وەردەموو ڕێکوزیاو چەنەویەردەی میاندەوڵەتی لەندەنوو پایتەختوو بەریتانیاینە، دژوو قەرارو قەنارەدای چالاکاو مافەکاو ژەنا پەخشان عەزیزیێ و شەریفە محەمەدیێ لاو دەوڵەتوو ئێرانیوە، چالاکی کریا. چالاکێ سەروو داواو پەژاکی جەمێ بیێوە قەرارەکەو دەوڵەتوو ئێرانیشا شەرمەزار کەرد.

چالاکییەکە بە دەیەقێو ڕێزگێرتەی وەنەو گەشمەرداو کۆشیای ئازادیی دەسش پەنە کەرد، چالاکێ پانکارتێشا بە زوانی ئینگلیزی ورگێرتێ بە نویستەی "شەریفە محەمەدیێ و پەخشان عەزیزیێ بپارێزنە"، "نا پەی قەنارەی، بەڵێ پەی ئازادی".

دمایی ئەریاونیاو پەژاکی بە زوانی ئینگلیزی ونیاوە، قەراروو قەنارەدای ژەنا و ئازادیوازا  ئێرانەنە شەرمەزار کریا.

هەر جە چالاکییەکەنە ئەرەیاونیاو تەڤگەروو ئازادیی گلێرگەو کوردستانی و ئەنجوومەنوو جڤاکی ئازادی بەریتانیانە بە زوانی کوردی و ئینگلیزی ونیێوە.