کۆنسەو سەرۆکایەتی گرڎینوو کەجەکەی بۆنەو ٥ـەمین ساڵیاڎوو گەشمەرڎەبیەو هەڤاڵ هەڵمەتی (دیارغەریب) داواش جە گەلوو پانیشتی کەرد کە ڕێکوستەیی کۆمەڵایەتی ۋێشا قەوەت بکەرا، دەسکەوتەکاشا پارێزنا و بە ڕۆحوو یۆبیەی نەتەوەیی ئەرەگیری تورکی جە کورڎسانەنە بکەرانە بەرۆ.
کۆنسو سەرۆکایەتی گرڎینوو کەجەکەی، ئەنداموو کۆمیتەو ناوەندی پەکەکەی و ئەنداموو کۆنسەو سەرۆکایەتی گرڎینوو کەجەکەی هەڵمەت گابار (دیار غەریب)ش جە ساڵیاڎوو گەشمەرڎەبیەیشەنە ۋیر ئاوردۆ کە جە هجوومۍ ئاسمانی دەوڵەتوو ئەرەگیروو تورکینە جە قەندیل گەشمەرڎە بی. کەجەکە داواش ۋنەو گلېرگەو پانیشتی کەرد کە شۊن پاو گەشمەرڎە هەڵمەتی گنا، بە هەڵوێسی شۆڕشگێڵنانە و ۋێڕاگرانەشا جە دژوو چەتەکا و سوپاو ئەرەگیروو ئاکەپە-مەهەپەی باوە و واتش: "گرنگ نییا چێش ڕووە مڎۆ، با ڕووە بڎۆ بە دڵنیاییوە سەڎەو ٢١ مکەرمۍ بە سەڎەو کوردا ئازاڎیی."
بەیاننامەکەو کەجەکەی پی جۆرەنە:
"جارێوەتەر چنی ڕێز و حورمەت و پنەزانای پەی گەشمەرڎە دیار غەریبی کە پېسە ڕۆڵێوە شۆڕشگێڵنی و سەرمەشقوو کورڎەسانی ژیۋای ۋێش پەی کۊشیای تەرخان کەرد و پەنج ساڵۍ چێوەڵی جە وەختوو جابەجێکەردەی ئەرکەکاشەنە پېسە ئەندامێوە کەجەکەی لوا کارەوانوو گەشمەرڎاوە." پېسە کۆنسەو سەرۆکایەتی گرڎینوو کەجەکەی جە کەسایەتی هەڤاڵ هەڵمەتینە گرڎوو گەشمەرڎا ڕاو ئازاڎیی کورڎەسانی بە ڕێزو پنەزانایۆ یاڎ مارمێوە. ئانەی کە نمازۆ پەکەکە دۆڕیۆ کەسانۍ پېسە هەڤاڵی گەشمەرڎەیما هەڤاڵ هەڵمەتینۍ کە هێلۊو سیاسەتوو ڕابەراتیشا جە بەرزتەرین ئاستەنە پەیڕەو کەرد. ئەرەگیرا کۆمکوژیی و هێزە بەکرێگرتەکا دلېینەی مشۊم ئانەی بزانا؛ کۊشیای بە گەشمەرڎە بیەو هیچ کام جە هەڤاڵاما دمایش نمۍ. بەپێچەوانۆ چنی هەریۆ جە هەڤاڵا گەشمەردەیما، ئیرادە و ورەما پەی فراوانکەردەی کۊشیای زیاتەر بۆ. پی مەعنۍ پەنەوازا ئانە بزانیۆ کە ئێمە جە گرڎ وەختۍ زیاتەر پەی بەدیئامای مەرامەکا وڵاتێوە ئازاڎیی، گەلێوە ئازاڎ و ژیۋایۍ ئازاڎیی بە ئیراڎێنمۍ، کە گەشمەرڎە قارەمانەکېما بۆنەشۆ گەشمەرڎۍ بیۍ.
بە فەلسەفەو 'پارچە نانێوە و گجیێوە' دەروێشانە ژیۋان
هەڤاڵما گەشمەرڎە هەڵمەت. باوشی گەلوو پانیشتینە بە گۊشگێرتەی جە زریکەو ئەنفالی گەورە بیەن. چېروو ڕۊشنایی چالاکییە چارەنوویسسازەکا ئەرەپڕاینە بی بە شۆڕشگێڵن. ژیۋای ۋێش پەی حەق کەردەیۆ کۆمکوژییەکا سەرانسەرو وڵاتەکەیش بەخت کەرد. جگە جە چەکوو مڎرامانی، جگە جە وەشەسیایی پەی گەلەکەیش، جگە جە پەرۆشیش پەی مەراموو ئازاڎیی جە مەژکشەنە و جیا جە ئیراڎەو ۋێش، قەد سەرەنجش سەرو حیچ چێوۍ تەری نەبۍ. سەرو بنەماو پیمەرەکا ئازاڎیی ژیوۍ. پېسە کەسێوە ئایدیۆلۆژی، سیاسی و ئەخلاقی بەشێوێوە نموونەی جوانی و حەقیقەتش جە کەسایەتی ۋێشەنە خوڵقنا. جە کەشێوەنە کە سەرمایەداری جە گرڎوو جەهانینە زاڵ بۍ، فەلسەفەو 'پارچە نانێوە و گجیێوەش' هۊرچنی، دڵش پەڕکەرد جە عەشق و مەعنەویاتی. بە ئێشە تاریخیەکا گەلەکەیش هۆشیاری فیکری و کەسایەتی ۋێش بەرزکەردۆ. بە ویر و قسۍ و هەوڵەکاش ئایدۆلۆژی ڕەگەزپەرەسی، نەتەوەپەرەسی و ئایینش ماڕۍ. هەر پۊکەی گەشمەرڎە هەڵمەت بی بە یۆ جە کۊششکارە سەرەکیە سەرکەوتەکا ڕابەر ئاپۆی. حەرپاسە بی بە هەڤاڵێوە عالوو ڕابەر ئاپۆی.
هامڕا هەڵمەت دەوری سەرمەشقانەو کۆشیایش پەی یاواینەی دروس و بەیاگەیاونای دروسوو نەتەوەی دێموکراتیکوو ڕابەر ئاپۆی و سیستموو کۆنفیدرالیزمی دیموکراتیکیش دی، فرە هەوڵێش دێ پارادایموو ئیکۆلۆژی و دیموکراتیک و ئازادیوازانەو ژەنا بفاڕۆ پەی عەقڵیەت و سیستمێوی کۆمەڵایەتیی تازەی، بەتایبەتی پانیشتوو کوردستانینە. هەمیشە بە هەرمانەو وێش زانێ کە خەڵکوو پانیشتوو بەتایبەتی گەنجێ و ژەنی پەروەردێ کریا و ڕێکێ بوزیا و کۆشا بکەرۆوە. پەی ئازادیی گەلوو پانیشتی خەتەو نەتەوەپەرەسی سەرەتایی کۆنەپەرسانە و دامەکاو خەتەو مۆدێرنیتەی سەرمایەداری هەوڵێ و کۆشیای بەردەوامی دا. هەمیشە وێش چی بوارەنە بە وەرپەرس زانێ. .
کوردایەتی ئازاد پانیشتنە مشۆم پێسەو هامڕا هەڵمەتی فیداییانە بۆ
گەشمەردە هەڵمەت نامێ سەرمەشقوو شۆڕشیش سەروو خەتەو ڕابەر ئاپۆیوە پانیشتوو کوردستانینە ورگێرتێنە. گەشمەردە هەڵمەت بی بە هێماو کوردایەتی ئازادی و پەڕ جە شانازی. پانیشتوو کوردستانینە دلێ گەلەکەیمانە، نوێنەرایەتیی خەتێ شۆڕشگێڵنیێ دیمۆکراتیکێ، وەڵاتی ئازاد، گلێرگەی ئازاد و ژیوای ئازادیش بە خاستەرین شێوە ڕاوە بەرێ. هەرپاسە بی بە هێماو تەسلیمنەبییەی، سەرەوردای و مدرامان دژوو کۆکوشی، ئەرەگیرکاری و حەرجۆرە چەوسنایۆیێوی پانیشتوو کوردستانینە. بی بە ناوەندوو شۆڕشی هەقەتینی و خەتەو شکۆمەندیی مدرامانی پانیشتنە. ئی خەتە ئازادیوازێ و هەڵوێستە شکۆمەندانەو گەشمەردە هەڵمەتی، کە بە ئیرادە و مانیایوی فرەوە خوڵقنانش، بی بە نموونێوی پەی گەلەکەیما پانیشتەنە. ڕێبازی بنەڕەتیی شۆڕشگێڵنانەن، کە مشۆم پەیڕەو بکریۆ. حەر پەوکای جەنگ و هەڵوێستی شکۆمەندانەو گەشمەردە هەڵمەتی بەردەوامییش هەن. ژیوای شۆڕشگێڵنیی وێشنە پانیشتەنە ئاستێوی بەرزەنە دەوروو سەرمەشقێوە وینێ و پەوکای دماو گەشمەردەبییەیش ئا دەورە جە خەتەو هەڵمەتینە بەردەوامییش هەن.
پنەوازا گەلوو پانیشیما کۆشیای شکۆمەندانەو هامڕا هەڵمەتی بەرز بکەراوە
سەروو ئی بنەمێوە بەتایبەتی گەلەکەما پانیشتوو کوردسانینە، سەرمەشقایەتیی شکۆمەندانەو هامڕا هەڵمەتی قەوەتتەر و گەورەتەر بکەرا. گەلەکەما پانیشتەنە بەتایبەتی گەلی وەڵاتپارێزنما کە نامێ هامڕا هەڵمەتیشا ژنیێنە و دییەنشا و گۆششا قسەکاشۆ بییەن، پنەوازا هەڵوێستێوی جیددیتەر بگێرانە وەر و تا یادی بەنرخوو هامڕا هەڵمەتی کۆشیایەنە بەرز برمانمێ. پانیشت پەی بەرکەردەی هێزوو داگیرکەری و چەوسنەری پنەوازییش بە پەرەپەنەدای کۆشیای هەقەتینی هەن پەی دیموکراسی و ئازادی، جە گرد یاگێوە زیاتەر پەنەوازییش بە کەسایەتیی پێسەو هامڕا هەڵمەتی هەن. پنەوازا گەنجاو پانیشتوو کوردستانی بە درێژایی خەتەو گەشمەردە هەڵمەتی وێشا پەروەردە بکەرا و ڕێک بوزا و چالاکانە ورسونیشت بکەرا.
هامڕا هەڵمەت بە پابەندبییەی بێکۆتاییش بە بە بەها نەتەوەییەکا و ژیوای ئازاد و هەستیارییش پەی دەسەبەرکەردەی یۆگێرتەیی نەتەوەی دیمۆکراتیکوو گەلوو کوردی، بە کەسایەتیی زانا و ڕۆشنویرش هەمیشە گرد یاگێوەنە نموونەو ئێمە بییەن. مشۆم گەنجاو پانیشتی سەروو هەڵوێست، بەشداری، پابەندبییەی و فەلسەفەو ژیوای و کۆشیای هامڕا هەڵمەتیوە بژیوانە. پنەوازا پرۆسێوی تازە سەروو کەسایەتی و یاگێ هامڕا هەڵمەتی وەش بکریۆ و بۆ بە شێوازوو ژیوای.
ئێمە بانگەوازما پەی گەنجاو پانیشتی: پەی پارێزنای کوردستانی بەشدارێ کۆشای با
سەروو ئی بنەمێوە، پێسەو هامڕایاو گەشمەردە هەڵمەتی، بە گەنجاو پانیشتی ماچمێ: دوژمناو کوردی خاس باش بشناسدێ. دڵنیێ بیدێ ئا هێزە دوژمنە ئینسانکوش و داگیرکەرێ، کە دوژمنایەتیی گەلوو کوردی مکەرا چە ویەردەنە و چە ئیسەتێنە دوژمنوو گەلو کوردینێ، نیشانەو یۆترینیشا دەیدێ و ڕوەشا ورماڵدێ ڕوەی دوژمنکارانەێشا بشناسدێ. هەقۆسانای جە وژمنا بە ئامانجی سەرەکیتا بزاندێ و پاسە وێتا پەروەردە بکەردێ و وێتا بوزدێ وەڵی و خیانەتکارا دلێ وێتانە پەنا مەدەیدێ. ڕا مەدەیدێ خائینێ و سیخوڕێ بەئاسانی بژیوانە و ژیوایتا چەنەشا پاک بکەردێوە. یاد و ویرەوەریی گەشمەردە هەڵمەتی بەڕێزدارییوە بەرز برماندێ. وێنەو وێش تایبەتمەندییە شق و شۆڕشگێڵنییەکاتا بوزدێ وەڵێ. بەشداروو ڕێبازو شۆڕشوو یەکسانی و ئازادیوازیی هامڕا هەڵمەتی بیدێ، پەی بەدیئارەی وەرموو گەشمەردە هەڵمەتی و بۆ ژیواێویی ئازاد و دیموکراسی سەرتاسەروو کوردستانینە ڕووە کەردێ کەشە ئازادەکاو کوردستانی. هەرپاسە بەشداریی کۆشیای و هەرمانەو پارێزنای بیدێ گردوو کوردستانینە و بەتایبەت پانیشتوو کوردستانینە.
چێش ڕووە مدۆ با ڕووە بدۆ. بەدڵنیاییوە سەدەو ٢١ مکەرمێ بە سەدەو کوردی ئازادی
بە گەلەکەیما ماچمی: گەلوو کوردی و تەڤگەروو ئازادی ئینێ قۆناغوو دیاریکەردەی چارەنویسوو وێشانە. جەنگی شۆڕشگێڵنیما کە سەروو بنەماو ئازادی و پارێزنای بییەیما مکریۆ، بە بەقەوەتیوە بەردەواما. سەختیی هجوومەکاو دەوڵەتی داگیرکەروو تورکی گرد مەیدانێوەنە،ئینجا ئاماروو مدرامانوو گەریلاکاو ئازادیی وەراوەرشانە، ئینەیە بەرموزۆ. لای سەی گردیوە دەوڵەتی قڕکەروو تورکی، کە لاو دەسەڵاتداری فاشیستوو ئاکەپە-مەهەپەیوە مبریۆ ڕاوە، بڕێ هێزێ هەرێمیێ و هێزێ هەژمونگەرێ گەورێ، کە وێشا مسپارانە بە ئامانجەکاو دەوڵەتوو تورکی، هەڵای کوردشا قبووڵ نییەن و دەسبەردارێ ئامانجوو دلێنەبەردەی ئیرادەو کوردی ئازادی نەبیێنێ. وەراوەروو بەکارئاردەی گازی کیمیاوی ژەهراویینە، کە دەوڵەتی تورکی قڕکەر زاپ، مەتینا و ئاڤاشین بەکارش مارۆ ، بێدەنگبییەی ئی هێزا نیشانێوی گەورێ ئی حەقیقەتەینە. هەرپاسە نیشانێوی تەروو ئی ڕاسییە ئانەنە، کە ئا هێزە نامێبریێ جە دەسکەوتە سیاسیەکاو گەلەکەما پانیشتەنە پەشیمانێ بیێێنوە. وەراوەروو ئیرادە و مدرامانوو گەلەکەیما و گەریلاکاو کوردستانینە چێش مکەرا نمەتاوا سەرێ بگنا و ورمشانییاوە. پەوکای پنەوازا گرد لایێوە خاستەر بکۆشیا و بەشداروو کۆشیای بانە، ئێمەی گەلوو کوردی و تەڤگەرە سەرمەشقەکەما نمەتاومێ جارێوە، سەدێوەتەر جەەس دەیمێ چێش بۆ با بۆ سەدەو ٢١ مکەرمێنە سەدەو کوردی ئازادی. چێوە جە کەسێتی گرەشمەردە هەڵمەتینە پەی خاوەنداریکەردەی جە یادوو گەشمەردە قارەمانا ئامانجی مەبارەکوو ئازادیی گەشمەرداما داوا وەنەو گەلی وەڵاتپارێزنیما، بەتایبەتی خەڵکوو پانیشتوو کوردستانی مکەرمێ، یۆبییەی و یۆگێرتەیی کۆمەڵایەتیی قەوەت بکەرا، دەسکەوتی دیموکراتیکی سیاسی بپارێزنا، ڕێکوستەی کۆمەڵایەتی قەوەت بکەرا، کۆشیای دژوو داگیرکاری دەوڵەتوو تورکی گەورە بکەرا و بە ڕۆحوو یۆبییەی نەتەوەییوە داگیرکەروو تورکی سەروو خاکوو کوردستانیوە بەرپڕنا.
