سەدان ئەرەنیشتێ کانتۆنوو تەبقەی و نوێنەراو ئیدارەو وێڕاوەبەریی دیموکراتیکی و دەسەو مەجلیسەکا، پارتوو سوریایو ئایندەی و ڕێشچەرماو عەشیرەتەکا پەی پەشتگیری وەنەو هێزەکاو سوریای دیموکراتیک (قەسەدە)ی و هێزەکاو ئاسایشوو دلێ ڕاشا پیما.

ڕاپیمایەکە گەڕەکەو یەکەمینە دەسش پەنە کەرد، ڕاپیمەرێ عەلەمەو قەسەدەی و پانکارتوو " پلانەو حکومەتوو شامی و چەتەکاش پەی تێکدای ئارامیی هەرێمەکەی ڕەت مکەرمێوە" و " ئیدارەو وێڕاوەبەری هومێدوو ئێمەن... قەسەدە نوێنەروو ئێمەن... سەیەو ونەو گەشمەرداوە دەس ئامان.. دەسکەوتەکا مپارێزننمێ"ێشا بەرزێ کەردێوە.  

ناوەندوو وانیارە دیموکراتیکانە ڕاپیمایەکە مدرا، چاگە سەرۆکوو یۆبییەی ئالوبەیتی عەدنان عەلەوی واتش: "٥٠ ساڵێن تاواموو ڕژێمی ستەمکاری بەردەواما و چی ٤٠ ڕووەو دماینە نیازە خراپەکێش ئاشکرێ بیێ."

ئەرەیاوناش وەراوەروو ستەموو حکومەتی و چەتەکاوە مدرامان مکەرا، واتشڵ:" دژشا مگژیەیمێ و مندرامان مکەرمێ و ئادێ فیتنێنێ پەی ئیسلامی و موسڵمانا".

ئەندامەو ڕاوەبەریی کۆمەڵەو ژەناو زنوبیای، نور حەنەفییە ئاماژەش پانەیە کەرد، ئەنجاموو هجوومە نائینسانیانەکانە  ١١ کەسێ گەشمەردێ بیێ، ئی کۆکوشییەشا شەرمەزار کەرد و واتشا، یۆبییەی و خاوەندارێتی خەڵکوو هەرێمەکەی پەی قەسەدەی جوابێوی ڕۆشنا پەی گرد لاێوە.

ڕیشچەرمەو هۆزوو موسا زاهیری، عاید هادی ئەرەیاوناش ئامانج جە هجوومەکەی مدرنای ئیدارەو وێڕاوەبەریی سەرنیشتی و وەرکەوتوو سوریایا کە تا مێ فراوان بۆ: "ژەنی و پیێ و ڕۆڵەکێما ئامادێنێ چەک هوربگێرا و پاڵوو قەسەدەینە بمدرا، چێوە ماچمێ لوودێ و ئینایمێ پەشتیتاوە".