جەنگاوەراو ئێری و ڕۆژێ ژەنا ئەرەمەرزنای ۋێشا ئەرەیاۋنا
جەنگاوەراو ئێری و ڕۆژێ ژەنا جە جۆلەمێرگ، وان، ئەرزرۆم و ئەستەنبوڵنە بە ئەنجامدای ڕیزە چالاکیێوە ئەرەمەرزنای ۋێشا ئەرەیاۋنا.
بە دیمەن
جەنگاوەراو ئێری و ڕۆژێ ژەنا بە ئەنجامدای ڕیزە چالاکیێوە دژوو دەوڵەتو ئەرەگیرکەرو تورکی ئەرەمەرزنای ۋێش ئەرەیاۋنا. بەپاو ئەرەیاۋناکەی، جە ١٥و تەمموزی، جەنگاوەراو ئێری و ڕۆژێ ژەنا بە تەقەمەنی جە دژوو سەروازا و پۆلیسا کە گەرەکشابۍ جە جاڎەو ئارموشی گەڤەرینە گەشتێوە ئەنجام بڎا چالاکیشا کەرد. دیسان جە گەڤەرەنە شەوەو ٣ۍ ئابی بە تەقەمەنی دژ بە گەمارۆدای پۆلیسوو دەوڵەتو تورکی جە گەڕەکەکا کشلا، جومهوریەتی و ئۆرمانینە چالاکی کریا.
حەرپاسە جەنگاوەرا جە ١٨و تەمموزینە جە شارو وانی گەڕەکەو ئاڵتنتەپەینە دژوو هرووژمەکا دەوڵەتو تورکی پەی سەرو پانیشتوو کورڎەسانی چالاکیشا کەرد. جە گەڕەکەو خاچۆرتینە جە یەرۍ نوقتۍ جیاجیێنە ڕاکۍ جەلایەنو جەنگاوەاوە وزیێرە و دژوو زەماۋنەو هامسەرگیری و سەماکەردەی چالاکیی شەرمەزارکەردەی لواڕاوە. حەرپاسە بە تەقەمەنی کۆکتێل ومۆلۆتۆف دژوو زرێپۆشا پۆلیسی کە یاوۍ شۊنەماو ڕووەداکەی چالاکیی کریا.
ئانەیچ ئەرەیاۋییان کە جەنگاوەرا ۋەرپرسیاری سۆچنای زرێپۆشێوەشا جە ئەرزرۆم و سۆچنای ترۆمبێلێوە فاشیستاشا جە ئارناڤوتکۆی ئەستەنبوڵی و تەقنایۆ محاویلێوە پیشەسازی جە ئەسەنیوردەنە و سۊچنای ترۆمبێلێوە جە باغجلەرو ئەستەنبوڵینە گێرت ئەستۆ.
حەرپاسە جەنگاوەراو ئێری و ڕۆژێ ژەنا جە بەیاننامێوەنە سەرنجشا وست سەرو سیاسەتەکاو جەنگی تایبەتی جە کورڎەسانەنە و هرووژمە ئەرەگیریەکا.
جە بەیاننامەکەو جەنگاوەراو ئێری و ڕۆژێ ژەنانە ئامان:
"ئیساتۍ کاتو ئانەینە جوابو ئا کەسا بڎەیمېوە کە هەوڵو تێکدای ئارامی ۋەرنیشتی مڎا کە بە ڕەنج، ئەرەکۊشای و ۋنەو گەشمەرڎا بەرهەم ئامان، کاتوو ئانەینە جوابو ئا کەسا بڎەیمېوە کە هەوڵ مڎا بە چەکی کیمیاویی و قەڎەغەکریا، ڕۆڵەکا گەلەکەیما دلېنە بەرا، کاتو ئانەینە جوابوو ئا کەسا بڎەیمېوە کە هەوڵو دەسسەرەرەگېرتەی ئیراڎەو گەلەکەیما مڎا.
کاتو ئانەینە جوابوو سەپنای ئارەزوومەندانەی و سیاسەتوو گۆشەگیری جە زیڼاانەکانە بڎریۆوە.
حەرپاسە کاتو ئانەینە جوابوو ئا کەسا بڎەیمېوە کە وەرگەو زۋانی، ئاواز و هۊرپڕای کوردی نمەگېرا.
کاتو ئانەینە جوابوو ئا کەسا بڎەیمېوە کە بە ماددەی هۆشبەر و لەشورەشی و دلېنەبەردەی کولتووری دژوو گەلەکەیما مرداوە.
چی سەدەنە دمایین قسۍ و بڕیار جە لایەنو ئێمەی ژەناو، جوانۍ و وڵاتپاریزنا و مرۆڤە شۆڕشگێڵنەکاوە مڎریۆوە.
سەرو ئی بنەمایۍ ئەرەمەرزنای ۋێما پېسە جەنگاوەرا ئێری و ڕۆژێ ژەنا بە پیرۆزکەردەی جەژنەو ژیۋایۆی و مڎرامانوو ١٥و تەباخی ئەرەیاۋنمۍ. پېسە دماین قسۍ، گرڎوو ژەنا، جوانا و ئا کەسۍ کە گەرەکشانە جوابوو دوژمنی بڎاوە، خوڵقەو بەشداربیەیشا جە یەکینەکاو جەنگاوەرا ئێری و ڕۆژێنە مکەرمۍ."
