کۆنگرەو گلێرگەو دیموکراتیکی کورڎەسانیا جە ئۊروپا (کەجەدەکە-ئە) پێوەس بە هرووژمەکا دۆڵەتو تورکی ئەرەگیری ئەرەیاۋنێوەش وەڵا کەرڎۆ و  بانگەوازش پەی گۆرەکەردەی مڎرامانی کەرد جە دژو ئا هرووژما.

ئەرەیاۋناکەو کەجەدەکە-ئەی پی جۆرەنە:

"سوپاو دۆڵەتو تورکی ئەرەگیری فاشیستی کە بیەو ۋێش سەرو دلێنەبەردەی گەلا ئەرەمەرزنان، وێرەگاو ڕۆو ٢٤و ئۆکتۆبەری هرووژمش کەرڎ سەرو قامیشلۆی، کۆبانێ، منبج، دێرک، تل تەمر، گرێ سپی، شەنگالی و هەرێمەکاو پارێزنای مەدیای.

ئی هرووژمۍ ڕاسەوخۆ هرووژمێنۍ پەی سەرو مەدەنی و ٦ کەسۍ گەشمەرڎۍ بیۍ کە زاوڵێچشا ئینۍ چنە. تا ئیساتۍ دەیان مەدەنیێچ زامڎارۍ بیێنۍ، بۆمبۋارانو فرۆکە بێفرۆکەوانەکا پەی سەرو ناوەندە تەندروسییەکا، وێستگەکاو کارەبۍ و مێڎانەکا ژیۋای بیەن.

پېسە گرڎ جارێ ئەمریکا، ئەوروپا و هێزە مېیاننەتەوەییەکۍ ۋەرا ۋەر بە کۆمکوژییەکا دۆڵەتو تورکی ئەرەگیری پەی سەرو گەلوو کوردی بێدەنگۍ با.

ڕۆ ڕۆو خاوەنداریکەردەیا جە خاکی و مڎرامانوو ڕابەر ئاپۆی جە ئیمراڵینە. جە دژو ئا هرووژما داوا جە گەلەکەیما مکەرمۍ ناڕازیبیەیشا جە مێڎانەکانە نیشانە بڎا و مڎرامانشا گۆرە بکەرا.

پېسە کەجەدەکە-ئەی ئی هرووژما شەرمەزار مکەرمۍ و داوا جە گەلی وڵاتپارێزنیما مکەرمۍ جە گرڎ شۆنێنە ناڕەزایی دیموکراتیکانەو ۋێشا نیشانە بڎا، پەی نامە زڕنای دۆڵەتو تورکی ئەرەگیری، ئەردۆغانی دیکتاتۆری و هامپەیمانە فاشیستەکەیش بە ڕۆحی سەفەربەرییوە مجیەیدێرە مېڎانەکا."