دیوانوو هامسەرۆکایەتیی کۆنگرەو گەلی بارەو عاسوو ئەرەگیرکارییەکاو دەوڵەتوو تورکی و هامکارییەکاو پارتی دیموکراتوو کوردسانیوە چەنی ئەرەگیرکارا ئەرەیاوناێوەش وەڵا کەردۆ.

دیوانوو هامسەرۆکایەتیی کۆنگرەو گەلی واتەنش:" گەلەکەما هەرچوار پارچەو کوردسانینە فرە مکۆشیانێ پەی ئازادی و دیموکراسی. هەمان وەختەنە دەوڵەتێ ئەرەگیرێ کوردسانەنە تلیێنێ قەیرانە گەوراوە.

چی پڕۆسەنە کە جەنگی یەرەموو جیهانی هەن ئارانە، جەنگ و قەیرانەکێ فرەو یاگەکاو جیهانینە بەتایبەتی وەرکەوتوو دلێراسەینە ئینا زیادبییەینە، ئی دۆخە بەگردین کاریگەرییش سەروو حەرچوار پارچەو دەوڵەتی داگیرکەروو کوردستانیوە هەن."

بەریچ وزیان، کە دەوڵەتوو تورکی، وەروو کۆشیای ئازادیی کە ٥٠ ساڵێن بە سەرمەشقایەتیی ڕابەروو گەلوو کوردی عەبدوڵا ئۆجالانی مکریۆ، ڕووبەرڕوو ناچاری بییەنۆ و واتش: "بەتایبەتی دماو ماڕای داعشی و سەرکەوتەی وەرنیشتی، دەوڵەتوو تورکی ماوەو ١٠ ساڵان ئینا جەنگێوی گڵیاونە دژوو گەلوو کوردی و گەریلایەکا یەرێ پارچاو کوردسانینە دەسش پەنە کەردەن، دەوڵەتی فاشیست پەی یاوای بە ئامانجەکاش چەمکێوی تایبەتش ئامادە کەرد و بە گردوو تواناکاشۆ وێش ئامادە کەردەن. بەڵام وەراوەروو گەریلاکاو ئازادییوە سەرنەکەوتەن و شکسی هەمەلایەنەی و ئابووری بییەنۆ.

'هیچ وەڵاتێوە جگە جە بنەیانەو بارزانی ئامادە نەبێ قبوڵش بکەرۆ و خزمەت و هامکاریی دەوڵەتوو تورکی بکەرۆ'  

پاسە کە دەوڵەتوو تورکی باوڕش پاسنە بێ، کە بەتەنیا هێزوو ئانەیش نییەن، چی جەنگە گڵیاوەینە سەربگنۆ، داواو هامکارییش جە فرەو وەڵاتا کەردە، وەلێ پێسەو پەنەوازی دەردەش نەواردە، تەنیا بنەیانەو بارزانی بە گردوو توانایشاوە، کەوتێ خزمەتوو دەوڵەتوو تورکی و داواکێشا قبووڵە کەردە، ئیساتێ بە سەرکردایەتیی بنەیانەو بارزانی وەرە وەرە پانیشتوو کوردسانی پێسەو هەرێمێوی سەر بە دەوڵەتوو تورکی ئەرەگیر مبۆ.

دەوڵەتوو تورکی بە سەرکردایەتیی بنەیانەو بارزانی دەگایەکاو پانیشتی بوردومانێ مکەرۆ و یانەکاشا مسۆچنۆ دەگانشینەکا مکوشۆ و ئاوارێشا مکەرۆ و وێش ملۆ یاگێشا.

دەوڵەتوو تورکی گەورەتەرین ئەرەگیرکەروو خاکوو کوردسانییا و گەلوو کوردی پیسەو گەورەتەرین گەلی لاو دەوڵەتوو تورکیوە قبووڵ نمەکریۆ وبەرزتەرین عاسەنە دوژمنایەتیی مکریۆ، بەڵام بەتەنیا نمەتاوۆ ئی دوژمنایەتییە نکەرۆ و بە هامکاریی بنەیانەو بارزانییوە ئیب هەرمانێ بەئاسانی مکەرۆ.

درێژەو ئەرەیاونایەکەو کۆنگرەو گەلینە ئامان:

"ئەگەر دەوڵەتوو تورکی سەربگنۆ، ئانە  'کوردی ئازاد' چوار پارچەو کوردستانینە تووشوو شکسی بۆ، پانیشتنە تەنیا بنەیانەو بارزانی پێسەو 'کوردێوی نۆکەر'ی قازانج مکەرۆ. کوردی نۆکەر دلێ کوردینە بە 'جاش' مشناسیۆ. ئەوەڵۆ تا ئیساتێ گرد حەوڵیوی بنەیانەو بارزانی هەمیشە پەی بنەیانەکەیشا بییەن، نەک پەی دەسکەوتی نەتەوەیی و یۆبییەی گەلوو کوردی. ئی عەقڵیەت و بنەیانەیە سەبەبوو گردوو قۆرتەکاو بەینوو حیزب و ڕێکوزیا کوردیەکا بییەن تا ئیساتێ.

ئارۆیچ هەمان عەقڵیەت  جە پلێ هامپەیمانیی بەینوو دەوڵەتوو تورکی و داعشی و بنەیانەو بارزانینە تازە بییەنۆ. ئا عەقڵیەتە کە ساڵەو ١٩٨٦  دژوو شۆڕشگێڵناو وەرکەوتی چەنی شاو ئێرانی مامەڵەش کەرد، ساڵەو ١٩٧١، دژوو دکتۆر شڤانیب و هامڕایاش چەنی دەوڵەتوو تورکی ڕێک کەوت. ساڵەو ١٩٩٦ پەی گێرتەی هەولێریی چەنی سەدامی ڕێک کەوت، ئارۆیچ هەمان عەقڵیەت دژوو ئازادیوازاو کوردی و بەرژەوەندییەکاو پانیشتی چەنی دەوڵەتوو تورکی هامپەیمانا.  

'بۆنەو بێدەنگییوە خیانەت گردوو سەرحەدەکاش ویەرنێنێ'

گردوو جیهانینە ئی سیاسەتە بە خیانەت مشناسیۆ و هەڵوێستش وەراوەرو مگێریۆ و کۆشیای کۆمەڵایەتی و نەتەوەیش وەر مگێریۆنە. بەداخۆ کوردسانەنە وەراوەروو خیانەتەکەو بنەیانەو بارزانی بێدەنگیێوە گەورە هەن، بۆنەو ئی بێدەنگییوە خیانەتەکە پاسە گۆرە بییەن سنوروو خیانەتیش ویەرنان.

ئینە گۆرەتەرین تەرسینە پەی گردوو چوارپارچەو کوردستانی. بۆنەو ئی بێدەنگییوە خیانەتوو بنەیانەو بارزانی یاوان قەلاپۆپە، ئیساتێ پانیشتوو کوردسانینە گرد دەسەڵاتێوە تەسلیم بە دەوڵەتوو تورکی مکەرا.

چی پڕۆسەنە کە پانیشتوو کوردسانی بنەیانەو بارزانی پیشکەشوو دەوڵەتوو تورکیش مکەرا، هجوومو دەوڵەتوو تورکی یاوان بەرزتەری حاس. جگە جە هجوومەکاو سەروو زیندانییەکا پەی سەروو پارتە سیاسەکاو گەلوو کوردی ئیساتێ بەرزتەرین حاسەنە هجووم مکەرانە سەروو کولتوور، زوان و تەنانەت دژایەتیی زەماوندێ و هورپرای کوردی مکەرا.  

دەوڵەتوو تورکی هەمان سیاسەت و هجوومەکێش پەی سەروو وەرنیشتی بەگردین و پەی سەروو دەسکەوتەکاو گەلوو کوردی چوار پارچەو کوردسانینە پەرە پەنە مدۆ.

دیوانوو هامسەرۆکایەتیی کۆنگرەو گەلی ئاخروو بەیاننامەکەینە داواێوەش ئاراسەو گەلوو کوردی کەردە

"وەختوو ئانەیە ئامان بە مدرامانوو گەریلاکا و گەلەکەیما ڕژێمی فاشیستی دەوڵەتوو تورکی ماڕمێنە، فرسەتەکاو سەرکەوتەی ڕەخسیێنێ.  بە شکسوو ڕژێنی فاشیستوو تورکی چارەسەری سیاسی  پەی 'کوردی ئازاد' چوار پارچەو کوردستانینە مێ بەر.

'تەرسی جە مەردەی خرپتەرا، بێدەنگیی وەراوەروو خیانەتی و ئەرەگیرینە قبووڵکریا نییەن'

بەڵام پەی سەرکەوتەی ملوو خیانەتی و ئەرەگیریینە پەنەوازیی کۆشیای هەن، پەنەوازا دژوو خیانەتی بێدەنگیی بمەڕیۆ، تەرسی جە مەردەی خراپتەرا، بێدەنگیی ئارۆی بە هیچ نۆعێوی قبووڵکریا نییەن..

داوا جە گردوو لایەنە سیاسییەکا، ڕێکوزیا مەدەنییەکا، ڕۆشنویرا، هونەرمەندا، پێکئاما کۆمەڵایەتییەکا مکەرمی:

تارێخ و گەل جە گرد لایێوە مپەرسانە: 'دژوو خیانەتی و ئەرەگیریی چێشتا کەرد ؟'

تا جوابێوی ئەریێ بدەیمێوە، پەنەوازا گردما وەراوەروو خیانەتوو بنەیانەو بارزانی و ئەرەگیرکاری دەوڵەتوو تورکی هەڵوێستما بۆ و دەنگ و کۆسیای وێما بەرز بکەرمێوە.

ڕاسیینە بە مدرامانوو ڕابەر ئاپۆی  و گەریلا فیداییەکاو ئازادیی کوردسانی، هەلومەرجی تارێخیی پەی شکسوو خیانەتی و ئەرەگیرکاری ئامان وەرۆ. دەوڵەتوو تورکی و بنەیانەو بارزانی هەردوویشا ئینێ قەیرانیوە گەورەنە، ئادێ موحتاجێ گرد کەسێوەنێ، پیسە گەلی و دۆساما متاومێ هامپەیمانیی بەینوو تورکیای و بارزانی و داعشی بکەرمێ بە فرسەتوو سەرکەوتەی چی قۆناغە تارێخییەنە.

تا کۆشیای دژ بە هامپەیمانیی ئەرەگیری و خیانەتی بەرز بکەرمێوە، بە گەلوو کوردسانی و دۆساما ماچمێ، وەخت وەختوو سەرکەوتەیا، وەختوو خاوەنداریین جە مدرامان و ڕابەر ئاپۆی و گەلەکەیما.