ئەرەیاۋناکە و ناوەڼو ئەرەیاۋنای و چاپەمەنی هەپەگەی پی جۆرەنە:

"هەڤاڵەکېما دێڤریم و ئەبو لەیلا جە هرووژمۍ دوژمنینە جە ٣٠ی نیسانو ٢٠٢٤ جە هەرېمەکا پارېزنای مەدیاینە گەشمەرڎۍ بیۍ".

هەڤاڵ دێڤریم، پېسە جوانۍ کوردی بە شەرەفو کەرامەتۆ، بەشداریش جە ئەرەکۊشای دژو هرووژمە قڕکاریەکا دەوڵەتو تورکینە جە سەرنیشتوو کورڎەسانینە دژو گەلەکەیما کەرد،  جوابوو دەوڵەتی ستەمکاریش داوە. جە کۆششی ٨ ساڵەو خەباتیشەنە، هەمیشە جە سەنگەرەکا وەڵێوە بە خێرایی و بە ئازاییۆ جەنگ کەرۍ. هەڤاڵما بە پراکتیکی سەرکۊتانەو ۋێش سەلەمناش کە کۊششی کاریگەر جە دژو دەوڵەتو ئەرەگیرو تورکی جە کەشەکا کورڎەسانینە مومکینا و چی ڕوانگۆ بی بە نموونە پەی گرڎوو جوانا کوردی. هەمڕاما دێڤریم، کوڕە ئازاکەو بۆتانی، بە ئیراڎۆ کۆشش و ۋێش کەرد. ئەرەکۊشاکەیش مبۆ بە مایۍ ئیلهامی و ئامیان و سەرکۆتەی پەی هەڤاڵاش و گرڎوو جوانا کورڎەسانی.

هەمڕاما ئەبو لەیلا کە دلۍ گەلوو عەرەبینە بەرکۊت، جە تەمەنێ جوانینە فامش بە حەقەتینو جمیەرو ئاپۆیی کەرد و پەیوەندیش بە ڕیزەکاو کۆششیۆ کەرد. کۆششو ۋێش بە وەشەسیایۆ ڕاوەبەر کەرد و بە گەشمەرڎە بیەیش بی بە نموونە پەی هامڕایاش و حەقیقەتو پارتیما(PKK). پی جۆرە هەمڕاما ئەبولەیلا بی بە ئامیان پەی ژیۋایۍ ئازاڎیی و تەماموو گەلا ۋەرکۊتوو مېیامینی. جە هەمان کاتەنە پەی ئێمەو تەماموو هەمڕایاش بی بەمەڵامەتوو گۊرەکەردەی ئەرەکۊشای ئازاڎیی. پېسە هەڤاڵاش بە ئیراڎۆ درێژە بە خەبات و ئەرەکۊشایما مڎەیمۍ تا بەدیئامای کۆنفیدراسیۆنی دیموکراتی ۋەرکۆتوو مېیامینی مێنە ئاراوە. کە وەرمو خیاڵ و ئاواتوو هەمڕایما ئەبو لەیلای بۍ. قارەمانە مێرخاسەکۍ پېسە ئەبو لەیلای یەکڕیزی دیموکراسی نەتەوەیی گەلوو کوردی و عەرەبی بەدی مارا و ئایدیاو ژیۋای هامبەشیشا هێقمتەر مکەرا. کۆششی ئازاڎیی بە ژیۋای و ۋنەو جوانا کورد و عەرەبی ئاویش دریان. ئی کۊششە مبۆ بە زامنو ژیۋایۍ تازەی ئازاڎیی جە ۋەرکۊتوو مېیامینینە.

سەرەتا، سەرەوەشی ۋێما ئاراسەو بنەیانەی ئېژا و هەڤاڵاما دەڤریمی و ئەبو لەیلای و گەلی وڵاتپارێزنو عەرەبی و کوردی مکەرمۍ. جە کەسایەتی هەڤاڵاما دەڤریمی و ئەبو لەیلاینە جارێوەتەر قەولو سەرکۆتەی بە گرڎوو گەشمەرڎە قارەمانەکاما واوەی مکەرمېوە.

"زانیاری سەرو شناسنامەو هەڤاڵە گەشمەرڎەکاما ئینەن:

ناسنامۍ / دەڤریم بۆتان

نامۍ و دمانامۍ / یەحیا تونچ

شۊنەماو جە ئەڎا بیەی / شرناخ

نامۍ ئەڎۍ و نامۍ تاتەی / ئاسیا - سەعید

شۊنەماو کاتوو گەشمەرڎەبیەی / ٣٠ی نیسانو ٢٠٢٤ / هەرێمەکاو پارێزنای مەدیای.

*****

ناسنامۍ / ئەبو لەیلا شەهید

نامۍ و دمانامۍ / ئەحمەد عەدنان بەرهاوا

شۊنەماو جە ئەڎا بیەی / منبج

نامۍ ئەڎۍ و نامۍ تاتەی / هێلێ - عەدنان

شۊنەماو کاتوو گەشمەرڎەبیەی /٣٠ی نیسانو ٢٠٢٤ / هەرێمەکاو پارێزنای مەدیای.