ئا ئێزدیۍ ٣ۍ ئابو ٢٠١٤ینە جە شەنگالەنە جە ئاکاموو هرووژمو داعشینە کۆمکوژکریۍ، جە شارو شتوتگارت و ئەڵمانیاینە جە دەیەم ساڵیاڎوو کۆمکوژیەکەینە یاڎشا کریاوە. چالاکی یاڎکەردەیۆکەی بە سەرمەشقایەتی کۆمۆنو ژەنا مریەمۍ سازکریا و بە دەیەقێوە بێدەنگی پەی ڕێزۋنەگېرتەی جە یاڎوو قوربانیا جینۆسایدی و گەشمەرڎا ئەرەکۊشای ئازاڎیی کورڎەسانی دەسشپنەکەرد.

چالاکیەکە جە کۆنیگستراس کە یۆن جە شلۊقتەرین جاڎەکا شتوتگارتی بە بەشداری ژمارێوە فرەی جە کورڎەسانیا و دۊساشا ئەنجامدریا. جە چالاکیەکەنە پلاکارد و وێنەکۍ کاتو قڕکەردەکەی بەرزۍ کریێوە.

ئا ژەنۍ بەشداریشا جە چالاکیەکەنە کەردەبۍ ناڕەزاییشا ۋەرا ۋەر بە قڕکەردەی بەربڕی و هامکات پەشتیوانیشا پەی مڎرامانوو یەپەگەی و یەپەژەی واوەی کەردۆ.

جە چالاکی یاڎکەردەیۆکەینە شانۆنامێوە جە بارەو قڕکەردەی ئێزدییەکاوە نمایش کریا.