هامسەرۆکایەتیی کۆنسەو ڕاوەبەریی کەجەکەی واتش: "دەوڵەتوو تورکی پێسە چەنی  گەرەکشا کوردا قڕ بکەرۆ، پاسەیچ گەرەکشەن عەلەوییەکا قڕ بکەرۆ. وەروو ئانەیە چارەنویسوو کوردا و عەلەوییەکا تارێخەنە هامشێوەنێ. حەر پەی وێش بەشێوی گرنگوو گەلوو کوردی ئینێ سەروو باوەڕداریی عەلەویی.

ئەرەیاونایەکەو کەجەکەی پێسنەنە:                       

" ٢ێ تەموزوو ١٩٩٢ سەروو دەسوو هێزە فاشیستەکا، ئاینگەرا، ڕەگەزپەرساو دەوڵەتوو تورکی هۆتێل مادماکوو سێواسینە دژوو عەلەوییەکا کۆکوشیێوە کریا، کە فرەو ئا کەسا ڕۆشنویر، نویسەرێو هونەرمەندێ بێنێ. ئاویر وەنەو هۆتێلەکێ وەردریا و فرەو ڕۆشنویر، نویسەر و هونەرمەندەکا، کە ٣٣  عەلەویێ بێنێ سۆچیێ و مەردێ. ئی کۆکوشییە دڕندە نائینسانانە کە پێسەو کۆکوشیی سێواس-مادماکی پەلەکاو تارێخینە تۆمارکریا، ٣٣ێ ساڵێش ملەرە لوان، کۆکوشییەکە و عەقڵێتی فاشتیانەو پەشتەو کۆکوشیەکەی شەرمەزار مکەرمێ. ٣٣ ڕۆحێ کە بە دڕندایەتییوە سۆچنیێ یاد مکەرمێوە. جە کەسێتیی ئا ڕۆحانە گەشمەرداو دیموکراسی و شۆڕشگێڵنێ یاد مکەرمێوە و بە عەشق و پەنەزانایوە و ئاستشانە سەرە کۆمنمێرە. جارێوی تەر وەعد مدەیمێ کۆشیایمانە خاوەنداریی جە یادکەرەیوەشا بکەرمێ. بە دڵنیاییوە کۆشیای گەلا هەقەو گردوو کۆکوشییەکا مکەرۆوە، عەقڵێتیی ددماکەوتە، فاشیست و ڕەگەزپەرست دلێنە مبەرۆ و حەسرەتوو ئازادیی تارێخیی گەلا مارۆ ئاراوە.

گلێرگەی عەلەوی بە سەبەبوو جەهەری دیموکراتیکی، کۆمیناڵ، ئازادیواز و ئاشتییانەو وێش، جە جمیەروو تارێخینە گرد وەختێ بیێنێ بە ئامانجەە هێزە فاشیست، دماکەوتە، کۆڵۆنیالیست، دەسەڵاتداری و دەوڵەتپەرستا و چندین جارێ کۆکوشێ کریێنێ. قۆناغوو دەوڵەت نەتەوەینە کە سەروو بنەماو یۆ جە گلێرگە و ئینسانیبییەی وێش ڕەنگمج کەردەن، چی قۆناغەنە هجوومەکێ پەی سەروو  گلێرگەی عەلەویی فرە سەختتەرێ بیێ. چی هجوومانە ئەوەڵەکەشا بە دەسوو دەوڵەتوو تورکی  کریێ. کۆکوشیی سێواسیچ یۆ چا کۆکوشییانە. بەپلانە ڕاو ئی کۆکوشیاوە گەرەکشابێ بە تەمامی گلێرگەی عەلەوی قڕ بکریۆ و دلێنە ببریۆ. ئامانجوو گردوو کۆکوشیەکاو سەروو عەلەوییەکا حەر پەی ئا ئامانجەیە بێ. پەوکای کۆکوشیی سەروو گەلوو کوردی و عەلەوی  پەی هەمان ئامانجین و هامشێوەن. دەوڵەتوو تورکی پێسە چەنی گەرەکشا کوردا قڕ بکەرۆ بە هەمان شێوەیچ مەیلش قڕکەردەی عەلەوییەکان. پێسە چارەنویسوو کوردا و عەلەوییەکا تارێخەنە هامشێوەنێ. حەر پەی وێش بەشێوی گرنگوو گەلوو کوردیچ ئینێ سەروو باوەڕداریی عەلەویی.

ڕابەر ئاپۆ بەهایێوی فرێش دا بە کۆمەڵەو عەلەویی زوڵموەنەکریای، کە تارێخەنە چندین جارێ کۆکوشییشا ملەرە کریان. پەی ئازادیی گلێرگەی عەلەوی، هەم وەروو فشاروو تاونایۆ، چندین هەوڵێش دێنێ، کە شناسنامەو عەلەوییەکا دەسنیشان بکەرۆ. کۆشیای گلێرگەی عەلەوی پێسەو بەشێوی گرنگوو کۆشیای گەلوو کوردی وینا، چەنی گەلی و باوەڕدارییەکای تەری پەی کۆشیای ئازادیی کوردستانی دلێ دۆسایەتی و هامپەیمانیینە کۆشیاین عەلەوییەکاش بە گرنگ زانا. وێش پەی وێش کۆکوشیی سێواسی سەروو بنەماو ڕاگێریکەردەی جە یۆگێرتەی کۆشیاین کوردستانەنە و کۆشیای گلێرگەی عەلەویی کریا، بە قڕکەردەی  ڕۆشنویراو عەلەویی، کە نزیکێ کۆشیای گەلوو کوردی بیێبێنیوە، مەیلشا بێ ڕاگێری چانەیە بکەرا. چونکوم سێواس هەرێمێوەن، کە گەلوو کورد-عەلەوی و هەم گەلوو تورک-عەلەوی دلێشنە هامبەش مژیوا.

تا تەڤگەری سۆسیالیستی و دیموکراتیکوو تورکیای چەنی کۆشیای ئازادیی کوردستانی یۆی نەگێرا،  دەوڵەتوو تورکی هەمان ڕێبازش بەکارئاردۆ، هجوومش کەرد، پیلانگێڵنی و کۆکوشییش کەرد. حەرچندە هجوومێ فرێش سەروو گەلیوە کەردێ، نەتاواش بیاوۆ بە ئامانجوو وێش، نەتاواش وەر بە واڵە و براییی گەلا و کۆشیای هامبەشی بگێرۆ. بە پێچەوانەو ئینەیوە، پەیوەندیی بەینوو گەلا هەنگام بە هەنگام فرە قەوەتتەر بی، ژیوای ئازادی کە حەسرەتوو گەلەکەیمانە فرە زیاتەر نزیک بییەنۆ. هەرمانەو سەروو شانەیمانە ئی  پەیوەندییەیە قەوەتتەر بکەرمێ و ئازادیی گەلا بارمێنە ئاراوە. جە وەختێوی چینەنە، کە کۆکوشیی سێواسی یاد مکەرمێوە،وەرپەرسیی تارێخییمانە، کە بەپاو  پێویستییەکا جممێوە، سەروو ئی بنەمێوە پەیوەندیی بەینوو گەلا قەوەتتەر بکەرمێ، کۆشیای یۆگێرتەو گەلا کە لکەدریاو واڵە و براییی بەینوو گەلا و ژیوای یەکسانین بەرەو وەڵێ بەرمێ سەروو ئی بنەمێوە داوا وەنەو گردووهێزە دیموکراتیکەکا مکەرمێ ئانێ کە سەرمەشقایەتیی وەنەو کۆشیای گەلا، باوەڕداری و چەوسیاوەکا مکەرا، بە پاو پەرسە تارێخییەکا بجووڵیانێوە، کۆشیای یۆگێرتە فرە قەوەتتەر بکەرا و  پەی وەشکەردەی حەسرەتوو ئازادیی تارێخیی گەلا هەوڵێ فرەتەرێ بدانە."