هەزاران شەنگالیۍ بە سەرمەشقایەتی ئیدارەو ۋێڕاوەبەری شەنگالی کوۍ بیێوە و بە درووشمەو " جە قڕکەردەی و کۆیلایەتییوە پەی ۋێڕاوەبەری و ئازاڎیی " ڕاپیمایۍ گۊرەشا کەرد. جە ڕاپیماکەینە دژوو خیانەتو پەدەکەی درووشمە بەرزکریاوە.
بۊنەو ساڵیاڎو فەرمانەو ٣ ۍ ئابو ٢٠١٤ ی جە شەنگالەنە گرڎوو شۊنەکا وزیێرە و دەیان چالاکیۍ ئەنجامدریۍ. جە چالاکییەکەنە ئا کەسۍ جە مڎرامانوو شەنگالینە گەشمەرڎۍ بیۍ یاڎۍ کریێوە و خیانەتو پەدەکەی شەرمەزارکریا.
جە ٧ تا ٧٠ ساڵی بەشدارۍ ڕاپیماکەی بێنۍ بە درووشمەو " جە قڕکەردەی و کۆیلایەتییوە پەی ۋێڕاوەبەری و ئازاڎیی ".
جە ڕاپیماکەینە بێ مردای درووشمەو "مرۆنە خیانەت" و "بژیۋۆ مڎرامانو شەنگالی" بەرزۍ کریێوە و سڵام جە مڎرامانوو گەریلاکا هەپەگە-یەژاستار کریا.
حەرپاسە وێنەو قوربانیا و گەشمەرڎا سەرمەشقا ئێزدی بەرزۍ کریێوە.
جەمۍ ژەنۍ جوانۍ پەی شەرمەزارکەردەی گێرتەی و ورەتەی ژەنا جە لایەنو داعشیوە جلۍ سیاوێشا پۆشۍ، زنجیرەشا بینا ۋێشاوە، وێنەو ژەنە دیلکریایا و کوشیایەکاشا بەرزۍ کەردێوە.
ڕاپیماکەی ۋەردەم و مەجلیسو گەلینە دەسش پنە کەرد و تا نزیک ۋەننگەو زەریفە عۆسێ (مەکتەبا سوور)ی کە پېسە زیڼانی و ئەشکەنجەخانەو ئێزدییەکا بەکارئامابۍ، بەردەوام بی.
