ئیدارەو وێراوەبەریی شەنگالی دەربارەو وێراوەبەریی شەنگالی و گەمە و پیلانەکاو پەدەکەی سەروو شەنگالیوە هۆشدارییش دا و داواش وەنەو گردوو ئێزدییەکا کەردە، نەگنا دامەو فیتنەی و ئاژاواوە.
ئیدارەو وێراوەبەری دیموکراتیکوو شەنگالی، بە ئەرەیاوناێوە تیشکەش وستە سەروو گەمە و پیلانەکا دژوو پیوەژیوای و گەلاو هەرێمەکەی، بەتایبەت هەوڵاو بڕێو لایەنا، کە کەسێ جیاوازێ پیسەو بنوێنەروو ئێزدییەکا نیشانە مدانە و واتش: "پێسەو ئیدارەو وێراوەبەری، هەمیشە ساعیبێ فکروو پیوەژیوای بیێنمێ و بیمێ. تەنیا پێوەژیوای و گەلا متاوۆ جە گرد هجوومێوە بپارێزنۆما و ئارامی بارۆ. بەڵام یادوو ١٠ ساڵەو فەرمانەکێنە موینیۆ کە بڕێوە بەرێ مگنا و وێسا پیسەو نوێنەروو ئێزدییەکا نیشانە مدانە و واوەی گەرەکسانە ناکۆکی بەینوو گەلانە وەش بکەرا، ڕۆشنا کە ئینە هەوڵێوەن پەی فاڕای پەرسەو ڕۆی و جە وێوە نییەن".
ئاماژە مکەرۆ کە فەرمانەو ٣ ی ئابوو ٢٠١٤ ئەرەمیاونۆش پەدەکە زەمینەش پەی هجوومەیە وەش کەرد، هومیشە هەوڵێش دێنێ فیتبە و ناکۆکی بوزۆنە بەینوو مسوڵمانا و ئێزدییەکاوە و ماچۆ:" ئەنجاموو ئی فیتنەییا و پەدەکەی و لایەنگێراشۆ، پیسەو جڤاکوو ئێزدی ڕووبەڕووی قڕکەردەیە بییەیمیوە. ئامانجی سەرەکیی داعشی دلینەبەردەی زهنیەتوو پیوەژیوای خەڵکی بێ. وەلێ ئێمە وەختوو فەرمانەکێنە سەیەو ڕابەر ئاپۆیۆ چا گەمە و پیلانا حاڵیێ بییەیمێ و گەرەکمابێ بە پڕۆژەو نەتەوەی دیموکراتیک کە پێوەژیوای گەلا مکەرۆ بە بنەما، جواب بدەیمیوە. دژوو ئانیشا گەرەکسانە فیتنەیی و ئاژاوێ هەرێمەکەنە بنیاوە و خەڵکی بکەرانە بە دوژمنوو هەنترینی. ئێمە دۆسایەتی و واڵەو براییما کەرد بە بنەما، ئیدارەو وێڕاوەبەری بە سەرمەشقایەتیی جڤاکی ئێزدی، گردوو پێکئامایەکاش گێرتێ وێش و گەرەکش بێ شەنگالەنە بە مۆدێوی تازەو ژیوای جوابوو دوهمنوو گەلا بدۆوە".
هومێد مکریۆ ئی مۆدێلە گردوو عێراقییەنە وەڵا بۆوە و ماچۆ: "تەنیا پێوەژیوای گەلا متاوۆ جە گرد نۆعە هجوومێوە بپارێزننۆما و ئارامیی بارۆ. بەڵام یادوو ١٠ ساڵەو فەرمانەکێنە موینیۆ کە بڕێو بەرێ مگنا وێسا پیسەو نوینەروو ئێزدییەکا مشناسا و گەرەکسانە واوەی ناکۆکی بوزانە بەینوو گەلاوە، ڕۆشنا کە ئینە حەوڵیوا پەی فاڕای پەرسەو ڕۆی و جە وێوە نییەن. ساڵیادوو فەرمانێنە گەلەکەما و پێکئامایەکاو داعشی داواو وەنەپێتەیوەشا جە بکەراو فەرمانەکێ کەرد، ئانێ هامکارێ داعشی بێنێ و بەتایبەت داواو دادگایی وەرپەرسوا پەدەکەی، ئی پەرسێ هەڵای بەردەوامەنە، بڕێ کەسێ سەر بە پەدەکەی گەرەکسانە پەرسەو دادگایی پەدەکەی بفاڕا".
ئاخرۆ ماچۆ: "پەنەوازا گلێرگەکەما و حەرکەسیوی کە باوڕش بە پیوەژیوای هەن چێروو چەترەو ئیدارەو وێراوەبەریینە، نەگنۆ دامەو گەمە و پیلانەکاو پەدەکەی و هێزە هامشیوەکاشۆ و مشۆم پەی دۆسایەتی گەلا و پێوەژیوای هەرمانە بکەرمێ. دژوو ئانیشا تەمادارێ نیایوەی ئاژاولانێ، بکۆشیانە و ڕا نەدانە بگنانە چێروو کاریگەریی جەنگی تایبەتیوە، ئینە هەرمانەو گرد ئێزدیێوە و پێکئاماێوە ئیدارەو وێڕاوەبەریینە."
