دەسەو تەندرووستیی سەرنیشت و وەرکەوتوو سوریای پەی هورسەنگنای ئەنجامەکاو گۆشەگیریی سەروو تەندرووستیی ڕابەروو گەلوو کوردی عەبدوڵا ئۆجالانی کۆنفرانسێوەشا کەرد و داواشا کەردە، "ڕا بدانە پزیشکێ و پارێزنەرێ بلانە ئیمراڵی و چەمداریی دۆخوو ڕابەری بکەرا".
دەسەو تەندرووستی سەرنیشت و وەرکەوتوو سوریای بە درووشموو "گۆشەگیری تەرسێوی گەورێنە سەروو تەندرووستییی ئینسانی و پاشێلکەردەی مافە بنەڕەتییەکاو ژیوایا" شاروو حەسەکەینە کۆنفرانسێوەش بەست. کۆنفرانسەکە دیاریکەرەی دیوانی، بە خولەکێوە ڕێزگێرتەی دەسش پەنە کەرد.
کۆنفرانسەکەنە چندین جارێ مێمانەکێ ڕاو زوومیوە بەشدارێ بیێ و سەرانسەروو هەرێمەکاو سەرنیشت و وەرکەوتوو سوریایوە فرە جە پزیشکا و دەسە تەندرووسییەکا بەشدارێ کۆنفرانسەکەی بێنێ.
لە کۆنفرانسەکەدا ڕەوشوو گۆشەگیریی سەروو ڕابەروو گەلوو کوردی عەبدوڵا ئۆجالانی تاوتۆ کریا. مێمانێ ڕاو زوومیوە بەشدارێ بیێ و تیشکەشا وستە سەروو ڕەوشوو تەندرووستیی ڕابەروو گەلوو کوردی عەبدوڵا ئۆجالانی، ئەوەخوایشا کەردۆ پێویسا کۆشیای پەی ئازادیی جەستەیی ڕابەروو گەلوو کوردی عەبدوڵا ئۆجالانی گەورە بکریۆ.
دەسەو تەندرووستی سەرنیشت و وەرکەوتوو سوریای، محەمەد نور شەباب داواش کەردە ڕێکوزیا میاننەتەوەییەکاو دژوو ئەشکەنجەی ڕاپۆرتەکا دەربارەو ئیمراڵییوە ئاشکرا بکەرا، واتش: "ئا دەوڵەتێ پیلانگێڵنیینە بەشدارێ بێنێ، ئیساتێ ڕێکوزیێ و ئەرەمەرزیێکێشا وەراوەروو گۆشەگیرییوە بێدەنگێنێ".
هامسەرۆکوو دەسەو تەندرووستیی کانتۆنوو جەزیرەی، مەعاسر عەباس ئاماژەش کەرد تەرسە تەندرووستییەکاو گۆشەگیریی سەروو ڕابەروو گەلی کورد عەبدوڵا ئۆجالان تاوتۆکریێنێ و واتش: "پێویسا ڕا بدریۆ بە دیداری چەنی ڕابەر ئاپۆی. سەروو ئی بناغەیوە بانگەواز جە گردوو ڕێکوزیا میاننەتەوەییەکا مکەرمێ، ڕا بدانە پزیشکێ و پارێزنەرێ بلانە ئیمراڵی و چەمداریی ڕەوشوو ڕابەرێتی بکەرا".
بە نامێ دەسوەڵیوزیی ئازادییوە پەی عەبدوڵا ئۆجالانی، فەرزەندە مونزور واتش فرەو جارا جە ڕووەو سیاسییوە و یاساییوە باس جە دۆخوو ڕابەروو گەلوو کوردی عەبدوڵا ئۆجالانی کریان، بەڵام بەکەمی جە ڕووەو تەندرووستییوە قسێش سەر کریێنێ و واتش: "چی کۆنفرانسەنە باس جە لایەنە تەندرووستییەکەیش کریا. هومێدما هەن ئی کۆنفرانسە بۆ بە هەنگامێوە پەی ڕەوشوو تەندرووستیی ڕابەر ئاپۆی. قەرار و ئەنجامەکاو ئی کۆنفرانسەیە ڕا پەی خەباتی خاستەری مکەراوە پەی ئازادیی ڕابەر ئاپۆی".
