چالاکا ئیشکگیریی ئازاڎیی ئەرەیاۋناشا کە ئازاڎیی ڕابەرو گەلوو کورڎی عەبدوڵا ئۆجالانی ئازاڎیی گەلوو کورڎین و واتشا: "تا ئازاڎیی ڕابەرایەتیما مسۆگەر نەکەرمۍ درێژە بە ئەرەکۊشای مڎەیمۍ."
ئیشکگیریی ئازاڎیی کە جە ٢٥و حوزەیرانو ٢٠١٢ ی شارو ستراسبۆرگ و فەرەنساینە پەی ئازاڎیی جەستەیی ڕابەرو گەلوو کورڎی عەبدوڵا ئۆجالانی و دمایی ئامای بە سیستەمو ئەشکەنجەو ئیمرالی دەسش پنەکەرد، جە ١٣ەمین ساڵەو ۋێشەنە بە ئیراڎۆ بەردەواما.
ئی چالاکییە کە گرڎ حەفتێوە چنی گرووپێوە کورڎی و دۆساشا جە ئۆروپانە بەردەواما، ٦٣٠ەمین حەفتەو ۋێش پەڕکەردۆ. جە حەفتەی تازەو چالاکییەکەینە، گروپێوە جە شارو ساربروکن و ئاڵمانیایۆ بە نامۍ ناوەڼو گلېرگەو دیموکراتیکی کوردی، ئیشکگیرییەکەشا هۊرگېرت. حەسەن تۆری، لیلاڤ شێخ ئەحمەد و عەگید کاپلان بەشدارۍ گرووپە تازەکەینۍ.
بەنامۍ ڕۆژی ئەنداماو ناوەڼو گلېرگەو دیموکراتی کورڎی جە شارو ساینت ئاڤۆڵد- فەرەنساینە سەردای چالاکواشا کەرد.
گروپەکە پێکئامێبێنۍ جە سەزای کەسکینی و سەرکان تۆپچوی. چالاکا جە ڕاو ڤیدیۆیێوە پەیامەکەشا ئەرەیاۋنا.
