جەمۍ جە زانایا زانشتگەو کاردیفی ئەرەیاۋناشا کە بەڵگەی پێوەس بە بیەو ژیۋای فرە خانەیی وەڵۍ ٢.١ ملیارد ساڵانە تەکمێڵ بیەن. بە واچەو زانایا، ئەوەمەڼەو ئا مەنتیقەیە ئینا بەحرو دلێڕاسەینە و باس چانەیە مکریۆ کە ژیۋای چۍ وەڵانەبیەنۆ و دماتەر دلېنەشیەن.

بە واچەو زانایا، ژیۋای ئاڵۆز ٦٣٥ ملیۆن ساڵۍ چێوەڵی دەسش پنەکەردەن. ئەگەر سەلەمیۆ کە ژیۋای ٢.١ ملیارد ساڵۍ چێوەڵی پەرەش ئەسان، گرڎوو تیۆرییەکا وەڵتەری کە تا ئیساتۍ هەنۍ پووچۍ مکەرۆوە.

بەڵگەی یوەم کە عیلاقەش بە ژیاۋای ئاڵۆزیوە هەن، قەڎیمیتەرا چانەی کە تا ئیساتۍ ئشناسیان، دە ساڵۍ چێوەڵی چنی ئێستەیۆ ئاسەوارو سەرو تەوەنێ بە نامۍ فرانسویلیانی. پڕۆفیسۆر چی فرو و هامکارەکېش ئەرەیاۋناشا، بە پاو ئا بەتەوەن بیەیە کە باسکریان، "مکریۆ جمۆ". ئا وەختە ئەوەکۊڵیایەکۍ جە لایەنو زانایاوە قبووڵ نەکریا.