ڕێکوزیاو ڕۆنامەوانە بێسنوورا (ڕەسەفە) داتاو ١٠ ساڵوو دماییش وەختوو سەرۆکایەتیی ڕەجەب تەیب ئەردۆگانیوە پێوەس بە چاپەمەنیی ئاشکرا کەرد، بە پاو داتاکا، جە ١٠ ساڵی دمایننە، لاو کەمیوە ١٣١ ڕۆنامەوانێ زیندانیێ کریێنێ و ٧٧ ڕۆنامەوانێ بە تۆمەتەو  "سووکایەتی بە سەرۆککۆمار"ی سزا دریێنی و ٥ ڕۆنامەوانێ کوشیێنێ.

ئەرەیاوناش دماو هەوڵە سەروازییاو ١٥و تەمووزی چندین ڕۆنامەوانێ ڕۆانامەکاو ئۆزگور گوندەمی و جمهورییەتی و سۆزجوی و زەمان زیندانیێ کریێنی، ڕەسەفە ساڵەو ٢٠١٨ تورکیاش پێسەو "گەورەتەرین زیندانوو ڕۆنامەوانا جیهانەنە" ئشناسا.

هەرپاسە چندین ڕۆنامەوانێ پێسەو عەبدولرەحمان گۆکی و تۆلگا شاردانی و مەردان یانارداغی و بارش پەهلیڤانی و فورقان کانابای کریێنێ ئامانج.

هەرپاسە مدرا سەروو پلاتفۆرمەکاو پێسەو  تویتەری و ویکیپیدیای و ئینستاگرامی کە سەردەموو ئەردۆگانینە قەدەغێ کریێبێنێ.