یەرەکە ئەرەیاوناش فڕۆکەکاو دەوڵەتی داگیرکەروو تورکی ٣ جارێ دەگاو گەڵاڵەو ماوەتیشا وەرکەوتوو کوردستانینە بۆردومانە کەردێنە، لە ئەنجاموو بۆردومانەکەینە هیچ زەرەرێوە بە هێزەکاما نەیاوان و هەرێمەکەنە ئایر کەوتەنۆ.
ناوەندوو چاپەمەنی و ئەرەیاونای یەکینەکاو وەرکەوتوو کوردسانی (یەرەکە) پێوەس بە هجووموو فڕۆکە جەنگییەکاو دەوڵەتی ئەرەگیرکەروو تورکی، ئەرەیاوناێوەش وەڵا کەردۆ و ئەوەخوایش کەردۆ، بۆنەو بوردومانەکەیوە ئایرهەرێمەکەنە کەوتۆ و هەڵای بەردەواما.
ئەرەیاونایەکەو یەرەکەی ئینەنە:
"ڕۆو هەینی ٢٦ و تەمموزو ٢٠٢٤، دەوڵەتی داگیرکەروو تورکی دماو جموجووڵی فرەو چەمداریی عاسمانی، سەعات ٢٣:٠٠ بە فڕۆکەی جەنگی ٣ جارێ هەرێموو دوکانی و کانی گومەهەسپ و خەزینەی جە دەگاو گەڵاڵەو سەر بە مەنتێقەو ماوەتیش بوردومان کەرد. ئەنجامەنە زەرەرێوی فرە یاوا بە مێوەدەیمی و باخ و زەمینوو گەلەکەیما و بوردومانەکەنە هیچ زەرەرێوە بە هێزەکاما نەیاوا، بەڵام و باغ و بێسانوو دورووبەریش ئایرش گێرت و هەڵای بەردەواما.
بێگومان ئامانجوو دەوڵەتوو تورکی دلێنەبەردەی گردوو زیندەوەر و سرووشت و ژیوگەو وڵاتەکەو ئێمەن، مشۆم گرد لایێوە ئا ڕاسییە بزانا کە دوژمنایەتیی دەوڵەتوو تورکی ئینا زوۆن، بێچگە جە دژایەتیی وەراوەروو ئینسانەکا، سرووشت و ژیوگە و جوانیی وەڵاتەکەیما مکەرانە ئامانج. جە دار زەیتوونەکاو عەفرینیوە تا جوانییەکاو بادینانی ، جە بازاڕەکاو هەولێریوە تا کەرکووک و تا کەش و باخ و بێسانەکاو ئاسۆسی مکەرۆ ئامانج. وەعد مدەیمێ تا یاوای بە ئازادی و بەرکەردەی هێزی قێزەونوو دەوڵەتی داگیرکەروو تورکی وەڵاتەکەیمانە، پەی سرووشت و ژیوگەی و گردوو زیندەوەرەکاو وەڵاتەکەیما مدرامان مکەرمێ و مکۆشییەیمێ".
