چالاکییەکێ چوارچوەو "ئازادیی پەی عەبدوڵا ئۆجالانی، چارەسەر پەی پەرسەو کوردی" کە ١٠و تشرینوو یوەموو ٢٠٢٣ دەسش پەنە کەرد، سویسرانە بەردەواما.

سانت گالن

کۆمۆنوو ژەنێ هەڵبەست کۆچەرین ناوەندوو جڤاکیی کوردی دیموکراتیکوو سانت گالنینە، وۆرک شۆپێوەش ڕێک وست.  ئەکادیمیاو ژەنۆلۆژیی نۆرا مەرینۆینە سەروو مۆدێلوو ژیوای هامبەشوو ڕابەروو گەلوو کوردی عەبدوڵا ئۆجالانی سەروو بناغەو ئازادیوازیی ژەنێ و ئیکۆلۆژیای و دیموکراسی پێشەکییێوەش وست ڕووە. دمایی ژەنی قسەوباسشا کەرد و چیرۆکەو ئاشنابییەی وێشا بە فیکروو ڕابەرو گەلوو کوردی عەبدوڵا ئۆجالانی باس کەرد.

دمایی چند پۆستەرێو جە قسەکاو ڕابەروو گەلوو کوردی عەبدوڵا ئۆجالانی ئامادێ کریێ.

ژنێڤ

کەمپەینوو "ڕوەکاو دیالۆگی چەنی عەبدوڵا ئۆجالانی" بۆنەو خراپیی کەشوهەوایوە ناوەندوو جڤاکوو کوردی دیموکراتیکینە کریێ، پارتوو کۆمۆنیستوو سویسرای، مانگێرتەی ژەنە فێمینیستا، تۆڕەو سەرەوردای و ئەنداماو جڤاکی دیموکراتیکوو کورداو ژنێڤی، بەشدارێ بەرنامەکەی بێنێ.

کۆمیتەو هەڵمەتەکێ پێوەس بە کەمپەینەکەی وەڵینێوەش وست ڕووە، بەشدارێ قسەوباسشا سەروو فیکروو ڕابەروو گەلوو کوردی عەبدوڵا ئۆجالانی کەرد.

دمایی چند بەشێو جە کتێبەکاو ڕابەروو گەلوو کوردی عەبدوڵا ئۆجالانی بەفەڕەنسی ونیێوە.