ئارۆ وانەنە چندین کەسێ، دلێشانە هامسەرۆکاو دەم پارتیی وانی وەیسی دیلەکچی و گوڵشەن کورتە دەسبەسەرێ کریێ. دەسبەسەرکەردەی سیاسەتمەدارا وانەنە شەرمەزار کریا، پەی ئی مەبەستییە ئەنداماو دەم پارتی وەرەموو بیناو پارتەکەینە وانەنە ئەرەیاونایشا واناوە. جە ڕاوەبەراو دەم پارتیی وانی، ئیلهام گونەی جەختش کەردۆ، فاشیزم وەڵاتەنە پەرەش سانان و حکومەتوو ئاکەپە-مەهەپەی هەوڵێ مدۆ کۆشیای سیاسییا تاوانبار بکەرۆ.

گونەی ئاماژەش کەرد پانەیە چەنی بییەی قەیرانەکا، دەسەڵات هجوومێ مکەرۆ سەروو زوانی کوردی و ڕێکوزیا و پارتە کوردییەکا، هجوومێ مکەرانە سەروو سیاسەتی دیموکراتیکوو گەلوو کوردی، داواش جە گرد لایێوە کەردە  گرد لایێوە دژوو ئی سەپنایا دەنگوو وێشا بەرز بکەراوە.  

گونەی جەختش کەردۆ، ئی هجوومێ پەی سەروو کوردا مسەلەمنۆش کۆشیاکەیما چندە ڕەوان، واتش: "گەلەکەما درێژە بە کۆشیای ڕەوای و دیموکراتیکوو وێش مدۆ دژوو ئی هجووما".

گونەی جەختش کەردۆ، تا ئیساتێ نامێنمێ دما جە کۆشیای سیاسەتی دیموکراتیکینە و هەرگیز نمەیمێوە دماوە، داواش جە ڕێکوزیایەکاو مافوو ئینسانی و سەندیکا و ڕێکوزیایەکاو کرێکارا و پیشەوەرا و گلێرگەی مەدەنی کەردە و واتش: "وەراوەروو ئا شەپۆلەو فاشیزمەیوە دژوو زوانی و پارت و بەهاکامانە هەن، دەنگوو وێتا بەرز بکەرێوە. ئێمە بیێنمێ و هەنمێ و حەر مبیمێ".

ئەرەیاونایەکە بە درووشـمێ و چەپڵێ دماییش ئاما.