زیندانییاو پەکەکەی و پاژکی زیندانەکاو دەوڵەتوو تورکینە هەڵمەتەو ١٥و ئابیشا مەبارەکە کەردە و داواشا کەردە:" ئێمە سەروو ڕاو هامرا عەگیدیوە بەردەوامێ بیمێ و هەڵمەتەو ئازادیی پەی رابەر ئاپۆی بە سەرکەوتەی تاجدارە مکەرمێ".
بە نامێ زیندانییاو پەکەکی و پاژکیوە دەنیز کایا ئەرەیاوناێوەش وەڵا کەردۆ. کایا جەژنەو ژیوایوەی ١٥ و ئابیش مەبارەکە کەردە و ئەرەیاوناش هەڵمەتەو ١٥و ئابی فاڕیێنە پەی ئایروو ئازادی کە کوردسانی و تورکیای مگێرۆ وێش و بەقووڵی کاریگەری سەروو وەرکەوتوو دلێڕاسەی و جیهانی مکەرۆ.
پەیاموو زیندانییا پەی ١٥وئابی پاسنەنە:
"ئێمە جەژنەو ژیوایوەی ١٥و ئابی کە پەیدابییەی گەلوو کوردیا، وەنەو ڕابەر ئاپۆی و تەماموو گەشمەردە قارەمانەکا و گەلی وەڵاتپارێزنیما و گەلە بندەساو جیهانی مەبارەک مکەرمێ. جە کەسێتیی هامرا عەگیدینە، کە فەرماندەی نەمروو هەڵمەتە گەورە تاریخییەکێ گردوو گەشمەردە قارەمانەکاما بە ڕیز و پەنەزانایوە یادێ مکەرمێوە. هەڵمەتەی شۆڕشگێڵنییەو گەریلای کە دژوو ڕژێمی فاشیست-عەسکەریی ١٢ و ئەیلوولی کەوت وەڵێ، جە ١٥ و ئابوو ١٩٨٤ بە چالاکییەکاو گەریلای ئەروح و شەمزینانەنە دەسش پەنە کەرد، سەرەراو گردوو قۆرتەکا تەشەنەش سانا و ئارۆ فاڕیان پەی ئاویروو ئازادی کە کوردسنای و تورکیای مگێرۆ وێ و بەقووڵیی کاریگەرییش سەروو وەرکەوتوو دلێڕاسەوی و جیهانیوە هەن.
گەر ئی هەڵمەتە قارەمانانێ کە مدرامانی گەورەو زیندانوو ١٩٨٢ یاوناش بە کەشی و گەریلێکێ نەبیێنێ، ئارۆ چێوێ بە نامێ کوردی و کوردسانیوە نەمەنێوە. فشار و ستەمی فاشیستی داگیرکاری، قڕکەردەی، ناچالاکی، ملکەچبییەی، هامکاری و خیانەت گرد یاگێوە تەنێوە. هەڵمەتەی شۆڕشگێڵنانێ ١٥و ئابی، کە بە پریشکەو ئازادیی دەسش پەنەکەرد و کۆشیای قارەمانانە کە سەروو ئی بناغەیە وەش بی گردوو ئی چێواشە فاڕێ.
ڕۆحی ئازادی، هۆشیاری، ئیرادە، یارای، فیداکاری، ڕێکوستەی و چالاکیی کە ڕابەر ئاپۆی خولقنێ، سەروو ئی بنەمێوە پەرەشا سانا. هەقیقەتوو ڕابەرێتی و گەشمەردا و حیزبیبییەی و گەریلایی کە گەورەتەرین دەسکەوتەکێنێ،سەروو ئی بناغەیە پەیدا بیێ. گەلەکەما و خاکوو کوردسانی هەقە وەنەو دوژمنی مکەراوە. ئیتر گەلەکەما و دەیان هەزار فیدایێ کە خاکەکەیشا مپارێزننا، کەشەکاو کوردسانینە ڕاو تەسلیمبییەی و خیانەتی نمازا.
ئێمە جەنی مدرامانی گەورەو گەلی وەڵاتپارێزنیما، ئا هێزە گەریلا فیداییە کە قارەمانانە مدرامان مکەرا و سیاسەتوو ئەرەگیری ماڕانە و بەتایبەتی ئەدا مدرامانکەر و فیداکارەکێ کە دژێ سەپنای و تەسلیمبییەینێ،لاو فاشیزمیوە وەردەموو زیندانەکانە چالاکی مکەرا، پا منیەمێنە دلێ چلەمین ساڵیادوو هەڵمەتەو شۆڕشگێڵنیی ١٥و ئابیوە.
پێسەو تەڤگەری و گەلی، بە تایبەت زیندانەکانە تارێخوو کۆشیایمانە هەمیشە مەیدانوو مدرامانی بێنێ کوردسانەنە و گرد یاگێوە جیهانینە، بە کۆشیای و جۆش و ڕێکوستەی زیاتەرۆ ملمێ دلێ ساڵەو چلیوە.
بێگومان هەڵمەتی شۆڕشگێڵنییەو ١٥ وئابی چندێوە پەی کوردا و جمیەروو رۆشنگەری و ئازادی بێ،ئاندەیچ پەی تورکیاوی و وەرکەوتو دلێڕاسەی و جمیەروو ڕۆشنگەری و دیموکراتیکی بێ.
ئا کۆشیایە سەروو بناغەو ١٥و ئابی کەوت وەڵێ لاو گەریلا فیداکارەکاو کوردیوە، سەروو خەتەو مۆدێرنیرتەو دیموکراتیکیوە وێش تازە کەردەنۆ، سەرەڕاو گردوو هجوومە نایاسایی و نائەخلاقییەکا، ڕا بە فاشیزمێ نمەدۆ و بە خەتەو قارەمانی و ئازادیی کوردی مپاریزیۆ. گەریلاکاو ئزادیی کوردسانی ئارۆ زاپ و ئاڤاشینەنە و مەتینا و گردوو مەیدانەکای تەرینە، حەر چوارلاو سەرنیشتوو کوردسانینە بە مدرامانی فیداکارانە ١٥و ئابی سەرکەوتە و زیندە مکەراوە.
ئا فیشەکێ ١٥ و ئابینە تەقێ، فیشەکێنێ دژوو ئا ئەو کۆیلایەتییە، کە پەی کوردا بە رەوا وینیێ،پیسە چەنی وەروو وەرەتاوی بە وێچنە نمەگیریۆ، پاسەیچ نکۆڵیکەردەی جە گەلەکەیما ڕاش نمەشۆنە، ئیتر وەختوو ئازادییا، وەختوو بنیاتنیای ژیوایوی ئازادین، وەختوو ئانەینە دەسەڵاتی فاشیستی ئاکەپە- مەهەپەی فڕە بدریۆ دلێ سەورۆگاو تارێخیوە..
ئاشکران کە ئی کۆشیایە تارێخییە کە سەروو ئازادیی جەستەیی ڕابەر ئاپۆی وێش قوفڵ کەردەن، جە چلەمین ساڵیادووهەڵمەتەکێنە قەوەتتەر بۆ و بەرەو سەرکەوتەی هەنگامە منیۆ. هەڵمەتەو ئازادیی ڕابەر ئاپۆی چارەسەری سیاسی پەی پەرسەو کوردی، میاوۆ ئاستێوی میاننەتەوەیی وگەشە مکەرۆ. ئی هەڵمەتێ بە دۆس و دوژمن وگرد لاێوەش نیشانە دا، کە ڕۆحوو ١٥و ئابی هەڵای پیسەو یوەم ڕۆی بەردەواما. هەڵمەتەو ئازادی ئەرەبڕیێ نییەنە جە هەڵمەتەو ژیوایوە، بەڵکوم درێژەپەنەدەرەو هەڵمەتەو ژیوایوەنە، پەوکای پەنەوازا خاوەنداریی جە هەڵمەتەکێ بکەرمێ و گەورێش بکەرمێ سەروو ڕاو فەرماندەی گەورە عەگیدیوە بەردەوامێ بیمێ و هەڵمەتەو ئازادیی پەی ڕابەر ئاپۆی بە سەرکەوتەی تاجدارە بکەرمێ.
پی مانێ ئێمە جە دە هەزار زیندانییاو پاژکی و پەکەکەی سەروو بناغەو ڕۆحوو مدرامانوو هامرایا مەزڵوومی و کەمالی، ئەوینوو ئازادی و زیلانێ و بێریتانەکا و خەتەو ژیوایوەی و ڕزگاریی هامرا عەگیدی، جە گرد وەختێوە زیاتەر خاوەنداریی جە نەریتوو کۆشیایما مکەرمێ. جە چلەمین ساڵیادوو هەڵمەتەو ١٥و ئابینە وەعد ئەوەخوای مکەرمێوە، سایسێ ڕابەر ئاپۆی و گەشمەردە قارەمانەکاما بیمێ و داوا جە گرد لاێوە مکەرمێ خاس جە گرد لاێوە جە مدرامانوو ئیمرالێ بیاومێنە، پەی ئازادیی گەلوو کوردی و گەلاو وەرکەوتوو دلێراسەی خاس بکۆشیەیمێ، هەڵمەتەو ئازادیی گەردوونی کە ئازادیی جەستەیی ڕابەر ئاپۆی
