پەی گەریلاکاو یەکینەکاو وەرکەوتوو کوردستانی (یەرەکە)ی جەنگاوەر میکایل (هیدایەت ڕەسوڵی) و ئەندۆک توڵهەڵدان (عومەر فورات) و ڕامان ڕێناس (عیرفان زەندی)ی، کە هجوموو دەوڵەتی ئەرەگیرکەروو تورکی پەی سەروو پێنجوێنێنە گەشمەردێ بیێ، گەڕەکەو ئێڤری-ینە پاریسوو پایتەختوو فەڕەنساینە مەراسیمێوە یادکەردەیوەی ڕێک وزیا. یادەکە ناوەندوو چاندوو کوردوو ئێڤریینە کریا و بە دەیەقێوی ڕێزگێرتەی وەنەو گەشمەردا دەسش پەنە کەرد. 

ئەنداموو دیوانوو کۆنسەو کوردی دیموکراتیکوو فەرەنسای (جەدەکە-فە) فاروق سۆیلەمەز قسێش کەردێ، ئاماژەش پانەیە کەرد کە دەوڵەتوو تورکی تەحەملوو مۆسیقای و زوانی و بییەی کوردا نمەکەرۆ و سیاسەتوو قڕکەردەی مکەرۆ دژوو کوردی، هەرپاسە تیشکەش وستە سەروو مدرامانی شکۆمەندوو گەریلای دژو هجوومەکاو قڕکەردەی و واتش: "ئەگەر مدرامانوو گەریلای و گەلی یۆی بگێرۆ، سەرکەوتەی گەورە نزیکەن".

بە نامێ بنەیانەو گەشمەرداوە، وەڵات دەمهات قسێش کەردێ و باسوو ژیوای گەشمەردە ئەندۆک توڵهەڵدانیش کەرد، تیشکەش وستە سەروو خیانەتوو پەدەکەی و واتش: "پەدەکە دەسش جە وەنەو گەریلاینە هەن. پەشتگیریی پەدەکەی پەی ئەرەگیرکاری بییەن بایسوو گەشمەردەبییەی هامڕایاما. ئامانجوو هامکاریی پەدەکەی ئانەنە کوردستانی تەمام بەرۆ دلێنە و گردوو دەسکەوتەکا پێشکەشوو سیستمی قڕکەروو دەوڵەتوو تورکی بکەرۆ". 

دمایی سینڤزیۆنێوە دەربارەو گەشمەردا نیشانە دریا، یادەکە بە درووشموو "گەشمەردێ نمەمرا" و "بژیوۆ سەرۆک ئاپۆ"ی دماییش ئاما.