کۆنگرەو ستاری شاروو چلاخاو کانتۆنوو جەزیرەینە هۆڵوو ناوەندوو کولتووریی شارەکەینە پەی یادوو گەشمەردە زیلانێ (زەینەب کناجی) چالاکییێوەشا کەرد. هاموەڵاتێ و نوێنەراو ڕێکوستەیەکاو گلێرگەی مەدەنی بەشدارییشا چالاکییەکەنە کەرد.

نەژە سەیفەدین ئەندامەو کۆنگرەو ستاری چلاخانە قسێش کەردێ و کەسایەتیی گەشمەردە زیلانێنە گردوو گەشمەرداو ئازادییش یادێ کەردێوە و واتش: گەشمەردە زیلانە بە چالاکییەکەیش تەرسەو گەلوو کوردیش ماڕا و بڕواش بە کۆشیای و ئازادیی گێڵناوە و گەرەکش بێ بە چالاکییەکەیش ئازادیی گەلە بندەسا بەدەس بارۆ."

نەژە درێژەو قسەکاشنە واتش: "مدرامانوو گەشمەردە زیلانێ و چالاکییە فیداییەکەیش وانێوەش فێروو دوژمنی کەرد، کە ئایدۆلۆژیاو ڕابەر عەبدوڵا ئۆجالانی و خەتەو گەشمەردا خەتێوی سوورەنە و مبیمێ بە بۆمب و سەروو هەرنەیارێوەرە متەقمێوە، هەرپاسە واتش، وەعد مدەیمێ بەردەوامێ بیمێ جە ڕاو هامڕا زیلانێنە تا ئازادیی جەستەیی ڕابەروو گەلوو کوردی عەبدوڵا ئۆجالانی."

دمایی ئەندامەو کۆنگرەو ستاری کەریمە محەممەدە نامەو گەشمەردە زیلانێ، کە پەی ڕابەروو گەلوو کوردی عەبدوڵا ئۆجالانی نویستەبێش واناوە. دماتەر بە کوڵە فیلمێوە پەیوەندیدار بە گەشمەردە زیلانێ و تارێخوو کۆشیای، قسەکاو ڕابەروو گەلوو کوردی عەبدوڵا ئۆجالانی نمایش کریا.

کۆبییەیوەکەنە بە دەیان کەسێ جە ئەرەنیشتاو شاروو تربەسپی و ئەنداماو ڕێکوستەیەکاو گلێرگەی مەدەنی بەشدارییشا کەرد. هۆڵوو کۆبییەیوەکەی بە ڕسمەکاو ڕابەروو گەلوو کوردی عەبدوڵا ئۆجالانی و گەشمەردە زیلانێ ڕازیابێوە.

دمایی بە نمایشکەردەی فیلمێوە سەبارەت بە ژیوای و خەباتوو گەشمەردە زیلانێ جەمۆبییەیەکە دماییش ئاما.