پەیامکیانێ بێسنوورێ داواو ئازادکەردەی سلێمان ئەحمەدیش کەرد
ڕێکوزیاو پەیامکیانە بێسنوورا داواشا کەردە ڕۆنامەوان سلێمان ئەحمەد ئازاد بکریۆ، کە هێزەکاو پەدەکەی گێرتەن و سزاو زیندانییش ملەرە سەپیێنە.
ئەرەنیشتەی ڕۆنامەوان سلێمان ئەحمەدی، کە ٢٨٠ ڕوێن پەدەکەی گێرتەن جە دادگاودهۆکینە کریا، دادگا سزاو ٣ ساڵا زیندانییش ملوو سلێمان ئەحمەدیرە سەپنا.
ڕێکوزیاو پەیامکیانە بێسنوورا ناڕەزایەتییش بەروست دژوو سزادای سلێمان ئەحمەدی.
ڕێکوزیاو پەیامکیانە بێسنوورا ئەرەیاونایەکەیشانە ماچۆ: "ڕۆنامەوانوو کوردی سلێمان ئەحمەد، کە ئاژانسوو ڕۆژنیوزینە هەرمانە مکەرۆ، بە تۆمەتی درۆینەوو ئەندامبییەی جە پارتوو یۆبییەی دیموکراتیک (پەیەدە)ی سزاو ٣ ساڵا زیندانییش ملەرە سەپییا، ئی سزا ناهەقێ شەرمەزار مکەرمێ و داوا مکەرمێ دەمودەس سلێمان ئەحمەد ئازاد بکریۆ".
