ئەرەنیشتاو شارەکاو گەرکی لەگی و ڕمێلانوو کانتۆنوو جەزیرەی ٥١جەنگەوانێ یەپەگە و یەپەژە و قەسەدە و ئەنداماو هێزەکاو ئاسایشی و هێزەکاو وێپارێزنای و هێزەکاو پارێزنای جڤاکی (هەپەجە) و گەریلاکاو ئازادی کە مانگەکاو حوزەیرانینە و تەمموزینە گەشمەردێ بیێ، یادێ کریێوە.

مەراسیمەکە لاو مەجلیسوو بنەیانەو گەشمەرداو شاروو گەرکی لەگیوە جە ناوەندوو چاند و هونەروو ئارام تیگرانینە ڕمێلانەنە کریا.

سەدان ئەرەنیشتێ گەرکی لەگی و ڕمێلانی و ئەنداماو مەجلیسوو بنەیانەو گەشمەردا و ئەنداماو ڕێکوزیایەکا مەراسیمەکەنە ئامادێ بێنێ، مەراسیمەکە بە دەیەقێوە ڕێزگێرتەی دەسش پەنە کەرد.  دمایی ئەدایاو گەشمەردا مۆمێشا گیسنێنە و ولیشا وەردەموو ڕسموو گەشمەردانە نیێرە. سینڤزیۆنێک بە ڕسمێ و دیمەنوو گەشمەردا نیشانە دریا.

مەراسیمەکەنە شناسنامەو گەشمەردا ونیاوە و دریا دەسوو بنەیانەکاوە.

مەراسیمەکە بە درووشموو "گەشمەردێ نمەمرانە" و "بژیوۆ سەرۆک ئاپۆ" دماییش ئاما.