دماو ٢٥٠ ڕوا جە بڕفانایش جە لایەنو ئاسایېشو پەدەکەیۆ قەرار بۍ ئارۊ ڕۊنامەنوویس سلېمان ئەحمەڎ بریۊ ۋەردەمو دادوەری جە پاو ئا تۊمەتە بې بنەمایا کە ئاراسەش کریێنۍ، بەڵام بە چن بەهانېوە ئەرەنیشتەکەی پەی ماوەو مانگێوە دما وزیا.
کەمێ چێوەڵتەر ئەرەنیشتەو دادگاو دهۆکی سەبارەت بە دۆسیەو ڕۆنامەنوویس سلێمان ئەحمەڎیی پەی ڕۊو ٢٩و مانگەى ئایڼەی دماوزیا.
بەپاو زانیارییەکا، ئاسایشوو پەدەکەی پەنەوازیە ڕۆنامەوانیەکۍ سلێمان ئەحمەڎیش پەی دادگای نە کیاستێنۍ و حەرپاسە، دادوەرو دۆسێیەکەیچ بە بەهانۍ نەوەشیۆ ئاماڎەو پڕۆسەکەی نەبی.
رۆنامەوان و هەواڵسازوو بەشوو عەرەبی رۆژنیوزی سلێمان ئەحمەڎ جە ١و تشرینوو یووەم و ٢٠٢٣ پەی ۋینای بنەیانەکەیش جە گەڕەکەو شێخ مەقسودوو حەڵەبی سەردای ئا شارەیشە کەرد. سلێمان جە ٢٥و تشرینی یووەمینە گەرەکش بۍ جە ڕاو دەروازەو سنووری پیش خابوری (سێمالکا)یۆ گێڵۆوە پەی هەرێموو پانیشتوو کوردستانی. بەڵام هێزەکاو پەدەکەی بڕفاناشا و ئارۆ ٢٥٠ ڕوێن بەبۍ هیچ بەڵگێوە دەسبەسەر کریان.
حەرپاسە جە دماو ٢١١ ڕووا پارێزنەراکێش تاواشا پەی ئەوەڵجاری جە وەختوو بڕفاناکەیشۆ چەمشا پنەش گنۆ، ئینەیچ جارێوەتەر پاشێلکەردەی یاساکاو هەرێموو کورڎەسانی و عێراقیچا، چونکی بەپاو ماددهو (١٢٣) جە یاساو هه‌مواركریای ژماره (٢٣)ۍ ئوسوڵی مەحکەمە سزاییه‌كا ساڵەو ١٩٧١ی، هەر زیڼانیێوە مشۆم جە ماوەو ٢٤ سەعاتانە چەمش بە پارێزنەراش گنۆ.
جە بارەو دەسبەسەرکەردەی ئا ڕۆنامەنوویسەیۆ، بەشدار حەسەن یۆ چا پارێزنەرا بە ڕۆژنیوزیش ئەرەیاۋنا: سلێمان ئەحمەڎ، جە ئیساتێنە بەپاو مادەو (١)ی جە یاساو ژمارە ٢١و ساڵەو ٢٠٠٣ۍ پەرلەمانوو هەرێموو کورڎەسانی تۆمەتبار کریان کە تایبەتا بە شێونای ئاسایشوو نیشتمانیی و بە واچەو ۋێش هیچ تۆمەتێوەش سەرەرە ساغ نەبیەنۆ و جە ۋنەپەرسایۊکانە، بەرکۊتەن کە بە شێوێوە ڕسمی لووان پەی ۋەرنیشتوو کورڎەسانی و گێڵانۆ و مافوو مەنەیۆیش هەن.
بڕفانای و تاشای تۆمەتۍ بێ بنەمای پەی ئا رۆنامەنووسەیە جە چوارچێوەو فشارەکا پەدەکەینە پەی سەرو رۆنامەنوویسا و دەنگە ئازاڎەکا جە هەولێر و بادینانەنە و ئانەیچ سەرو ئاستوو دلېینەی و مېیاننەتەوەیی رووبەڕوو کاروەدای تنی بیەنۆ و بە هەوڵێوە پەی سەرکوت کەردەی و دەمکوت کەردەی رەخنەگرا و ۋەرتەسککەردەیۆ تەمامەتی ئازاڎیی ڕابەربڕیەی منریۆرە.
