نەپەگە: جە هەرێمو 'گارە'ی گەریلا سەرکەوت و دوژمن شکست دریا

ناوەندو ئەرەیاونای هێزەکی پاریزنای گەلی- نەپەگە ئاشکراش کەرد: جە هەرێمو 'گارە'ی گەریلا سەرکەوت و دوژمن شکست دریا و دوژمن 46 جارێ هەرێمەکەش بۆردومان کەردەن و کامپێ دیلەکان بە ئامانجو کوشتەینشان کریێنێ ئامانج.


ناوەندو ئەرەیاونای هێزەکی پاریزنای گەلی- نەپەگە، سەبارەت بە هێرش و ئەرەگێرتەی ڕژێمی تورکیا جە گارە وەڵاوکریاشدان و جە میانەشەنە ئاشکراش کەردەن: گەریلا بە توندی ڕووبەڕوو هێرشبەرە ئەرەگێرەکان بیێەنەوە و گورزی فرە قورسش ونەدێنێ.
نەپەگە دەستنیشانش کەردەن، دوژمن پەی قەرەبووکەردەی شکستەکەیش، جە 24 سەعاتێ ویەردێنە 46 جارێ گارەش بەقورسی بۆردومان کەردەن. 
جە ١٣ و ١٤ ئی مانگێنە بە تایبەتی مەیدانەکێ مەیرۆکی، سیانێ، بەرگارێ، مەیدانی ناوین، دەگاو شکفەتیای، بەرزایی شەهید بەرخودانی، بەرزایی شەهید بارانیش بە قورسی بۆردومانێ کەردێنێ.
بەتایبەت لە 13و مانگێنە، سەعات 14:40 دەیەقێ دمانیمەڕۆی جە گەلی سیانی کە کامپو دیلەکان جەوێش مەگێرۆن، دەنگو دەسترێژو گوللا ئەژنەویان و دمای ئانەیە باڵەپڕێ جەنگیێ ڕژێمی کامپەکەشان بە قورسی بۆرودمان کەردەنم.

هەر جە 13و مانگێنە بەڵام سەعات 22:00 شەوێ، سەرەتا 3 و دماتەر 6 کۆپتەرێ جەنگیێ هەوڵشان دان ناوچەکەنە بیشانەوە، بەڵام گەریلا قارەمانانە دینیشان ونە و نەتوانیشان بنیشانەوە. هەمان ڕۆچ هێزەکێ پارێزنانی ئاسمانی شەهید دەلالی 2 چالاکیێ کاریگەرێشان ئەنجامێ دێنێ و جە میانشانە گورزی فرە قورس جە دوژمن دریان و ناچار بە ئاستەجیای ناوچەکەیشان کەردەن.
بە ئی تەورە پیلان و بەرنامەو ڕژێمی ئەرەگیری کە ئامانجش ئەرەتێرتەی گارەی بێ، شکستش وارد و گەریلا قارەمانانە سەرکەوت.

نەپەگە ئاشکراش کەرد، جە کوشتەی و بە ئامانجگێرتەی سەربازێ و پۆلیسە دیلەکان، ڕژێمی تورکیا وەرپەرسیارەن و هیرشەکەشان پەی ئازادکەردەیشان نەبییەن، بەڵکو پەی کوشتەیشان بییەن و گەریلا جە 5 ساڵی ویەردێنە تا بە ئارۆ ئا دیلێشە پارێزنێنێ و زیانش پنە نەیاونێنی و مامەڵوەی مرۆییش جەنی کەردێنێ. چەندین جارێ پەی ئازادکەردەیشان بانگەوازمان جە ڕژێمی کەرد، بەڵام وەڵامش نەبی و ئاژەو دیلەکان گرنگ نەبێ بەلاشەوە. هەمان بانگەوازی بنەماڵێ دیلەکان و چەندین لایەنێ تەرێ ئاڕاستەو ڕژێمیشان کەرد و هامکات داوا جە ڕژێمی کریا پەی پارێزنانی دیلەکان کۆتایی بە هێرش و بۆردومانەکانش باوەرۆنە، بەڵام سودش نەبی. ئانەیچە نیشاندەرو ئانەیەنە کە ڕژێم جە سەرەتاوە ئامانجش کوشتەی دیلەکان بییەن.
بەئی جۆرە ڕژێمە فاشیتەکەو تورکیا جاریوی تەر دڕندەیی و فاشتیستو وێش نیشانەداوە. بەڵام ڕۆو مێش مەیۆنە و ئا ڕژێمە باج و حسابو تاوانەکانش بدۆنەوە.

جە کۆتاییەنە ناوەندو ئەرەیاونای هێزەکی پاریزنای گەلی- نەپەگە، ئاشکراش کەردەن: جە ئایندەی نزیکەنە هێزەکی پارێزنای گەلی- هەپەگە، ئامار و وردەکاریێ سەرجەم جەنگی چوار ڕوەی پەی رای گردینی ئاشکرا بکەرۆنە.