ئەرەنیشتەو دادگایکەردەی دۆسییەو تیرۆرکەردەی دەنیز جەودەتی دماوزیا
قەرار بۍ ئارۆ پەی یەرەم جاری، ئەرەنیشتەو دادگایی دۆسیەو تیرۆرکەردەی گەشمەرڎە دەنیز جەودەتی جە دادگاو هەولێرینە بلۆڕاوە، بەڵام ئەرەنیشتەکەی دماوزیا.
هەریۆ جە کەسوکارو دەنیزی و تیمێوە جە پارێزنەرا مېیاننەتەوەی ئاماڎۍ ئەرەنیشتەو دادگاییەکەی بێنۍ. پەی ئانەی ئەرەنیشتەو دادگایی دۆسییەو تیرۆرکەردەی دەنیز جەودەتی، ئەڼامو کەنەکەی بلۆڕاوە، کە جە ١٨و ئەیلوولو ساڵەی ۋییەردێنە جە هەولێرەنە تیرۆرکریا، بەڵام سەرو داواو پارێزنەرا دۆسێیەو گەشمەرڎە دەنیزی ئەرەنیشتەکەو ئارۆی دماوزیا.
تا ئیساتۍ دووۍ جە تاوانبارا کوشتەی دەنیز جەودەتی دڎنشا بە تاوانەکێشارە نیان و دادوەریچ بەپاو ماددەو دووۍ تیرۆری سزاو گێرتەیش سەرەرە سەپنێنۍ، بەڵام تا ئیساتۍ تاوانبارى یەرەم نە گیریان.
