ژمارەو کوشیایا غەززەی یاوا بە ٣٩ هەزارۍ و ٣٦٣ کەسا
وەزارەتوو تەندروسی غەززەی کە سەر بە حکومەتو حەماسین، ئەرەیاۋناش، بە مەڵامەتوو هرووژمەکا ئیسرائیلیوە کە نزیکەو ١٠ مانگان بەردەوامێنۍ، ژمارەو ئا کەسا گیانشا جە دەسدان یاوان بە ٣٩ هەزارۍ و ٣٦٣ کەسۍ.
وەزارەتوو تەندروسی غەززەی وەڵاش کەردۆ، جە دماو هرووژم و حەماسی پەی سەرو ئیسرائیلی جە ٧و تشرینی یووەمینە، نزیکەو ١٠ مانگی ۋییەرڎەینە، لاوکەمیۆ ٣٩ هەزارۍ و ٣٦٣ کەسۍ کوشیێنۍ.
حەرپاسە وەزارەتەکە ئاماژەش پانەیچ کەردەن کە، جە ماوەو ٢٤ سەعاتی ۋتتەرڎەینە لاوکەمیۆ ٣٩ کەۍ گیانشا جە دەسدان و جە ٧و تشرینی یووەم و ساڵەی ۋییەرڎێوە ٩٠ هەزارۍ و ٩٢٣ کەسۍ جە غەززەنە زامڎارۍ بیێنۍ. وەزارەتەکە چا ئامارانە کە ڕووانە وەڵاشا مکەرۆوە، هاموڵاتیا مەدەنی جە هێزە چەکڎارەکا جیا نمەکەرۆوە.
