ڕێکوزیاو مافەکا مرۆڤوو ئێرانی(IHR) کە ناوەندەکەش ئینا نەرویج ئەرەیاۋناش، کە ئێران ٢٦ کەسێش جە زیڼانوو قەزەل حەسارینە نزیک بە تارانی و یەرۍ کەسۍ تەریچش جە زیڼانەکا تەرینە جە هەمان ڕۆنە جە قەنارە دێنۍ.

ئەرەیاۋییان کە ئانۍ جە قەنارە دریێنۍ بە تاوانەو کوشتەی، مادەو هۆشبەری و دەسدرێژی دادگایی کریێنۍ. حەرپاسە دووۍ هاموڵاتیۍ ئەفغانۍ دلۍ جە قەنارەدریایەکانە بێنۍ.

بە پاو گوزارشتەو IHR، جە ساڵەکا ۋییەرڎەنە جە ئێرانەنە هیچ جە قەناردایۍ بەکۆمەڵی پی جۆرە ڕووەش نەڎان. دمایین جە قەنارەدای بەکۆمەڵ جە ساڵەو ٢٠٠٩ ینە ئەنجامدریا.

بەپاو گوزارشتەو ڕێکوزیاو چنە ۋییەردةی مېیاندەوڵەتی، ئێران دماو وڵاتوو چینی فرەتەرین سزاو جە قەنارەدایش چنە ئەنجام مڎریۆ.

حەرپاسە بە واچەو چالاکا مافو مرۆڤی، ئێران جە دماو سەرهۊرداو ژەنۍ، ژیۋای، ئازاڎیوە پەی بێدەنگی و سەرکوتکەردەی ناڕازیەکا سەرهۊرداکەی سزاو جە قەنارەدایش هۊرچنیەن.

یاگۍ ئاماژەینە دماو کوشتەی ژینا ئەمینیۍ جە تارانەنە بەدەسوو پۆلیسی ئەخلاقی، سەرهۆردایۍ سەرانسەری کورڎةسان و گرڎوو ئێرانیش گێرتۆ. هێزەکۍ دەوڵەتی پەی سەرکوتکەردەی ئا سەرهۆردایە سەڎان کەسێشا کوشتۍ و بە هەزاران کەسێشا دەسبەسەرۍ کەردۍ و ڕووبەڕوو سزای قورسیش کەردێوە.

ڕێکوزیاو مافو مرۆڤی IHR سەبارەت پا پرسەیە ئاگاڎیش دان و ماچۆ: "ئەگەر رای گرڎیی میاندەوڵەتی کاروەدای جددی نیشانە نەڎا، چانەی مشۆ حکومەتوو ئێرانی جە مانگەکا ئاینڎەینە کەسانێ زیاتەرۍ بۆ قەنارە.