کۆمیتەو تەڤ-چاندو پەکەکەی سەرنجش وست سەرو هرووژمە فاشیستییەکا ئی دماییەو سەرو کلتوور و زۋانوو گەلوو کورڎی و ئەرەیاۋناش، "پەنەوازا جە گرڎوو شارەکانە دژوو هرووژمە ڕەگەزپەرسی و فاشیستییەکا بازنێوە جە سەمای وەش بکریۆ."
کۆمیتەو جمیەرو کلتوور و هونەری پارتوو کرێکارا کورڎەسانی(پەکەکە)ی ۋەرا ۋەر بە هرووژمەکا ئی دماییەو ڕژێموو ئاکەپە – مەهەپەی پەی سەرو کلتوور و زۋانی کوردی کاروەدایش نیشانەدا و داواش جە گرڎ لێوە کەرد بەشدارۍ بازنەو سەمای با.
ئەرەیاۋناکەو کۆمیتەو جمیەرو کلتوور و هونەری پارتوو کرێکارا کورڎەسانی(پەکەکە)ی پی جۊرەنە:
" جە لایەنو حکومەتو ئاکەپە-مەهەپەی، جە دژوو کلتوور، زۋان و هونەری کوردی، هرووژمی ڕەگەزپەرسی-فاشیستی ئەنجام مڎریۆ، کە جە جیهانەنە چێوۍ پا جۆرە فرە کەم بیەن."
گرڎ کەسۍ فرە بەڕۆشنی موینۆ کە ئێمە ئینایمۍ ۋەرا ۋەر بە دەسەڵاتێوە قڕکەرینە کە دوژمنوو گرڎ چێوۍ کوردان.
پەی ئانەی گەریلاکا ئازاڎیی کە قارەمانانە ۋەرەنگارۍ هرووژمە ئەرەگیریەکا باوە، جە گەلی جیاشا بکەراوە،گەلی متەرسنا. ۋەروو ئانەی جە جەنگەکانە شکسشا ئارد، جە چوارچێوەو پیلانێوە هەمە لایەنە و تایبەتینە هرووژمشا کەرد سەرو بەها کلتوورییەکا گەلوو کوردی.
هەڵای پی ئیمکانیەت و دەرفەتە فرۆ، باوەڕشا بە ۋێشا نیا و جە بوارو کولتووری و هونەرینە، هرووژم مکەرا سەرو هونەرمەنڎا، نوویستەیە کوردیەکا، گۆرانیۍ کوردیۍ، کەسانێ کە سەما مکەرا، زەماۋنەو هامسەرگیری مگێڵنا و بە هەوڵە فاشیستیەکاشا گەرەکشانە سروشتیتەرین مافەکاو گەلوو کوردی دلېنەبەرا. پی کردەوا گەرەکشانە گرڎوو هێزەکا ئازاڎیی و دیموکراسی بێدەنگ بکەرا.
بە مەعنێوەتەر ، مەڵامەتی گرنگ کە هرووژم مکەرا سەرو کلتوور و زۋانی کوردی تا حەدێوە ئانەنە کە ئا زەماۋنۍ و کۆنسێرتۍ کە حکومەتو تورکی بە مەرامو تاونایۆ کلتووری پېسە ئەرکێوە جەنگی تایبەتی دلێشانە بڎۆ، یۆ چا نموونا جە جزیرە، سەفین و بەرخبەرەنە موینیۆ و جە لایەنو گەلیوە بێ جواب مەنۆ.
هەوڵ مڎا بە هرووژمی کلتووری ئانەی نەتاواشا جە ڕاو داعشیوە بکەراش پی جۆرە بیاوناش بە ئەنجام. سەرەڕاو کۆمکوژی هەزاران ئێزیدیۍ، گلېرگەو ئێزیدی جە کولتوور و بیروباوەڕی ۋێش پاشەکشەش نەکەرد. ئیساتێچ گەلوو کوردی هیچ پاشەکشێوەش نەکەردەن. کولتوور، ژیۋای، ئەخلاق و کەرامەت، هیچ کات پاشەکشەش سەر نمەکریۆ.
نمەتاوا بەملیۆنان کەسۍ کە جە مېڎانەکا نەورۆزینە سەماشا کەرد ڕەوانەو زیڼانی بکەرا؛ زیڼان، هەڕەشۍ، فشار نمەتاوا ڕا جە کولتوور، زۋانی و هونەری کوردی بگێرا.
نمەبۆ گەلوو کوردی بە تەنیا مەنۆوە
نمەبۆ ئانە جە یاڎ بکریۆ ئانۍ کە تەحەمولو ئاوازی و سەمای کوردی نمەکەرا، سەبای هەمان هرووژمی جە هورونا لازەکا و تورکینە ئەنجام مڎا. نمەبۆ کەس گومانەش بۆ چی بارۆ. چونکی ئی هرووژمۍ هەرمانەو بەتورک کەردەی چەرمەین.
گرڎ جۆرە هرووژمێوە وێرانکەر بە مەبەسوو بازرگانی یا بە مەبەسوو جەنگی دەروونی ڕاوەبەر مکەرا، تا مرۆڤەکا جە بەها سروشتی و کلتوورییەکاشا دوور بوزاوە، کە هیچ عیلاقێوەشا بە کلتورو کوردی و تورکیوە نییا و چېرو نامۍ هونەرینە هانی مڎریا. بەڵام وەختۍ سەرۆک ئاپۆ ڕێبازو مانیفێستی دیموکراتیکیش ئەرەیاۋنا، باسوو واڵە و برایەتی دەلیلۆی و هورۆنیش کەرد. ئارۆ پېسە واڵە و برایەتی، پەنەوازا گرڎوو گەلا پاڵوو گەلوو کوردینە با و هەڵوێسوو ۋێشا نیشانە بڎا.
چی وڵاتەنە ئانۍ ئاوازی کوردی ماچاوە فشارشا سەرا، کوشیانە و دەسبەسەرۍ مکریا. هەر کار وچالاکیێوە کە پېسە هونەری ئەنجام بڎریۆ بەقیمەتا. جە کاتۍ چامنەنە سڵام چا هونەرمەنڼە وڵاتپارێزن و دیموکراتا مکەرمۍ کە جوابوو هرووژمە کلتوورییەکا مڎاوە و پێگەو شکۆمەندانەو گەلەکەیما پارێزنا. پا مەڵامەتۆ داوا جە گرڎ لېوە مکەرمۍ بە جلۍ کوردیێوە رووە جە جاڎە و مېڎانەکا بکەرا و سەمای کوردییە و ئاوازی ئازاڎیی واچاوە. هامکات پەی فاڕای ئی قۆناغۍ بانگەواز پەی سەرهۊردای کلتووری مکەرمۍ.
مشۆم سەڎاما بیاوۆ ئیمرالی و دیوارەکاش وڕنۊنە!
پەنەوازا بە زېڵۍ مڎرامانی و سەرهۊردایۆ کە بتاوۆ ڕا جە قڕکەردەی کلتووری بگېرۆ بە یەکجاری، ڕووبەڕوو هرووژمە فاشیستیەکا بیمېوە."
