کۆمیتەو پەیوەندییەکاو بەروو کەجەکەی ئەرەیاوناش، دەوڵەتوو تورک، چەتەکاو داعشیشا پانیشتوو کوردستانینە بنێ پەنە وستێنێ و بەشدارێ جەنگیشا کەردێنێ، پەدەکەیچ چەمپۆشیی مکەرۆ و واتش: "مشۆم وەراوەر ئینۆکەرایەتییە قێزەونەیوە هەڵوێستی جیددیی نیشانە بدریۆ."
کۆمیتەو پەیوەندییەکاو بەروو کەجەکەی ئەریاوناێوەش وەڵا کەردۆ و واتش: "دەوڵەتی تورک بە هامکاریی چەتەکاو داعشی هەوڵێ ئەرەگیرکەردەی عێراقی و پانیشتوو کوردستانی مدۆ". کەجەکە داواش کەردە دژوو ئی هەوڵدایا کاردایوەی تند نیشانە بدریۆ.
ئەرەیاونیاو کۆمیتەو پەیوەندییەکاو بەروو کەجەکەی ئینەنە:
"چی پڕۆسەنە کە ڕووەدایێ گرنگێ ڕووە مدانە، هەرمانەو ئێمەنە بەشێوێوی دروس گەلەکەما و ڕای گردینی جە حەر جۆرە چێوێ هاگادار بکەرمێوە. گرنگا بەدروسی جە پرۆسەکەی بیاومێنە و هەڵوێستێوی دروست بگێرمێنە وەر.١و تەمووزو ٢٠٢٤، ئێمە فرە بەوردی سەرنجەما دا جە دروا و چەواشەکارییەکاو وەزارەتوو دلێ عێراقی.
هاندای و هەواڵی دوور جە ڕاسی
دەوڵەتی چەوسنەر و ئەرەگیرکەروو تورکی، پەی هەرمانە نایاسایی و بێئەخلاقییەکاش پەنا پەی گرد جۆرە هاندای و هەواڵێوی دوور جە ڕاسیی مبەرۆ. سەبەبوو ئینەیچە ئانەنە، کە وەراوەروو گەریلاکاو ئازادیی کوردستانینە مەڕیان و گورزی قورسش وەنە مدریۆ. ئینەیچ بەئاسانی ئامارەکاو جەنگوو مانگەو حوزەیرانوو ٢٠٢٤ینە موینیۆ، کە لاو هەپەگەیوە ئەرەیاونیا. گەریلاکاو ئازادیی کوردستانی تەنیا مانگەو حوزەیرانینە ١٨٥ چالاکیێشا کەردێنێ و ٤٦ سەروازێ ئەرەگیرکەرێ تورکی سزا دریێنێ.
دەوڵەتی ئەرەگیرکەروو تورکی جەنگەنە چەقان
چی پڕۆسەنە دەوڵەتی ئەرەگیرکەروو تورکی بە سەدان هجوومێ عاسمانیێ بە چەکی کیمیایی و تەقەمەنیی قەدەغەکریا پەی سەروو گەریلاکاو ئازادیی دەسش پەنە کەرد. ئاماروو جەنگی مانگانەو هەپەگەینە موینیۆ، کە جەنگێوی قورس کوردستانەنە زیاتەر چانەی لەوەی چەمەڕوان کریێ ملۆ ڕاوە. گەریلاکاو ئازادیی کوردستانی هێزێوەن، کە پەی پارێزنای دەسکەوت و بەهاکاو گەلوو کوردی مکۆشیا. دەوڵەتی ئەرەگیرکەروو تورکی حەرچندە وەڵێکەوتەتەرین تەکنەلۆژیا و چەکوو سەردەمیش ئینا دەسۆ و بەکارش مارۆ و سەرەڕاو ئانەیە بەردەوام یاسا میاندەوڵەتییەکاو جەنگی شەڕ پاشێل مکەرۆ و چەکی کیمیایی و تەقەمەنی قەدەغەکریا بەکارمارۆ، بەڵام ئاستێوەنە وەراوەروو گەریلاکاو ئازادیی کوردستانینە چەقان و بە جیددی ڕووبەڕوو قۆرتا بییەنوە. بەڕۆشنی بەرمگنۆنە کە دەوڵەتوو تورکی چی جەنگەنە گیرش واردەن.
بەئاشکرا پەشتگیریی وەنەو چەتەکاو داعشی مکەرۆ و پەناشا مدۆ
وەروو ئانەیە دەوڵەتی ئەرەگیرکەروو تورکی نمەتاوۆ دژوو گەریلاکاو ئازادیی کوردستانی ئەنجام وربگێرۆ، ئیساتێ چەتە فاشیستەکاو داعشی چەنی بەکرێگیریایاو دەگایەکا و چەتەکاو ڕۆژی مارۆ دلێ هەرێمەکاو جەنگیوە. گەلەکەما و ڕای گردینوو جیهانی فرە خاس مزانانە کە گەریلاکاو ئازادی کوردستانی هەولێر، کەرکوک، مەخموور، شەنگاڵ بەفیداییانە و بە بەدیلی فرەوە ڕووبەڕووێ هجووموو چەتە فاشیستییەکاو داعشی بیێوە و کەرامەتوو ئینسانیشا پارێزنا. به هەمان شێوه سەرنیشتنە و وەرکەوتوو سوریاینە وەراوەروو چەتە فاشیستەکاو داعشیوە به کەرامەت، شکۆ و ئیرادەی بەرزۆ درێژەشا به کۆشیای وێشا دا و چەتە فاشیستییەکاو داعشی، که لاو دەوڵەتی ئەرەگیرکەروو تورکیوە پەشتیوانیی کریێنێ، ماڕێشا. زاناشا کە پاڵپەشتیی دەوڵەتی چەوسنەر و ئەرەگیرکەروو تورکی چەنی چەتەکاش فاشیستاو داعشی کە بیێنێ بە کارەسات پەی گەلاو مەنتێقەکەی و ئینسانیەتی پەیوەندییش هەن. دەوڵەتی فاشیستی ئاکەپە- مەهەپەی بەردەوام و بەئاشکرا پەشتیوانیی چەتەکاو داعشی مکەرۆ و پەناشا مدۆ. چەتە فاشیستەکاو داعشی تورکیانە ڕێکێ موزیانە و پاڵپەشتی مکریا، تورکیاوە تا مۆسکۆ و چاوە تا فرەو وەڵاتاو ئەورووپای وەڵێب بیێنێو ە و کۆکوشی مکەرا. دەوڵەتی ئەرەگیرکەروو تورکی وەختێوەنە کە ژمارێوی فرەو چەتاو داعشیش فرەو یاگاو پانیشتوو کوردستانینە پەی جەنگی چەنی گەریلاکاو ئازادیی کوردستانی بنی پنە موزۆ، لاییێوی تەرۆ ڕوانە هجوومێ مکەرۆ سەروو سەرنیشتی و وەرکەوتوو سوریای و هەوڵێ مدۆ دەرفەتێو پەی چەتەکاو فاشیستاو داعشی بوێزۆوە. گەریلاکاو ئازادیی کوردستانی، هامشێوەو ئا مدرامانەیە تا ئیساتێ کەردەنشا، هیچ درفەتێوی سەرکەوتەیشا بە سوپای ئەرەگیرکەرەو تورک و چەتەکاو داعشی نەدان.
یاگێ شەرمەزاریینە کە پەدەکە چەمێ ڕووەو ئاردەی و بنەپەنەوستەی چەتەکاو داعشینە مقووچنۆ
چی پڕۆسەنە پەدەکە چەمێ قووجنوو حاسوو ئاردەی و نیایرەی چەتە فاشیستەکاو داعشینە سەروو خاکوو پانیشتوو کوردسانینە و بەردەوام چەنی دەوڵەتی ئەرەگیرکەروو تورکی هامکاری مکەرۆ. ئی هەڵوێستەو پەدەکەی یاگێ شەرمەزاریین. حەرچندە چەک و تەقەمەنی و هێز پەی دەوڵەتی ئەرەگیرکەروو تورکی مفاڕۆوە، بەڵام وەراوەروو بنەوستەی چەتەکاو داعشینە پانیشتوو کوردستانینە بێدەنگا. لایێوی تەرۆ پەیوەندییش چەنی هێزەکاو ئەرەگیرکەرا بەردەوامی پەنە مدۆ. ئی دۆخە بە هیچ شێوێوی قبووڵکریا نییەن. چی پرۆسەنە کە مەنتێقەکە ئینا سەروبەروو متەیرەیۆنە و ڕووەدایێ گرنگێ ڕووە مدانە، تا گەلوو کوردی جارێوی تەر شکست نارۆ، ئازاد بۆ و یۆبییەی وێش بیاوۆ، پێویستە ڕۆشنویرێ و ئاکادیمیستەکێ، ڕۆنامەنویسێ و دیموکراتەکێ، گردوو گەلی وەڵاتپارێزنیما دژوو ئی هەوڵ و دەورە نەرێییاو پەدەکەی بمدراوە.
نمەبۆ عێراق چەمپۆشی چی ڕووەدایا بکەرۆ
یۆ چا هێزا کە خاس چەتە فاشیستییەکاو داعشی مشناسۆ، گەلوو عێراقی و دەوڵەتوو عێراقین. گەل و دەوڵەتوو عێراقی ڕووبەڕوو هجوومی و کۆکوشییەکاو داعشی بیێوە، ئێشێوی فرەشا پنە یاوا و تووشوو کارەساتی گەورەی ئامێ. گەل و دەوڵەتو عێراقی فرە خاس مزانا، کە گەریلاکاو ئازادیی کوردستانی ئا هێزە بێنێ، کە ڕووبەڕووێ هجووموو چەتەکاو داعشی فاشیستی بیێوە و پانیشتنە و عێراقەنە. پەوکای دەوڵەتوو عێراقی نمەبۆ چەمپۆشیی جە ئاردەی چەتەکاو داعشی بکەرۆ لاو دەوڵەتی ئەرەگیرکەروو تورکی و پارتی دیموکراتوو کوردستانیوە سەروو خاکوو پانیشتوو کوردستانی و عێراقی، پەوکای مشۆم هەڵوێستێوی جیددی نیشانە بدۆ. پێویسا گەل و دەوڵەتوو عێراقیڕا نەدانە چەتەکاو فاشیستاو داعشی چی خاکەنە بنێ پنە بوزیا.
پەنەوازا وەراوەروو هەوڵە ئەرەگیرکارییەکانە ناڕەزایەتیێوی قەوەت نیشانە بدریۆ
پەنەوازا گەلاو جیهانی خاس ئینەیە بوینا، چەتە فاشیستەکاو داعشی، کە ئارۆ دژوو گەریلاکاو ئازادیی کوردستانی جەنگ مکەرا، سەبای پێسەو بۆمبێوە دژوو گەلا، پێکئامێکێ و ئینسانبییەی بەکار ماریا. پەوکای پنەوازا ناڕەزایەتیێوی وەرفراوان دژوو هەوڵە ئەرەگیرکارییەکاو دەوڵەتوو تورکی و چەتەکاو داعشی، عێراقنە و پانیشتوو کوردستانینە نیشانە بدریۆ.
گەلوو کوردی تارێخەنە مدرامانێوی شکۆمەندانەش وەراوەروو چەتەکاو داعشی فاشیستینە نیشانە دا. ئارۆیچ دژوو چەتەتەکاو داعشی فاشیستی، کە دەوڵەتی ئەرەگیرکەروو تورکی دژوو گەریلاکاو ئازادیی کوردستانی بەکارش مارا. مشۆم بە هەمان ئیرادەوە گرد یاگێوەنە كۆشیای وێش بەرز بکەرۆوە. هەرپاسە جیا جە گەلەکەیما، داوا وەنەو گردوو هێزە دیموکراسیواز و وەڵاتپارێزنەکا مکەرمێ، کە وەرپەرسانە وەراوەروو ئی پەیوەندییە نەرێنییاو پەدەکەیوە هەڵوێستی جیدیی نیشانە بدا."
