جەردەوانەکۍ دارۍ بڕاوە
جەردەوانەکۍ دارەکاو هەرېمو کۊماتی سەر بە ئەلکێی بڕاوە.
جە کەشەکاو جودی، گاباری و هەرېموو بەستای سەر بە شڕنەخی بڕیەیۆ دارا و تاڵانکەردەی ژیۋگەی جە لایەنوو جەردەوانەکاوە بەردەواما.
ئیجارەیچە بڕیەیۆ درەختەکا جە مەنتیقەو ئەلکێی شڕنەخی کە جە ماوەکاو ۋییەرڎەینە پېسە هەرېمی "ئەمنی تایبەتی" ئەرەیاۋییابۍ، دەسشپنەکەرد. جە مەنتیقەو کۆماتێی سەر بە ئەلکێنە جە لایەنوو جەردەوانەکاوە دەس بە بڕیەیۆ درەختەکا کریان. ئا درەختۍ کە بڕیاوە بە مەکینە نزیک بە نوقتۍ چەمڎاری سەروازی و جەردەوانانە کوۍ مکریاوە و دماتەر بە گەڵابە پەی شارە جیاجیاکا فاڕیاوە.
زانیا کە جە هەرێمەکەنە ٣ مانگێن بڕیەیۆ درەختەکا دەسشپنەکەرڎةن.
فەرماندەو قەرەقوڵەکەی بە خەڵکوو مەنتیقەکەیش واتەبۍ: "دارۍ بڕدێوە و با زەڕەکەیچش پەی ۋێتا بۆ " بەڵام دەگانشینەکۍ قبوڵشا نەکەردەبۍ. بە ئەمرەو قەرەقوڵی دارەکۍ جە لایەنوو جەردەوانەکاوە بڕیاوە. ئەرەیاۋییا کە چا هەرێمەنە کە دارەکۍ بڕیاوە ئۆپراسیۆنی سەروازی بەردەواما.
