎەسانی کریا
جە فێستیڤاڵوو ئۆپن ئایېر ویپکینگنە کە بە شێوەو کۆبېیەیۆ گەلا گرڎ ساڵېوە زوریخ-ەنە ساز مکریۊ، باس جە سیستەمو گۊشەگیری ئیمراڵی و ئەرەکۊشای ئازاڎی کورڎەسانی کریا.
بە دیمەن
شارو زوریخ و سویسراینە فێستیڤاڵوو ئۆپن ئایر ویپکینگنی بە شێوەو کۆبیەیۆ گەلا ساز مکریۆ. فێستیڤاڵەکە جە لېواروو رووباروو لیماتی جە ٢١-٢٢ ی حوزەیرانینە سازکریا. نوێنەراو کورڎەسانی، فیلیپین و فەلەستینی بەشداریشا جە فێستیڤاڵەکەنە کەرد و باسوو ئەرەکۊشای گەلا کریا.
ئېساڵ چېروو نامۍ 'پەشتیوانی جە زیڼانیا سیاسی' فێستیڤاڵەکە لوواڕاوە. جە لایەنو کۆرۆی کرێکارە ئینترناسیۆنالیستەکاوە دوو ۍکۆنسێرتۍ جیاجیۍ جە فێستیڤاڵەکەنە سازکریۍ.
جە فێستیڤاڵەکەنە ئاماژە بە ئاژەو هەزاران فەلەستینیا و زیڼانیا فەلەستینی کریا کە دلۍ هەلومەرجی نامرۆڤانەینە راگیریێنۍ.
حەرپاسە جە فێستیڤاڵەکەنە بە نامۍ کۆمیتەو ۋەرنیشتیچۆ ئەرەیاۋنېوە ۋنیاوە.
جە ئەرەیاۋناکەینە باس جە کۊشیای ئازاڎیی جە چوار پارچەو کورڎەسانینە کریا و ئاماژە بە دەوروو رابەروو گەلوو کوردی عەبدوڵا ئۆجالانی جە کۊشیاینە کریا.
حەرپاسە سەبارەت بە سیستموو گۆشەگیری رەهای سەرو رابەروو گەلوو کوردی عەبدوڵا ئۆجالانی چڼ دیڎار و گفتوگۆیۍ جە فێستیڤاڵەکەنە سازکریا.
