کەجەکە: چالاکییەکاو گەریلای کە مانگەو تەمووزی دەسشا پەنە کەرد و بە چالاکیی سەرگەلێ، کەشوو بەهاری و گەڤەری یاوێ ئاستێوی بەرز، گورزی قورسشا وەنەو دوژمنی شانا. مەبارەکبایی وەنەو گردوو فەرماندەکاو هەپەگەی و یەژاستاری مکەرمێ کە بەشدارییشا چا چالاکییانە کەردەن.
پەیاموو مەبارەکبایی هامسەرۆکایەتیی دەسەو ڕاوەبەریی کەجەکەی ئینەنە:
"سەروبەندوو ٤١ەمین ساڵیادوو هەڵمەتەو ١٥و تەباخینە گەریلاکاو ئازادیی کوردسانی بە درێژایی یەک مانگی وەڵینی چالاکییشا کەرد و گورزی قورسشا وەنەو دوژمنی کۆلۆنیالیستی شانا. پیسەو فەرمناندەیی قەرارگەو ناوەندوو پاریزنای گەلی ئەرەیاوناش گەریلا بە چالاکییە کاریگەرەکاسا هەڵمەتەو ١٥و تەباخیشا مانادارتەرە کەردێنە. هەڵمەتەو ١٥و تەباخی دژوو دوژمنی ئەرەگیری و کۆلۆنیالیستی و قڕکەری کە گەرەکشەن گەلوو کوردسانی بەرۆ دلێنە، پیسەو دەسوستەینیوی گەریلای کریا و ئا قۆناغە ڕاو ژیوایوەی نەتەوەییوە یاوا ئەنجام، دوژمن شپرزە کریا و پلانەکێش پووچەڵێ کریێوە. ئارۆیچ گەریلا بە هەمان ئام،انج و گیانی فیداییوە پلانەکاو دوژمنی ئەرەگیری و قڕکەری ماڕۆ. تازەتەرین نمووێچ چالاکییەکاو سەرگەلێ، کەشوو بەهاری و گەڤەری بێنیێ. گەریلا پا جالاکییە قەوەتاشۆ واوەی پیلانەکاو دوژمنیش تێکێ دێ و سەلەمناش کە چێش بۆ با بۆ و ئادێ کوردسانی مپارێزنا و ڕا بە دوژمنی نمەدانە. گەریلا بە هوڵوێستی قەراردارانەو وێش بە مدرامانی گەورەوە بڕوای گەورێ بە گەلەکەیما مبەخشۆ، سەرەو گەلەکەیما بەرز مکەرۆوە و شکۆمەندش مکەرۆ، گەلەکەما سڵام چا هەڵوێستە قەرارداری و مدرامانیانەو گەریلای مکەرۆ. چالاکییەکاو گەریلای چەنی مانگەو تەمووزی دەسش پەنە کەرد و بە چالاکیی سەرگەلێ، کەشوو مەتینای و گەڤەری یاوا ئاستیوی بەرز و گورزش وەنەو دوژمنی شانا و دڵوو گەلەکەیماش وەش کەرد. سلام چا چالاکییاو گەریلایە مکەرمێ و مەبارەکبایی جە جەنگەوانا و فەرماندەکاو هەپەگەی و یەژاستاری مکەرمێ، کە بەشدارییشا چا چالاکییانە کەردەن. یوە بە یوە سڵامشا وەنە مکەرمێ و وەشەسیایی وێماشا پەی مرمانمێ و وبۆنە و ئا هەرمانە سەرکەوتاناشاوە مەبارەکبایی جە فەرماندەیی قەرارگەو ناوەندیی پارێزنای گەلی مکەرمێ، هومێدما هەن بەردەوامێ با جە سەرکەوتەی.
گەریلا بە ئازایەتی و گیانبازیێوی گەورەوە دژوو دوژمنی ئەرەگیری، کۆلۆنیالیست و قڕکەری وێگێری مکەرۆ و وەڵاتەکەیش مپاریزنۆ، دژوو خەتەو خیانەتی و نۆکەری کە دڵوو ویش بە دوژمنی ورەتەن و ڕێزانرە، بە هەڵوێستێوە بەرزۆ کە وەڵاتپارێزنێ و شۆڕشگێڵنین وێگیری مکەرۆ. مشۆم بە قەوەتی جە هەڵوێستوو گەریلای بیاوانە، گرد یاگێونە هەڵوێستی هامشێوە پەیڕەو بکریۆ و سەروو ئا بنەمێ دژوو دوژمنی ئەرەگیری و کۆلۆنیالیستی و خەتەو خیانەتی و داردەسی، کۆشیای گرد یاگێوەنە بەرز بکریۆوە. گەنجێ وەڵاتپاریزنێ کوردسانی مشۆم ڕیزەکاو وەڵێ کۆشیاینە با و سەروو ئا بنەمێ بەشداریی ڕیزەکاو گەریلاینە زیاتەر بکەرا و گرد یاگێوەنە سەرمەشقایەتیی پەی کۆشیای بکەرا. دژوو دوژمنی کە زوانەکەیما قبووڵ نمەکەرۆ. نکۆڵی جە شناسنامەیما مکەرۆ و دەس ملوو ئیرادەیمارە مگێرۆ، بە هجووموو تاونایوە کولتووری و فشار و ئەرەگیری گەرەکشەن گەلەکەیما قڕ بکەرۆ، مشۆم گەلەکەما گرد یاگێوەنە بە ڕۆحوو سەرەوردایوە بکۆشیۆ".
