ڕۆنامەوان عەلی ئیبراهیم گیانش جەدەس دا
خەباتکاروو چاپەمەنیی ئازادی، عەلی ئیبراهیم گیانش جەدەس دا.
ڕۆنامەوان عەلی ئیبراهیم کە جە چندین ئەرەیاونایە جیاوازاو شەنگالینە هەرمانەش کەردێنە، بە نەوەسی گیانش جەدەس دا.
ڕۆنامەوان عەلی ئیبراهیم بۆنەو نەوەشییوە ٣ ڕوێ خەسەخانەو دهۆکینە چارە کریێ و سەرسەعبوو ئارۆی بۆنەو قورسیی نەوەشییەکەیشۆ کۆچی دماینش کەرد.
ڕۆنامەوان عەلی ئیبراهیم وەختوو فەرمانەو ٢٠١٤ ـیوە تا ئیساتێ چندین دەزگایاو ئەرەیاوناینە شەنگالەنە هەرمانەش کەردێنە، عەلی ئیبراهیم ٥ ساڵێ ڕادوێنوو چرا ئێف ئێم-ینە بییەن، دمایی لوان ئێزدی ٢٤، دماجار بییەن بە پەیامکیانوو زێوا نیوزی.
ئارۆ جەنازەو عەلی ئیبراهیمی بنەیانەکەیش دهۆکۆ ئاردۆ پەی شەنگالی. ئەوەڵ بەردسا دەگاو کۆلکاو کەشوو سەردەشتوو شەنگالی کەن دەگاو وێشەنە، دمایی بە شێوێوی جەماوەری قەبرسانوو شەبی قاسمینە ئەسپەردە کریا.
وەردەموو یانەکەیشنە دەگاو کۆلکاینە پەرسەش پەی نریا و پەرسەکێ ٣ ڕوێ مخواینۆ.
