سەرۆکی گردینوو جمیەروو زانایاو ئیسلامی هامچەرخی و سەردەمیانەو کوردسانی حافز ئەحمەد تورهالی سەبارەت بە هجوومە داگیرکەرییەکاو دەوڵەتوو تورکی کە بە هامکاریی پەدەکەی پەی سەروو پانیشتوو  باشوری کوردستانی دەسش پەنە کەردەن و واوەی هجوومەکێ پەی سەروو کولتوور و بزوانی کوردی دەسشا پەنە کەردەن، قسێش پەی ئاژانسوو هەواڵوو فوراتی کەردێ.

'هجووم مکریۆ سەروو گردوو بەهاکاو کوردا'

تورهالی ئانەش وست ڕووە، کە گەلوو کوردی یۆ جە دێرینتەرین گەلەکاو جیهانین و سەروو ئاجوگرافیایوە هەزاران ساڵین مژیوۆ و داراو کولتووری و زوانیشەن. تورهالی دەسنیشانش کەرد، کە ئەرەگیرکەرێ پەی دلێنەبەردەی بەهاکاو گەلوو کوردی گرد چێوێ مکەرا و ئەرەیاوناش "بەتایبەتیچ دەوڵەتوو تورکی سەروو بنەماو نەژادپەرسی و نکۆڵی ئەرەمەرزیان و پێسەیچ بەردەواما. زیاتەر جە گرد لایێوەیچ دەوڵەتوو تورکی گەرەکشەن کولتووری کوردی دلێنە بەرۆ. ڕاو ئاینی و ئیسلامیوە ناپاکی مکەرۆ، تا خراپەکارییەکاسا خاس نیشانە ڤبدانە  سەرەمڕە هەرمانە مکەرا و بە گەلوو کوردی و جیهانی ماچانە 'گرفتوو ئێمە پەکەکەن و چەنیشا مگژیەیمێ' پەکەکە ڕۆڵێ ئی گەلینێ و خودوو ئی گەلینێ. بارەو فەلەستینیوە چوارچوەو ئازادیینە سیاسەت مکەرا، یانێ پاسە نیشانەش مدانە. هەڵبەتە ئازادیی مافوو فەلەستینییەکان، بەڵام ڕێک چا وەختەنە باس چانەیە مکەرا، لایێوە تەرۆ گەرەکشانە زوانی کوردی، کولتوور، جوگرافیا و سەرچەمە ئابوورییەکاو کوردسانی  دلێنە بەرا، پەی ئا دلێنەبەردەیە گرد نۆعە سیاسەتیوی درۆینە وزا هەرمانە ، ئانەیچ چێروو نامێ ئیسلامینە مکەراش، ئێمەیچ دژوو دلێنەشییەی وێگێری مکەرمێ".

پەی کوردە ئاکەپەییا: خیانەت وەنەو خودایچ مکەرا

تورهالی هۆشدارییش دا پا کەردە موسڵمانا  ئینێ دەوروو ئۆپراسیۆنە چەپەڵەکاو ئاکەپە-مەهەپەینە و واتش ماوەکاو وەڵینە سەروو پەرسەو فەلەستینی پڕوپاگەندەی ئیسلامی مکریۆ و پانەیچە خراپەکارییەکاو دەولەتوو تورکی و ئاکەپەی  پەردەپۆشێ مکریانە و ئانەش وست ڕووە، ئا کوردێ پا سیاسەتاو دەوڵەتوو تورکی جەخشتەریێنێ شۆڕیێنێڕە دلێ خەتەو خیانەتی. حەزرەتوو محەمەدی ماچۆ مەبیدێ بە کۆیلەو خائینا. ئارۆ زوانی کردی دلێنە مبریۆ و شمەیچ چەپڵێشا پەی مدەیدێ وەنە، دەی دیارا ئینایدێ سەرر خەتەو خیانەتیوە. شمە ماچدێ با فەلەستین ئازاد بۆ و کوردسانیچ دلێنە بشۆ، ئەگەر ئینە خیانەت نەبۆ  چێشەن!

گەلەکەما تەنیا وەروو هورپڕای وزیا زیندان، مەگەر ئانەیە نمەویندێ؟ قەدەغەکەردەی زوانەکەیما وەسێ نییەن، ئیسە گەرەکتانە بەتەمامەتی دلێمانە بەردێ، مەگەر ئینە خیانەت نییەن؟ ئارۆ چی پا دڕندانە هجوومێ مکەردێ سەروو پەکەکەی. وەروو ئانەیە ١٠٠ ساڵێن پەی دلێنەبەردەی گەلوو کوردی پلانە منیەیدێرە، وەلێ پەکەکە پلانەکێش تێکە دێندێ. پەوکای ئیمراڵینە بە قینی و تووڕەییوە مامەڵە چەنی ڕابەر ئاپۆی مکەردێ، تا هەقە بکەردێوە. ئارۆ کوردسانەنە پەی فەلەستینی ڕا مپیمیۆ، بە هەزارا کوردێ کوشیێ و کەس ڕاش نەپیما،  ئینە خیانەتا، ئینە نائینسانیبییەین و نائایینییا."

'هیچ لەیەکدایۆێوی تەر هورنمەگێرۆ، ئانە کە بارزانی مکەرۆش خیانەتەن'

تورهالی باسوو ئانەیشە کەرد پانیشتەنە پەدەکە و بنەیانەو بارزانی پەشتیوانی جە هجوومەکاو سڕیەیوەی و ئەرەگیرکاری کەرا، کە ئانە خیتانەتنێ. تورهالی سەرنجەش پەی سەروو کۆکوشیی ئەنفالی نیشانە دا و واتش "بەڕۆشنی ئا کەسا نامدێر بکەردێ کە پەی کوشتەی ڕۆڵەکاو کوردی خوڵکەو دوژمنوو گەلوو کوردی مکەرا، بەڕۆشنی ئانە خیاتەن، ئانە بێئاگای و غەڵەت نییەن، وەروو ئانەیە ئینسان بە بێ مەبەست غەڵەتێ مکەرۆ. ئینە خیانەتەن پەوکای مژنەومێ ئادێ ماچا با تورک ڕۆڵە ئازایاو کوردی بکوشۆ، ئێمە نەجاتما مبۆ. یانێ با ئانەیە ویروو وێما بوزمێوە ، وێما نەخەڵەتنمێ، وەختوو ڕیفراندۆمینە ئەردۆغان چێشش بە شمە وات، نەواتش 'بەئاورایی مکوشوتا'؟ خاسا چی هۆشتا شیۆ؟ دەس جە خیانەتی هوربگێردێ.

ئارۆ چێگە ماچۆ، کە پەکەکە سەبەبەن تا دەوڵەتوو تورکی هجووم بکەرۆ، ئینە دروێنێ و ڕووەسیاوین. سەیەو پەکەکەی و گەشمەرداوە متاودێ بژیودێ، کۆردسان یۆن نەک چوار و پەنج پارچێ، ئیتر گردما پەنەتا ماچمێ وەسێن. ڕۆڵەکاما مکوشدێ، جوگرافیاکەیما تاڵان مکەرا و شمەیچ بێدەنگێندێ. خوا و پێغەمەر ماچانە 'خیانەت جە وێتا نمەکەردێ، خیانەت جە ئەمانەت و سپاردەکا نمەکەردێ' گەلوو کوردی ئەمانەتێوەش بە شمە دا و واتش ئازادێما بکەردێ، ئارۆ شمە چا ڤێلای شاهەنەن مژیودێ و ئینە خیانەتا.

داوا پەی باوڕدارا

داوا وەنەو گردوو باوڕدارا مکەروو، با دژوو ئینەیە هەڵوێستشا بۆ، خیانەت جە ڕاسیی نەکەرمێ. دوژمن هەرمانەو وێش مکەرۆ، ئێمە سەرەش وەردەمنە نمەکۆمنمێرە. بییەیدێ ئارۆ چەنی سەرنیشتەنە وەراوەروو نویستەی ' پەی پێشەوای وپیادەڕۆ' نمەکەرا، وەراوەروو شمەیچۆ تەحەملشا نییەن، بزاندێ چێش بە عەفرینی مکەرا. کەردشا ناست، ئەگەر ئێمە دژوو خیانەتی نەمدرمێوە، بەشێوەنمێ چا خیانەتی."