پەی دماییئاردەی بە گۆشەگیریی سەروو ڕابەروو گەلوو کوردی عەبدوڵا ئۆجالانی و مسۆگەرکەردەی ئازادیی جەستەییش، شاروو ژنێڤوو سویسراینە چالاکی ئەرەنیشتەی ٢ ڕوە دەسش پەنە کەرد.
شاروو ژنێڤوو سویسراینە دژوو گۆشەگیری چالاکیی ئەرەنیشتەی ٢ ڕوە دەسش پەنە کەرد. ئامانجوو چالاکییەکەی ئانەنە، وەرپەرسییەکاو ڕێکوزیا میاننەتەوەییەکا بەتایبەت کۆمیتەو ڕاگێرتەی جە ئەشکەنجەی (سی پی تی) و کۆنسەو ئەورووپای و نەتەوە یۆگێرتەکا ویر بوزاوە.
چالاکییەکەنە بە نامێ کوردستانییاوە ئەرەیاوناێوە ونیاوە.
هامسەرۆکوو ناوەندوو جڤاکی کوردی دیموکراتیکوو ژنێڤی، ئیبراهیم یوکسەل تیشکەش وستە سەروو گۆشەگیریی ئیمراڵی و واتش: "سیاسەتوو گۆشەگیری دژوو ڕابەرێتیما، جە ٤١ مانگەو دمایینە، فاڕیا پەی ئەشکەنجەی".
یوکسەل ئەرەیاوناش گەلوو کوردی و دۆسەکێشا سیاسەتوو گۆشەگیری قبووڵ نمەکەرا، ئەرەیاوناش پێسەو کورداو ئەورووپای دژوو بێدەنگیی سی پی تی و کۆنسەو ئەورووپای و نەتەوە یۆگێتەکا، دەیان شاراو ئەورووپاینە چالاکیی ئەرەنیشتەی ٣ ڕوەشا دەس پەنە کەردەن.
یوکسەل جەختش کەردۆ، ڕۆو دووەشەممەی چند دۆسییوەشا دەربارەو گۆشەگیری و هجوومە ئەرەگیرییەکاو سەروو پانیشتوو کوردستانی دێنێ دەسوو پەرلەمانوو سویسرایوە بێرنەنە و واتش: "پێسەو کورداو سویسرای، پەی ویروستەیوە وەرپەرسیی ڕێکوزیا میاننەتەوەییەکا، ڕۆو دووەمینە وەردەموو نەتەوە یۆگێرتەکانە چالاکیی ئەرەنیشتەیما دەسش پەنە کەرد".
ڕۆو چوارشەممەی دماو کۆبیەیۆیوی وەردەموو ئۆفیسوو نەتەوە یۆگێرتەکانە سویسرانە، دۆسیێو دریۆ دەسوو نەتەوە یۆگێرتەکاوە. یوکسەل داواش جە کوردستانییا و دۆسەکاشا کەردە سەوای وەردەموو نەتەوە یۆگێرتەکانە کوێ باوە.
