کۆنفرانسوو سۆسیۆلۆژیاو ئازادی بە درووشموو" وەشەسیای من بە بەیاگەیاونای پەیلوایەکام بۆ ژیواینە"  شاروو ڕەقەینە کۆمەڵەو ژەناو زنوبیای بەرد ڕاوە، بە نرخنای بەشەو دووەمێ بە نامونیشانوو "ئازادیی پەشتەو دیوارەکاو زیندانیوە" بەردەوام بی.

ئەندامەو ڕاوەبەریی کۆمیتەو پەروەردەیی کۆمەڵەو ژەناو زنوبیای مریەم عوسمانە تیشکەش وستە سەروو تاوانەکاو دەوڵەتی ئەرەگیروو تورکی دژوو ڕابەروو گەلوو کوردی عەبدوڵا ئۆجالانی و دیای ڕابەروو گەلوو کوردی عەبدوڵڵا ئۆجالانییش دەربارەو ئازادیی شرۆڤە کەرد.  

ئەندامەو نویسگەو پەروەردەو کۆمەڵەو ژەنا زنوبیای ئاڵا عەوادە واتش، ڕابەروو گەلوو کوردی عەبدوڵا ئۆجالان جە رووەو جەستەییوە گیریان بەڵام فیکرش ئازادا و دلێ گەلانە وەڵا مبۆوە و شۆنکەوتێش فرێنێ.

هامسەرۆکەو مەجلیسوو بنەیانەو گەشمەردا فاتمە نەعسانە واتش، ڕابەروو گەلوو کوردی عەبدوڵا ئۆجالان هامڕاو ژەنان و هەوڵێش دێ ژەنی ئازادیی وێش بەدەس بارۆنە و ئەرەیاوناش؛" پەنەوازا کۆسیای فراوان بکەرمێ تا ئازادیی جەسەیی ڕابەر عەبدوڵا ئۆجالانی مسۆگەر بکەرمێ"

هامسەرۆکەو کۆمیتەو دلێ کانتۆنوو ڕەقەی عایشە شاوەیسە جەختش کەردۆم سەیەو فیکروو ڕابەر ئاپۆینە ژەنێ ئازادێ بێێنێ..

هامسەرۆکەو دەسەو ئیدارە وێمانەکاو شارەوانییەکاو ئیدارەو وێڕاوەبەریی سەرنیشت و وەرکەوتروو سووریای، ئیلهام متلییە ئەرەیاوناش فکروو ڕابەروو گەلوو عەبدوڵا ئۆجالانی  دلێ گەلا و ئایینەکا و کەمەنەتەوەییەکانە وەڵا بییەنۆ و واتش؛" پێسەو ژەناو سوریانی، خاوەنداریی جە فکروو ڕابەر عەبدوڵا ئۆجالانی مکەرمێ، هەوڵێ مدەیمێ ئازادیی جەستەییش مسۆگەر بکەرمێ".

 

دمایی ژەنی جەختشا کەردۆ پەنەوازا سەروو ئاستوو جیهانیوە چالاکیێ بکریانە و فشار وەش بکریۆ پەی دماییئاردەی بە گۆشەگیری و ئازادیی جەستەیی رابەروو گەلوو کوردی عەبدوڵا ئۆجالانی.

کۆنفرانسەکە بە ئەنجامنامێوە دماییش ئاما:

پەی بەدەسئاردەی ئازادیی جەستەیی ڕابەروو گەلوو کوردی ئعەبدوڵلا ئۆجالانی پەنەوازا ژەنی کۆشیای گەورە بکەرا و چالاکی هەمەنۆعە بکەرا.

پەنەوازا ئەرەمەنەیەکاو رابەروو گەلوو کوردی عەبدوڵا ئۆجالانی و کتێبەکێش وربگێڵنیا و وەڵی بکریاوە.

پەنەوازا دلێ کۆمۆنە و مەجلیسەکانە هەڵمەتێ بدریا، پەی نیشانەدای کۆشیای و مدرامانی پەی ڕابەروو گەلوو کوردی عەبدوڵڵا ئۆجالانی زیندانەنە.

درێژەدای بە چالاکییەکاو وانایوە پارێزنامەکاو ڕابەروو گەلوو کوردی عەبدوڵڵا ئۆجالانی ڕابەروو گەلوو کوردی و دەسکەردەی بە وانایوە کتێبوو چوارەمی (وەرکەوتوو دلێڕاسەی).

کەردەی فیستیڤاڵی پەی ئازادیی ڕابەروو گەلوو کوردی عەبدوڵا ئۆجالانی.

وێیاونای بە تەماموو ڕێکوزیا ئینسانییەکا پەی ئاشکراکەردەی دۆخوو ڕابەروو گەلوو کوردی کەردەی پانێلا پەی تیشکوستەیسەروو تەندروسیی ڕابەروو گەلوو کوردی عەبدوڵا ئۆجالانی.

 وەڵیوستەی هەماهەنی پەی چالاکییا بە بۆنەو ئازادیی جەستەیی ڕابەروو گەلوو کوردی عەبدوڵا ئۆجەلانی ڤە ئاستە هەرێمی و جیهانییەکەنە.

پراکتیککەردەی وەڵاکەردەیۆ فەلسەفەو ڕابەروو گەلوو کوردی عەبدوڵا ئۆجالانی.

پەی بنیاتنیای خێزانێوی دیموکراتیکی، بەیاگەیاونای یاساو خێزانی.

پەی شناسای مۆدێلی هەقەتینوو جڤاکی هامبەشی و ئازادی، وەڵێوستەی زانستوو ژەنا.

پەی بنیاتنیای گلێرگێوی دیموکراتیک و ئیکۆلۆژیکی، وەڵیوستەی ژەنا ڕاو پەروەردەیوە.

 

وەڵاکەردەیوە تێگەو ئیکۆلۆژی، ڕاو هەڵمەتەو هۆشیاریی پاریزنای ژیوگەیوە.  

ئەرەمەرزنای کۆمیتەی یاسایی، پەی بەرئاوردەی پەکەکەی لیستوو تیرۆرینە.  

دمایی گروو پیوی سەر بە هیلای زێڕینی بەرهەمی هونەریشا پێشکەش کەرد.

کۆمیتەی ئامادەکار، کتێبێ و پارێزنامەکاو ڕابەروو گەلوو کوردی عەبدوڵا ئۆجالانیشا سەروو ئامادەبیارە بەشێ کەردێ.