کۆنگرەو جڤاکیی دیموکراتیک (کەجەدە)ی پێوەس پا ئێزدییا، کە بۆنەو هەڕەشاو سەریشاوە ناچارێ بیێ جە کەمپەکانە هوربەیا، ئەرەیاوناێوەش وەڵا کەردۆ و واتش: "بێدەنگیی هامبەشوو کۆکوشیین".

هجووم مکەرانە سەروو ستاتۆو شەنگالی

ئەرەیاونایەکەنە ماچۆ: "جڤاکوو ئێزدی کە ٧٣ جارێ ڕووبەڕووێ فەرمانێ بیێنیوە و و ٧٣ جارێ وەورەچەماو دنیێوە کوشیێنێ، ئارۆیچ ڕووبەڕوێ هەمان هجوومی بیێنێوە. دماو فەرمانێ فرێشا کۆچشا کەرد، بڕێشا لوێ ئەورووپا بڕێ گێڵێوە پەی شەنگالی و بڕێشا کەمپەکانە دۆخیوی خراپەنە مژیوا. ١٥٠ هەزار ئێزدیێ کە هەرێموو کوردسانینە ئینێ چێروو هەڕەشانە و فشاروو پەدەکەینە مژیوا، بۆنەو قسێ پێسمەرگەی وەڵین قاسم شەشۆیوە ئینێ وەردەموو هەڕشاو قڕکەردەینە. پەدکە کە فەرمانەو ٧٣مینینە ئێزدییەکێسا دێ دەسوو چەتە دڕندەکاو داعشیوە، ئارۆیچ هەوڵێ مدانە  شەنگالی بێ ستاتۆ بازاوە.

هۆشداری دریا بە پەدەکەی  

پێسەو کەجەدەی، هۆشداری مدەیمێ بە پەدەکەی و ماچمێ نمازمێ ئێزدییەکا بکەردێ قوربانیی بەرژەوەندییەکاتا. خاکوو کوردسانی ئینا بەروو چوارچوەو پەدەکەیوە. پەدەکە لایێوە خاکوو کوردسانی پێشکەشوو ئەرەگیرا مکەرۆ و لایێوە تەریچۆ بە هامکاریی ئەرەگیرا هەڕەشێ وەنەو دەسکەوتەکاو گەلوو کوردی مکەرۆ. تارێخ شەرمەزاریی پەدەکەی منویسۆوە، کە ئێزدییەکێش دەسوو داعشیوە نەپارێزنێ و ڕەمێ. جا تارێخ ئا کەسایچە منویسۆوە کە جڤاکی ئێزدی و کەرامەتوو ئیزدییشا پارێزنا. گەلەکەما ئی هەڵوێستەو پەدەکەی شەرمەزار مکەرۆ. پا ئامانجەوە داوا جە گلێرگەی میاننەتەوەیی و هێزە میاننەتەوەییەکا مکەرمێ، کە هەڵوێستی ڕۆشن نیشانە بدانە. وەراوەروو ئی دۆخەینە کە بییەن بایسوو کۆکوشی تازەی بێدەنگێ نەبا، بێدەنگیی هامکاریکەردەی کۆکوشیین. جڤاکی ئێزدی بۆنەو بێدەنگییوە ڕووبەڕووێ ٧٣ فەرمانا بیێنیوە، داوا جە گردوو گەلوو کوردسانی و پارت و ڕێکوزیا مەدەنییەکاما مکەرمێ، دژوو ئی هجووما هەڵوێست وربگێرا."