کوردیناسیۆنوو پارتوو ئازادیی ژەناو کوردستانی (پاژک) بە بۆنەو ٢٨ ساڵەو گەشمەردەبییەیی زەینەب کناچی (زیلان)ێوە بەیاننامێوەش وەڵا کەردۆ.  

بەیاننامەکەنە کە پەلیانەو pajk.org وەڵا کریانۆ، ئەوەڵ باس چانەیە کریان، "زەینەب کناچی-زیلانە، کە خەتەو ئازادیی ژەنێنە، ٢٨ ساڵەو گەشمەردەبییەیشنە، بە ڕێز و حورمەتۆ یادەش مکەرمێوە. ماناو چالاکی و هەڵوێستوو هامڕا زیلانێ بە هەمان ڕۆحوو ساڵەو ئەوەڵوو 30ی حوزەیرانوو 1996، ساعیبو پلێ و کاریگەریی زیندەین، هەر هەنگام و هەڵوێستێوی دروس یاگێ و وەختوو متاوۆ جواب و مۆرەو وێش سەروو ژیوایوە بنیۆرە و جیهانی بگێرۆوە و مبۆ بە ڕاسیێوی ئەبەدی و گەشمەردە زیلانەیچ سنووروو وەختی و جوگرافیایش بەزنان، وەروو ئانەیە پەی هەمیشەی زیندێنە و کاریگەرییش هەن.  

چالاکییەکەو هامڕا زیلانێ بانگەوازێوە بێ  پەی بەپارتیبییەی ژەنا

درێژەو بەیاننامەکەینە ئامان، "ئازادیی فەلسەفەو ژیوایا، چەمکوو کۆشیایا، پلێنە، ڕێباز و کردارا. زەینەب کناچێ فەلسەفەو ڕابەرایەتییش کەرد بە چەمکوو کۆشیای و ژیوای، خەتەو چالاکی، شێواز و تاکتیکێوە نیشانە مدۆ کە تاکەکەس متاوۆ ڕەوتوو تارێخی بفارۆ، ٦و ئایاروو ١٩٩٦ی، کە هەنگامە سەرەتاییەکاو پیلانگێڵنی میاندەوڵەتیی دەسش پەنە کەرد، دژوو ئا هجوومەیە، کە بە ئامانجوو دلێنەبەردەی ڕابەر ئاپۆی ٣٠ی حوزەیرانوو ١٩٩٦ینە کریا، بە چالاکیێوی فیدایی جوابش داوە. زەینەب کناچی پیمەری شۆڕشگێڵنانەو ژەنێ، پیای و پارتیبییەیەنە. هامڕا زیلانە پیمەرەو چالاکی و ژیوایی فیدایی جەوهەرو هۆشیاروو پارتیبییەیا، پیمەروو بەشداریکەردەین جە خەتەو ڕابەر ئاپۆینە. زیلانە دژوو گرد جۆرە هجوومێوی دوژمنوو بەروو ئینسانینە، دژوو کۆکوشی، پاکتاوکاری، ئینکارەنە جە ڕاو سەرکەوتەینە، خەتەو سەرکەوتەیش جە کەسایەتیی وێشنە وەشکەردەین بەپاو ئامانجەکا. پەوکای چالاکییە فیداییەکەو هامڕا زیلانێ دژوو هێزەکاو سوپاو تورکی، تەنیا چالاکیێوی سەروازی سەرکەوتە نەبێ. ڕابەر ئاپۆ تەنیا پێسەو چالاکیی سەروازی ورشنەسەنگنا،  فرە چانەی زیاتەر ورش سەنگنا. ئی چالاکییە بانگەوازوو پارتیبییەیی ژەنا بێ، پی مانێ کۆشیای پەی ئازادی ژەنا مسۆگەر کەرد. ئاخر ئا ژەنێ، کە عەشقێوی چانە گەورەسا بە کۆشیای هەن، نە وێشا، نە چالاکییەکێشا، نە پەیامەکەشا پێسەو ئاساییەکا نییەن. بانگەوازش پەی وەرفراوانکەردەی کۆشیای پەی ئازادیی بێ.

ژەنیی کوردی سەروو خەتەو زیلانێوە بییە بە سوپا و پارتیبییەی

سەروو خەتەو زیلانێوە ژەنیی کوردی بییە بە سوپا، بییە بە پارتی، بە سۆز و عەشقی گەورەو ئازادییوە وێشا ڕێک وست، وەراوەروو عەقڵیەتی باڵادەسوو پیینە، فاشیزم و سەرمایەداری بە کۆشیایی یەکلاییکەرەوەو وێش گردوو ئازادییەکاش مسۆگەرێ کەردێ.

تارێخوو کۆشیایی ئێمەنە، شێوازوو چالاکیی فیدایی هامڕا زیلانێ، پڕۆسێوی تازەن سەروو بنەماو ڕۆحوو فیداییبییەی. ئیساتێ فیداییبییەی و سەرمەشقایەتیی ژەناو کوردستانی، جەنگ و کۆشیای گەلوو کوردی پەی  ئازادی بییەن بە کولتوورێوی ژیوای. بە سەرمەشقایەتیی زیلانێ، واقیعوو مدرامانی و کۆشیای ژەناو کوردی سەرەش وردا، ڕێک وزیا و بی بە شناسنامەو ژەنێوی ئازادی. ئیساتێ کوردستاننە خەتەو زیلانێ بیێنە  پیمەرێوە پەی مدرامانی و کۆشیای و سەرکەوتەی پەی ژەناو کوردی. ئێمە پیسەو تەڤگەروو ئازادیی ژەنا کۆشیای و مدرامان پەی دەسکەوتە تارێخی و ڕاسییە گەورەکا مکەرمێ، کە ڕابەر ئاپۆ و گەشمەردێما پەیما خوڵقنانشا. چونکوم ئینە پیمەروو پەیوەندییان بە خەتەو زیلانێ و سەمایەکاوە. ئارۆ هەر ژەنێوە شۆڕشگێڵنە و مدرامانکەرە سەروو ئی خەتێوە مکۆشیۆ.

خەتەو زیلانێ بییە بە ئەرەپڕایوی کۆمەڵایەتی دژ بە سیستمی هەژموونوازی پیاسالاری و ڕژێموو دوژمنەکاو گەلی و ژەنا، ستەم و کۆکوشیی و  بییە بە مانیفێستوو شۆڕشوو ژەنا. خەتەو 'ژەنی، ژیوای، ئازادی' کە ئارۆ گردوو جیهانینە وەڵێ بیێنۆ، تیشکە موزۆ سەروو بەهای جیهانییەو خەتەو زیلانێ. وەراوەروو دیکتاتۆرەکانە و ڕێکوزیا فاشیستەکاو دوژمنوو ژەنانە، بە نامێ "ژەنی، ژیوای، ئازادی-یوە بەرەو شۆڕشوو ژەنا" بە ئیرادەو زیلانێوە خێرامای چا پڕۆسەیە مکریۆنە.

زیلانە نامێ ژەنێ ئازادێنە. بە تووڕەیی فرەوە دژوو سیاسەتەکاو کوشتەی ژەنا بۆمبەکەش تەقناوە و  تەقاندەوە و بە ئازایانەتەرین شێوە قینەو وێش جە کۆیلایەتی، هەژموون و دماکەوتەیی نیشانە دا. جە سایێ وێش و سەدان هامڕیا پێسەو وێشنە، ژەنیی کوردی جارێوی تەر  چەمێش ڕووەو ئازادییرە کەردێوە، دەنگوو تەقایوەکەیش بی بە هێماو ئازادیی.

زیلانە فەرماندێ سوپێکێمانە. ئارۆ کەشەکاو کوردستانینە مدرامانوو یەژا ستاری و هێزەکاو هەپەگەینە، فەرمانەکێش جوابێ مدریانیوە، حەر گریلاێوی ئارۆ کە یاگەدارێ زیلانێنێ. دەسشا دانۆ یۆی و پێسەو بازنەکاو زنجیری پێوە لکیشا واردێنە.  نە تانک، نە هجوومی عاسمانی، هیچ ماددێوی کیمیایی نمەتاوۆنە  بازنەکاو ئی زنجیرەیە بپڕچنۆ. ئی فەلسەفە بە کۆشیای و مدرامان سەرمگنۆنە، بە حەماسەتوو حەر گەریلایێوە کە ئازایانە و قارەمانانە ڕووبەڕوو دوژمنی مبۆوە، ڕوانە ژیوای هەن. دێرسیم، زاپ، مەتینا، گارێ، خاکورک، هەفتانین، بۆتان و ئامەد مدرامان مکریۆ. حەر چوار پارچەو کوردستانینە مدرامان مکەرا و سەرکەوتەی مسۆگەر مکەرا. چونکوم فەرماندار زیلانە ئی فەرمانێشە دێنێ.

دژوو ستراتیژوو کۆکوشیی فاشیزموو ئاکەپە – مەهەپەی، گەلوو کوردی بە سەرمەشقایەتیی ژەنا مدرامان مکەرا. کۆشیای بە فەداکارییوە گرد یاگێوەنە مکریۆ. جەنگەواناو مدرامانی کە ئارۆ ئاڤاشیننە و زاپنە و مەتینانە جەنگ مکەرا، بە ویروو بەیاگەیاونای ئی فەرمانێوە جەنگ مکەرا و ڕا بە ئەرەگیرکارییەکاو حکومەتی فاشیستی تورکی نمەدانێ. حەقیقەتوو ژەنە سەرمەشقا و شۆڕشگێڵنە گەورەکاو کوردستانی، زیلان، سەما، گوڵانە و بە هەزاران هامڕێما بەهاکاو ئی ژیوایەیشا دیارییە کەردێنە. زیلانەکاو سەردەمی پەی بنیاتنیایی ژیوایێوی ئازادی، گلێرگێوی ئازادی، جەستەو وێشا دژوو ئەرەگیرکارییەکاو حکومەتوو تورکی و تەکنۆلۆژیای مکەرانە بە قەڵغان. ئینەیچ هەرمانێوە ئاسان نییا وەسفوو ئەو ڕۆحیەتەیە بکریۆ، کە سینەو هەر گەریلایێوەنە، مبۆ بە ئایندێوە تازە چی خاکەنە. چونکوم پیسە گردوو هامڕایاما مواچان گەریلابییەی  کوردستانەنە بە زوان باس نمەکریۆ بەڵکوم مژیوۆ و ژیوایا. گریلا نامێ ژیوایێوێ بێکۆتاییین کوردستانەنە، کە ژیوایی زیلانێن.

زیلانە ڕاو سەرکەوتەی، یۆگێرتەی و ئازادیی ڕابەرایەتییش نیشانە دا

هەڵمەتەی تاریخییەو مێژوویی هامڕا زیلانێ ئانەش بەڕۆشنی نیشانە دا، ڕاو سەرکەوتەی، یۆبییەی، ڕاو ئازادی ڕابەرایەتیینە. ڕابەرایەتی ژیوای مەبارەکوو ئینسانی ئازادین. بە ئیرادەبییەی و ڕۆحی گیانبازانەو زیلانەکاوە ئێمە بە بەقوەتییوە بەشداریی هەڵمەتەو ئازادیی پەی ڕابەر ئاپۆی و چارەسەری پەی پەرسەو کوردی مکەرمێ، گردیاگێونە پەرە بە کۆشیای مدەیمێ و ئازادیی جەستەیی ڕابەر ئاپۆی مسۆگەر مکەرمێ. ئازادی ڕابەر ئاپۆی مبۆ بە ئازادیی ژەنێ و هەمان وەختەنە ئازادیی  ئینسانی و کوردستانین. پا پاگێرتەیرەی و بڕوێوە هەرمانەو ئی سەردەمەو ئێمە کۆشیاین پەی ئازادیی جەستەیی ڕابەر ئاپۆی.

ئێمە سەروو بنەماو ئا ویر و باوڕیوە، جارێوی تەر جە کەسایەتیی هامڕا زیلانێنە سەرجەموو گەشمەرداو مانگەو حوزەیرانی و سەرجەموو گەشمەرداو ئازادیی ژەنێ و گەلوو کوردی، کە سەردەمی جیاجیانە  کۆشیایی ئازادییشا بە دەور و سەرمەشقایەتی تارێخیی پەیڕەو کەرد، بییە بە میرات پەی مدرامانی گەریلای فیدایی، بە ڕێز و وەشەسیاییوە یادشا مکەرمێوە. وەعدوو ئاردەیدی ئاواتوو گەشمەردا ئەوەخوای مکەرمێوە. ئێمە پێسەو جەنگاوەراو خەتێ ئاپۆیێ هامڕا و جەنگەوانا فەرماندە زیلانێ، ماچمێ هجوومەکێ چەنینێ با، با  چانێ با ڕاسیی زیلانێ و ڕۆحوو گیانبازی، کە گەریلاینە ساز بییەن  و ئا هجووما ماڕمێ و سەرکەوتەی پەی گەلەکەیما و جمیەروو ئازادیی ژەنا بۆ".