نورئاباد؛ پۆلیسوو ئێرانی کناچێوی١٨ ساڵەشا کوشتە
وەختوو ورکوایشانە سەروو یانێوەنە دەگاو نورئابادوو لوڕستانینە، هێزەکاو پۆلیسوو ئێرانی کناچێوی ١٨ ساڵەشا کوشتە.
بە پاو هەواڵێوێ تۆڕەو مافەکاو ئینسانوو کوردستانی هێزەکاو پۆلیسی بنکەو "چەشمە سفید"وو شاروو نورئابادو لوڕستانینە، ورشا کوان سەروو یانێوی دەگا گۆیژەینە و ئەنجاموو تەقەکەردەینە کناچێوی بە نامێ ڕازیە ڕەحمانیێ ١٨ ساڵێ کوشیێنە.
ئا ناوەندە زوانوو کەسێوی نزیک جە بنەیانەو ماڵەی کوشیێکێوە هەواڵەکەش پەشتڕاس کەردەنۆ و ئا سەرچەمە واتەنش: ڕۆو پەنج شەممەی ٣١و جۆزەردانی (٢٠وو حوزەیران)ی هێزەکاو پۆلیسی بە بێ مۆڵەتی یاسایی و بە بەهانێ بییەی ماددەی هۆشبەری ورشا کوان سەروو یانەو شوکور ڕەزا ڕەحمانیی".
ئانەیچش وستەن ڕووە، دماو دەمەقاڵێوی وەشبییەی یۆ جە پۆلیسەکا تەقەش کەردەن و فیشەکێوی دانش سەرەو ڕازیەی و کوشتێنەش.
تەقەکەردەی هێزە ئەمنی و سەروازییەکاو ئێرانی بازگەکانە و بەروو بازگەکایچەنە جە حاڵەتیوە بییەن بە دیاردە و ساڵانە دەیان کەسێ، کە ژەن و زاڕۆڵێشا چەنەنێ وەرکەوتوو کوردستانینە و سەرتاسەروو ئێرانینە بۆنەو ئا هجووماوە بانە قوربانی.
