جە مەراسیمەکەنە بەنامۍ فەرماندەیی یەبەشەی و یەژەشەیۆ ئاخین ئینتقامە قسێش کەردۍ و ئەرەیاۋناش، "جە سەرەتانە گەشمەرڎا کۆمکوژی، گەشمەرڎا فەرمانەو ٧٤ەمینی بە رێز و پنەزانایۆ یاڎۍ مکەرمېوە و سەرەو ۋێما ئاستشانە منامنمېرە. جە کەسایەتی ئاڎیشانە گرڎوو ئانیشا کە پېسە فیدایۍ ۋەرشا بە فەرمانەکا گێرت و پەی گەلی بیۍ بە قەڵغان جە کەسایەتی هەمڕا دڵشێرەکانە، هەمڕا عەگید جڤیان، مام زەکی، نوژیانەکا، بەرخودانەکا، زنار و شەنگالەکانە ئێمە گرڎوو گەشمەرڎا یاڎۍ مکەرمێوە.

ئاخین ئینتقامە فەرماندارەو یەژەشەی جە درێژەو قسەکاشەنە واتش، "هەر تەنیا جە فەرمانۍ رزگارما نەبی، بەڵکم بە ئازاڎیی مژیومۍ. ئا هەنگامۍ شۆڕشی کە ئێمە هۊرماگێرتە بە سەرمەشقی سەعیدی، دژواری، زەردەشتی، پیر چەکۆی و بە دەیان هەڤاڵۍ پېسە ئاڎیشا بۍ کە سەرمەشقایەتی یەبەشەی و یەژەشەیشا کەرد. سەرموشقیەتی ئێزدخانیشا کەرد و پەی ئانەی بتاوا کولتورو ئێزدخانی پارێزنا گیانوو ۋێشا بەخشا. ئێمە چی ڕاپیما درێژەو دە ساڵی ۋییەردەینە ۋەرا ۋەر بە چڼین هروژما و پلانە چەپەڵا مردایمېوە و ئێمە ئاماڎێنمۍ کە جە ۋەرا ۋەرو گرڎوو هرووژمەکانە پەی سەرو گلېرگەکەیما مردمېوە و ۋێڕاگری بکەرمۍ.

ئاخین ئینتقامە جە بارەو هرووژمەکا دەوڵەتو تورکی ئەرەگیریوە واتش، "ئارۆنە ئەردۆغان پېسە داعشی کۊتەن مېڎان و بێ سڵەمایۆ ۋەربیەن گیانو گرڎ گلېرگێوە و نەتەوێوە و تاڵانکاری مکەرۆ. ژیۋگەو کورڎةسانی جە ڕێخۆ بەرمارۆ، هرووژمی قڕکاری ئەنجام مڎۆ. ئیساتێچ گەرەکشا چنی داعشی تازەی، هێزە هامکارەکا وزۆنە وەڵۍ ۋێش و پلانە پەی فەرمانی تازەی مجۆرە. یۆ چا پلانێچشە ئەرەگیرکەردەی خاکو پانیشتوو کورڎةسانیا و ئیساتۍ ئا پلانێشە گرتێنە ۋەر و خاکو پانیشتی ئەرەگیر مکەرۆ. سەرەڕاو زینڼەکەردەیۆ داعشی، ئاڎۍ هامکارە خیانەتکارەکەیشا پەدەکە و حەرپاسە دەورو ۋێشارە چەتۍ کوۍ مکەراوە و هرووژم مکەرا سەرو گلېرگەی. ئێمە ئاگاڎارۍ ئا پلانە نیم-عوسمانیەیە هەنمۍ. ئێمە ئاماڎێنمۍ کە نەک هەر گلېرگەی ئێزدی، بەڵکم گرڎوو گلېرگەکا جە عێراقەنە بە تایبە کەمە نەتەوەییەکا پارێزنمۍ. ۋەردەم و دوژمنی ئەرەگیرینە کە گەرەکشا گرڎوو کولتور، ئایین و باوەڕییەکا دلېنە بەرۆ، مردمېوە و ۋێڕاگری مکەرمۍ.

ئاخین ئینتقامە جە درێژەو قسەکاسەنە واتش، "خیانەتو بنەیانەو بارزانی کە جە ۋەرا ۋەرو ئێزدییەکانە ئەنجامش مڎۆ ئیساتۍ بە دەسوو هەمان ئا کەسا ۋەرفراوانتەر بیەن و گەرەکشا بەردەوام بۆ. بنەیانەو بارزانی ئیساتۍ دەسشا وستەن دەسوو داعشیوە و گەرەکشانە ئی ئایینی و باوەڕییە دلېنەبەرا. جە ۋەرا ۋەرو ئا مەترسیانە کە ئینۍ ئارانە، جە دەیەمین ساڵیاڎو فەرمانەکێنە ئێمە ئا پەیامیە مڎەیمۍ بە رای گرڎیی و گەلی کە جە ۋەرا ۋەرو ئا پلانانە هوشیارۍ با. دوژمنی ئەرەگیر گەرەکشا گرڎوو خاکو عێراقی و پانیشتی،ئەرەگیر بکەرۆ و سنوورەکا میساقی-میللی بەدەس بارۆ. پۊکەی گرڎ کەسۍ هوشیار مکەرمېوە کە ئەگەر ئا پلانۍ ئارۆ سەرو پانیشتیرە جابەجێ بکریۆ، سەبای گرڎوو عێراقی مگێرۆوە".

جە دما دمایی قسەکاشەنە ئاخین ئینتیقامە واتش: "ئێمە پېسە یەبەشەی و یەژەشەی جە ئێزدخانی پیرۆزەنە، جە شەنگالی ۋێڕاوەبەرەنە پەی ئانەی بتاومۍ ئا دەسکۆتا پارێزنمۍ کە ئێمە ئی خاکەما هەنگام بە هەنگام بە ۋنی ئاوی دان و بە ۋنی رزگارما کەردەن، چێگە بە دمایچۆ ئاماڎێنمۍ کە بتاومۍ دەسکۊتەکا ئیساتۍ زیاتەر پارێزنمۍ. ئاماڎێنمۍ کە جە شێواز و تاکتیکەنە قووڵبیەیۆ ساز بکەرمۍ و جە ۋەرا ۋەرو فەرمانۍ تازێنە مردمېوە. ئێمە داوا جە گەلەکەیما مکەرمۍ، کە پەی ئانەی بتاومۍ خاکەکەیما پارێزنمۍ گێڵاوە پەی شەنگالی و خاوەنداری جە خاکی پیرۆزی بکەرا. ئێمە جارێوەتەر گەشمەرڎەکاما وە یاڎ مارمېوە. ئێمە قەول واوەی مکەرمېوە کە خاکەکەیما پارێزنمۍ".