شاندوو دەم پارتی و تەژەئای جە بەردەوامیی زنجیرە سەردایەکاشانە پانیشتوو کوردستانینە، سەرێ یۆبییەی یۆبییەی ژەناو کوردستانیشا دا و جەختشا جە قەوەتکەردەی پەیوەندیی ژەناو هەر چوار بەشوو کوردستانی کەردۆ.
شاندوو جمیەروو ژەنە ئازادا و دەم پارتی سەرنیشتوو کورستانی، شاروو سلێمانیینە، سەرێو یۆبییەی ژەناشا دا و کافیە سلێمانێ خێرامای کەردێ.
شاندەکە نەورۆز ئایساڵە، پەرلەمانتارەو دەم پارتی- شرناخی، گوڵجان کاچمازە پەرلەمانتارەو دەم پارتی- وانی و ئایشە ئاجارە، پەرلەمانتارەی وەڵینەو هەدەپەی، کە هەمان وەختەنە ئەندامەو تەڤگەروو ژەنە ئازادا و حەکیم خەتیب، ئەنداموو نوێنەرایەتیی هەدەپەو پانیشتوو کوردستانی بێنێ.
سەیوان ڕۆستەمە ئەندامەو یۆبیەی ژەناو کوردستانی سەرەڕای خێرامای شاندەکەو سەرنشتوو کوردستانی، ئەرەنیشتەیەکەینە جەختش سەروو پتەوکەردەی پەیوەندییەکاو بەینوو ژەناو هەر چوار پارچەو کوردستانی کەردۆ و واتش: "پەنەوازا هەوڵێ زیاتەرێ بدەیمێ پەرسەو ژەنا و نەتەوەکەیما بوزمێنە وەڵێ، ئێمە باوڕما چانەن کێشەکاو ژەنا گردوو پارچەکاو کوردستانینە پێسەو یۆینێ پەوکای گرنگەن هەوڵێ بدەیمێ زیاتەر پێوە پەیوەندییەکاما پەرە پنە بدەیمێ و چارەسەر بخوڵقنمێ".
هەرپاسە لاو شاندەکەیوە پەرسەو هجوومە داگیرکارییەکاو سەروو پانیشتوو کوردستانی و گرنگیی ئازادیی فیزیکیی ڕابەر ئۆجالانی وزیا وەروو باسیوە.
