وەزیرو جبەرو ئیسرائیلی: تورکیای جە ناتۆی دوور وزمۍ
ئیسرائیل کاتزی وەزیرو جبەرو ئیسرائیلی، بە مەڵامەتوو بەربڕیەی قسە هەڕەشە ئامێزەکا ئەردۆغانیوە کە هەڕەشێش جە ئیسرائیلی کەرڎە، داواش کەرڎە تورکیا جە ناتۆنە دوور بوزیۊوە.
ئیسرائیل کاتزی وەزیرو جبەرو ئیسرائیلی بە تویتێوە، قسەکۍ ئەردۆغانیش مقارنە بە سیاسەتو سەدام حسەینی کەردۍ و داواش کەردە تورکیا جە ناتۆنە دوور بوزیۆوە.
جە قسەکاشەنە وەزیرو جبەری ئاماژەش پانەیە کەردەن کە، سەبارەت بە بەربڕیەی قسە هەڕەشە ئامێزەکا ئەردۆغان و سەرۆککۆمارو تورکیای، چنی دیپلۆماتکارا ئەڼاما ناتۆی چەمپنەکۊتەیش کەردەن و سەرەڕاو شەرمەزارکەردەی تورکیای، داواکریان تورکیا جە هامپەیمانی ناتۆینە دوور بوزیۆوە.
ئەردۆغان جە بەشداربیەیشەنە جە گلېرۆبیەی ڕیزەینە بە زۋانۍ هەڕەشە ئامێز ۋەرا ۋەر بە ئیسرائیلی هەڕەشێش کەردۍ و ئینەش وات: "چنی لوایمۍ دلۍ قەرەباخی، چنی لوایمۍ دلۍ لیبیای، هەمان ڕا ۋەرا ۋەر بە ئیسرائیلیچ گېرمێنە ۋەر."
