سارا ڕەزا، ئەندامەو دەسەی ڕاوەبەری تەڤگەری ئازاڎی کورڎەسانی، باسش جە ئەزموونوو ئشناسای ژڵېوەو ئازاڎی کورڎەسانی و فکرەکا ڕابەرو گەلو کورڎی عەبدوڵا ئۆجالانی کەرد و واتش: " ئەندێشەکۍ رابەرو گەلوو کوردی رزگاری ژەنا چەسپنۆ ".
سارا ڕەزا، ئەندامەو دەسەی ڕاوەبەری تەڤگەری ئازاڎی کورڎەسانی ، جە چەمپنەکۊتەیێنە چنی ئاژانسو هەواڵوو فوراتی، باسش جە ئەزموونوو ۋێش کەرد جە ئشناسای پارتوو هەرمانبەراو کورڎەسانی و ڕابەرو گەلو کورڎی عەبدوڵا ئۆجالانی و ئانەش وست ڕوە، ئا ئشناسایە سەرتاپاو ژیۋایش فاڕان و دماو ئا ئشناسایە چانەی یاوێنەنە کە پیاسالاری چېشا و جەختیچش کەردۆ کە ئەندێشەکۍ ڕابەرو گەلو کورڎی ڕزگاری ژەنا چەسپنانە.
سەبارەت بە ئەزموونوو ئشناسای زڵېوەو ئازاڎی کورڎەسانی، سارا ڕەزا واتش: " دماو ساڵەو ١٩٩٣ کاتۍ پارتوو هەرمانبەرا کورڎەسانیم ئشناسا، بە مەڵامەتو ئانەی جە چاپخانېوەنە هەرمانە کەرېنا و نامیلکێوە هەڤاڵ زیلانېما چاپکەرد، چا کاتەنە پرسیارە بۍ لاو منۆ کە پەیچی ژەنېوە مشۊم کردەی گېیانبازی بکەرۊ، بەڵام دماتەر و دماو ۋەنایۆ سەڎان جارۍ ئا نامیلکەیە، پېم بەرکۊت کە ئانە چ کردېوەشۊڕشگەرانەن، من دەسم بە گېڵای ۋېم کەرد سەبارەت بە پارتوو هەرمانبەرا، شۊنەو ئا جوابەیرە گېڵێنا کە پۍ چېشی سەرەڕاو ژڵېوەکا تەری، گەنجەکۍ بەشداری جە پارتوو هەرمانبەرانە مکەرا، بەڵام دماو ئشناسای هەڤاڵاو ۋەرکەوتی و هۊرگېرتەی پەرۋەرڎەی، یاوانینە کە ئی بیرۆکە و ئایدیایە جیاوازیش چېشا چنی ئەویشا تەری و یاوانینە کە ئازاڎی ژەنا و کۊشییای ماناش چېشەنە و تا ئا ڕوەی مەنوو من من موحیبەت مڎەو پی کۊششیە و بە گەشمەرڎا."
هەر پاسە ئاڎە باسش چانەیچ کەرد کە پېسە هەر تاکێوە تەری، جەلایەنو خېزانەکەیشۆ کۊسپش پەی وەشکریان و چڼین جارۍ داواش ۋنەکریێنە کە وازبارۆ و واتش: "من گرڎو ئا داواکارییامە ڕەڎۍ کەرڎېنېوە و ئاماڎۍ نېیەنا وازباروو، ئېمە هەمیشە پەی کۊشش و ئازاڎی گەلو کورڎی و ژەنۍ ئازاڎۍ ئەرەکۊشمۍ و بەردەوامۍ بیمۍ جە وەڵاکەرڎەیۆ هۊشییاری دلۍ ژەنانە."
ئاماژەیچش پانەی کەرد کە "دۆڵەتا سەرمایەداری چانەی یاوێنێنە کە ئەندێشە و سیستمەکەو ڕابەر عەبدوڵا ئۆجالانی چارەسەر و ئەڵتەرناتیفا پەی گرڎو ئاریشەکا و ژەنی و ژیۋگە ڕزگارمکەرۊ و بۊ بە مایۍ فەرحانی، پۊکەی دژشەنۍ و بە گرڎ ڕېوە کۊشش مکەرا کە ڕا جە چەسپنای ئی بیرۆکەیە بگېرا."
هەر پاسە باسش جە بەشداریکەرڎەی ژەنا پېسە گەریلای ئازاڎی کورڎەسانی جە سەرمەشقایەتی کەردەی شۆڕشوو ئازاڎیینە کەردوو ئانەش ڕۊشن کەردۆ کە "ژەنا هیچشا جە پیایا کەمتەر نېیەن و پېسە پیایا بەشدارېنە جە شۆڕشەنە، ئینە گرڎ جە سەیەو ئەندێشە و ڕامانەکا ڕابەر ئاپۆیۆن، کە گەریلاکاو ئازاڎی تاواشا نمونەو ژەنۍ شۆڕش گېلنۍ جە کۊششەنە نیشانە بڎا".
جە دمادمایی قسەکاشەنە سارا ڕەزا باسش جە گرنگی ۋەنایۆ بەرهەماکا ڕابەر ئۆجەلانی کەردو ئاماژەش پانەی کەرد کە پاڕادایمەکۍ ڕابەر ئاپۊی بیێنۍ بە هومێڎۍ پەی مرۆڤایەتی و واتش:"جە ئیساتێنە هۊرگېڵنای کتېبەکا ڕابەر ئاپۆی پەی سەرو زۋانە جەهانییەکا، پاسشە کەرڎەن کە چڼین فەیلەسوفۍ و ۋیرمەندۍ ئا وڵاتا سەرسامۍ ۋیرلە و سیستمە مجیایرەکەی بانۍ."
