خەڵکوو کەمپوو پەنابەراو گەشمەردە ڕۆستەم جودی (مەخمور)ی بە بۆنەو دەیەمین ساڵیادوو هجوموو چەتەکاو داعشیوە پەی سەروو مەخموری و شەنگالی ئەرەیاوناێوەشا واناوە.

ئەرەیاونایەکە جە ئەرەمەرزیاو بنەیانەو گەشمەرداو مەخموری بە دەیەقێوە ڕێزگێرتەی جە گەشمەرداو ئازادیی کوردستانی دەسش پەنە کەرد. دمایی ئەنداموو ئەرەەرزیاو بنەیانەو گەشمەردا، مامۆسا حسێن کارا قسێش کەردێ.

مامۆسا حسێن کارا واتش ئامانجوو هجوومەکەو داعشی کورڎەسان و تاریخو کوردا بۍ، پۊکەی هجوومشا کەرد سەرو باوەڕی ڕەسەنو کوردا جە شەنگالەنە، سەرنجش وست سەرو خیانەتو پەدەکەی و جیائاستەی شەنگالی پەی داعشی، ئاماژەش کەرد بە هرووژمەکەو سەرو مەخموری و واتش: " ئەزموون و ڕێکوستەو گلېرگەو مەخموری هەولێرش پارێزنا. مەسعوود بارزانی ۋێش ئاما کەمپەکە و سوپاسو جەنگەواناش کەرد. پەدەکە قەرزارو پەکەکەیا. بەڵام بنەیانەو بارزانی حەجگیز ۋێشا جە خیانەتی ڕزگار نەکەرد. جە شەنگالەنە پیلانەشا گێڵنا، مەخمووریچەنە پیلانەشا گێڵنا. ئارۊیچ هەمان کار مکەرا و هەوڵ مڎا ئی قڕکەردەیە بکەرا بە ڕسمی. ئاڎۍ دڎان نمەنیا ۋێڕاوەبەری شەنگالیرە و ئەرەمەرزیا مەدەنییەکا شەنگالیرە پێسە پادێ مکەرا ئامانج. بەئامانجگېرتەی پادێ، جە ساڵیاڎو کۆمکوژی شەنگالینە نیشانۍ بەردەوامیی پیلانگێڵنیا".

ئەرەیاۋناکەی بە درووشمەو "بژیۋۆ مڎرامانوو گەلوو کوردی" و "گەشمەرڎۍ نمەمرا" دمایش پنە ئاما.